Aydheea 52:10 - Wëël Jwøk

¹⁰ Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 52:10 Iomraidhean Croise

Jööp 40:9

?Aŋø, cerï teek ni caala mar Jwøk? ?A ïïni, ï määr ki dwøl mo caala mare?

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 30:30

Wuuö Jwøk dwøre na teek tïïe tïïö nee wïnye, ni wëëk teek bade ööny piny ni nëënö jï jiy, ki yi maac mo liel man wø thöör jammi bëët, ki yi køth ma ruuga, ki yïth pey.

Aydheea 33:13

«Wui, u na kwöru bäyö, wïnynyu gïna tïïa; wui, u na kwöru cärö, kwanynyu tier teek mara.»

Aydheea 40:5

Køøre nø, ajiem mar Wuuö Jwøk onyooth, ni ö jiyi bëët ni putge gø raŋ ge bëët. Luummögø caana Wuuö Jwøki ki dhee kiree.»

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 53:1

?Aŋø, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Aydheea 63:5

Aana rääŋö, 'ba bäŋ dhaanhø mo oö kuna kunynye, ni thäŋ yia kiper mana tïme ni bäŋ dhaanhø mo oö kuna køny kööra; kiper manøgønø, bada na teek aana pieme, ni ö wëërri mara ni cwak aani.

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Luk 2:30

Kiper pïëm man piemï jiy ki gø aneena ki nyeŋŋa,

Luk 3:6

'ba jiy bëët pïëm mar Jwøk oneenge.› »

Moa Tïïc Nyïïatwieli 13:47

Kiper beeye luumma caan Wuuö jïwa, na kööe, «ni ‹Ïïna thïïŋa niï tïmï ni ïïna tar kiper juurre, kiper nee pïëm man piem jiy ki gø kïthï yi piny kare bäre.› »

Jøcua 4:24

Manøgø beeye kiper nee ŋäc jø bäät pinynyi bëët ni Wuuö Jwøk jïre da teek, ni ö uuni ni putu bëëtö nou lwäär ki Wuuö Jwøk na näk Jwøu na bäre bäre.»

Mana Nyooth 14:6

Kanyøgø nyïïatwiel maal mør mo määdö maal ajooda, ni käära luumma nyään na met na näk bäŋ cuŋŋe mo købe købø jï jø wø bëëdö bäät piny, ni beege mïëri bëët, ki wïth tuŋi bëët, ki teeŋ dhøgi bëët, ki wïth juurre bëët.

Mana Nyooth 15:4

?Aŋa noo ba lwäyi ni ba jiem nyeŋŋï, ï na Wuuö? Kiper bee ï keerï niï ena kur keerï. Mïëri bëët öö ni wøørge ïïni, kiper ŋøl marï anyooth.»