Aydheea 52:1 - Wëël Jwøk

¹ Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 52:1 Iomraidhean Croise

1 Luup Nyeye 16:29

Jiemmu Wuuö Jwøk ka ajiem mo orømø ki nyeŋŋe; kännu ki muuce ni ööu baŋe; wøørru Wuuö Jwøk, kiper eni ena kur keere.

Neemiya 11:1

'Ba dïbwöthe gena bëëdö ni ge bëëdö Jerucalem. 'Ba jiy bëët møga nyuuthe mo wø tïïc ni pätha bäät ŋati man nø atïïcge, ni ŋato päth bääte nø røk jiy apaar nee kälge nee bëëde Jerucalem, päänya en kur keere na mar Jwøk, nee jiy abïŋween moi nø mo odööŋ ki ra apaar nee bëëtge ni ge bëëdö yïth päänye møga.

Bwøth Wøk 28:2

Ni tïïï ka abïïe mo ena kur keerge nee tïmge na jap ajiem ni jap mïërö jï cöögu ma Aran.

Bwøth Wøk 28:40

«Køøre wärï tïïï ki jalabiiye mo okwøø ni bäyö kiper wäät Aran; ni cwääï ki kaae mo abïïe jïge thuwø, ni tïïï ki cöörri, kiper nee tïmge na jap ajiem ni jap mïërö jïge.

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 1:26

Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 26:2

Japu dhøk kiir nee wï jur mana mare beer nee døny yie, ni beeye wï jur man wø bëëdö ni gwøga ŋäädhe mare.

Aydheea 35:8

'Ba jöö mo dwøŋ otïmö ni dagø yie, ni cwøli ni «Jöö mo ena kur keere na mar Jwøk.» Ni jiy moa näk ba waany ge ba cäädhi ki yie, këël jøøa jägö na näk wïthge ba leer bäŋgø mo cøra yie. 'Ba bee jøøa marge beer keerge noo cäädhi ki yie.

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 48:2

Uuni, dëëtu wø cwøllu cwølø na jø päänya en kur keere, ni göögu raa, a na Jwø Icriel, na näk nyeŋŋe bee Wuuö Jwøk, eni na wïth jammi bëët.

Aydheea 49:18

Tïŋu wïthu maal ni lwïthu; jø pou bëët rege acooŋge ni ge ööa baŋu.» Ni kö Wuuö Jwøki, ni «Ka teeŋ man bëëda naa kwøw en, geni ge kïthu dëëtu kaamar jap mïërö, ni meenu ge dëëtu kaamar jap nywöm.

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 51:9

Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 60:1

Wui Jerucalem, päny maal ni rienyï, kiper tar marï aöö; ajiem mar Wuuö Jwøk apïï dëërï.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:10

Aani yia amïnnö døc ki ri Wuuö Jwøk, jwïëya ajïtö ki met ec ri Jwøk mara; kiper pïëm man wø piem jiy ki gø, ki bëënynyö arøø dëëra kaamar abïï, ni tïma kaamar cø dhaagø thiinh mo wïïe ee kïthö ki jap mïërö, naa caala dhaagø thiinh mo dëëre ee jiiŋŋø ni mïërö ki nyeŋ tii mo perge leth.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 64:10

Päänye moï na en kur keerge atïmö na dïtëën, këël Dhayan na näk Jerucalem atïmö na paap, ni bäŋ gïrpiny yie.

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Edhikiel 44:9

« ‹'Ba a na Kwäärö Wuuö Jwøk, luum caana jïïu bee en: Jøøa path, na näk kär daŋø ki yïth cwïnyge ki dëëtge, kär dee gø mo døny yi øtø mara na en kur keere, ni beege jøøa path bëët mo wø bëëdö dï jø Icriel.

Daniel 10:9

'Ba aani dwør dhaanhø manøgø awïnynya, 'ba kanya wïnynya dwøre ennø mana caane, aani nyeŋŋa aput gämmö døc ni täärnyïma yaa këël piny yïth ŋøøm.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Neeyam 1:15

Raŋŋu tiet dhaanhø ni ööi enø, ni cura bäät kïdi, na ŋat mo käla luubö mo nyään mo køpa luum bëët-mëër. Wui jø Juuda, bëëdu nou wøøra ajwöm mou, ni cïpu gïïa kööŋŋu ki ge jï Wuuö Jwøk. Kiper jø raay moøgø u ba cäŋge tugö këët. Geni wïthge di dïïrö na bäre bäre.

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Dhekaraya 3:4

'Ba nyïïatwiel maal aköö jï jiy moa näk cuŋŋö nyïme, na «Abïïk Jøcua moø no okïl ki cïlö yøø, kälu wøk dëëre!» Køøre ena köö jï Jøcua, ni «Raŋï, aani raay moï apaanya bäätï; 'ba dëërï orunynya ka abïïe mo beyø.»

Mathiew 4:5

Kanyøgø ena kïth anägö päänya en kur keere na näk mar Jwøk, ni beeye Jerucalem, ni cïp gø wï ocul Øt Jwøk Mana Dwøŋ,

Luk 15:22

'Ba ŋata näk wuuö laaŋe moe aluumme, ni ‹Laaru kännö ka abïï ma wøp døc, ni kïthu gø dëëre, ni kïthu cere ko ogut, ni kïthu tiete ki war.

Wëëlö Mana Göör Pøølli Baŋ Jø Röm 13:14

'Ba dëëtu wär cïpu jï Kwäärö ma Jecu Krictø, ni ba wëënnu dëël ki jöö man tïïc gïï wø manynye.

Wëëlö Mana Göör Pøølli Baŋ Jø Röm 3:22

ni beeye bëënynyö man wø cïp Jwøki man wø joot ki ri ŋäädhe ni en ri Jecu Krictø, ni beeye kiper jiy bëët mo wø jïëy ni ŋääthge. Kiper jiy röömi bëët.

Epeca 4:24

ni bëëdu ki bëëtö mana nyään, na näk ocwääö ni caala bëët Jwøk, na bëëtö mana beer na näk adïëri na en kur keere.

Epeca 5:14

Ni beeye na købi, «Ni päyï nø, ï no obutö, ni ööï maal ki yi thøø. 'Ba Krictø ïïno mooe ki tar.»

Epeca 6:10

'Ba mana dööŋ keere nø, tëënnu ki ri Wuuö ki køør teege, eni ni wø teek.

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.

Mana Nyooth 19:14

Ni ö jø lenynyi mo maal na käär abïïe mo pøøth, mo tar ni tøŋ, ni caathge køøre ni ena bäät okwëënyi mo tar.

Mana Nyooth 19:8

Ni ena wëëk man kïth dëëre ka abïï mo pøøth, mo tar ni tøŋ.» 'Ba abïïnögø ni pøøth enø beeye gïïa beyø na tïïc jø Jwøki.

Mana Nyooth 21:2

Ni jooda paana en kur keere na näk Jerucalem mana nyään, ni öö ki maal baŋ Jwøk, no ojiiŋŋø keda dhaagø thiinh mo dëëre orunynyö ki coole kiper cwøre.

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.