Aydheea 51:9 - Wëël Jwøk

⁹ Wui, Wuuö Jwøk, ö maal ni nyoothï teek mar badï! Ö maal kaawat mana kwøŋï tïïc yïth beenhnhe moa no opöödhö ya acääŋŋe! ?Aŋø, paa ïïni na këël Reeyap ki tøŋ, ni bee Ijep, na caal thwöra dwøŋ, ni ŋørï gø na thäŋi?

Aydheea 51:9 Iomraidhean Croise

Jööp 26:12

Eni naama dwøŋ awëëk nikïïl ki teek mare; ni ö lään wø cwøl ni Reeyap ni wëëk gø petø ki køør leec wïc mare.

Jööp 9:13

«Jwøk wëër mare ba dwøk piny, ni jø wø ö maal bääte na no odwätö ki Reeyap opäth piny tiete.

Dut Pwøc 93:1

Bwøth Wøk 6:6

«Kiper manøgø nø, ï na Modhe en, caanï jï jø Icriel ni Wuuö Jwøk aköö, ni ‹Beeye aani na Wuuö Jwøk. Uuni uuno käla wøk ki yïth gïïa leth na kïth jø Ijepi bäätu, ni käla uuni wøk ki yi bëët laŋ, ni wïïla uuni wøk thuwø ki køør teek bada ki ŋøl mana dwøŋ noo tïïa.

Aydheea 27:1

'Ba dïcäŋeca Wuuö Jwøk thwöl man wø rïïŋi døc ni wø cwøl ni Lëëwatan, ni beeye thwör wø bëëdö ni dëëre di meennø, di jäälö ko opëëllö mare na beth na dwøŋ na teek. Eni thwörögø na dwøŋ enø ni wø bëëdö yi naama dwøŋ di nääö.

Aydheea 30:7

kiper køny mar Ijep bäŋ tiere. Kiper manøgønø, ena cwøla ni «Reeyap na näk bäŋ gïn mo løny ki tïïc jïre.»

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 52:1

Wui Dhayan, päyï, päyï nø, ni røøï teek marï dëërï! Wui Jerucalem, ï na päänya en kur keere, røø abïïgï dëërï moa beyø; kiper jøøa näk kär daŋø ki jøøa näk ba waany, ge ba duny yiï këët.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 53:1

?Aŋø, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Edhikiel 29:3

Caanï jïre ni kööï, ni man bee luumma caan Kwäärö Wuuö Jwøk, ena köö, « ‹Ka adïëri møn, ï na Peerø nyeny Ijep, ï jääla jäälö; ï ni bëëdö kaamar lääna dwøŋ, ni ïïno but piny yïthakic nyeŋ näm moï, ni kööï, ni «Naam Nail bee mara, ni eni tïïa kaper dëëra.»

Mikiya 7:15

Wui Wuuö Jwøk, nyuuthï jïwa ki gïï mo rëëma ec, kaawat mana kwøŋï nyooth ya acääŋŋe kanya kälï wa wøk ki Ijep.

Abakuk 2:19

Otïmö ni raac jï ŋat wø köö jï jaath, ni ‹Päyï,› ni kööe jï kïdi ni wø bäŋ jwïëy dëëre, ni ‹Ö maal.› ?Aŋø, teeŋ gïnögø, løny jïre ki man cïpe ki pwöc? Neenï, eni dëëre olëënynyö ki warkey ki gwel-bïrö, 'ba eni bäŋ jwïëy dëëre.

Abakuk 3:13

Ïïna ci nyïm kiper jiyï nee piemï, kiper man piemï dhaanhnhï na näk wïïe othïïmmö ki maaw. Ïïni wï dïbwödhi mar dhi øtø mana raac anyathï, ni lweerï eni na bäre bäre.

Dhekaraya 10:11

Geni, ge puta pöödhö ki yi bëëtö mo leth mo caala athaŋ naama dwøŋ, 'ba aani, athaga manøgø gøøa gøø, nee kwöra päŋ mo Naam Nail talge, ni ö atöör mar Aciria ni puti dwøk piny, ni ö teeki mar Ijep ni ränynye.

Dhekaraya 2:13

Wui u na jiy bëët, noukïïl nyïm Wuuö Jwøk, kiper ena nø ö maal ki kar bëëtö mare na en kur keere.»

Luk 1:51

Eni bade bäär ni teege ee nyoodhø, ni keeth jø wø töödö ki yïth cwïnyge.

Jøøn 12:38

Ni beeye kiper nee luumma caan nyikuŋ Jwøki ma Aydheea thur kare, na köö, ni «?Wui Wuuö Jwøk, aŋa na ŋääth luumma køpwa? ?Na a jï ŋa na nyuth bat Wuuö Jwøk eni?»

Moa Tïïc Nyïïatwieli 7:7

'Ba Jwøk aköö, ni ‹Jø paano tïnyge, oŋøla wøk. 'Ba noo näk køøre geno ö wøk ni wøørge aani kany.›

Tiet Ciik 4:34

?Aŋø, a jwøa ŋø na päär gø ki man kääde ki wï jur kiper dëëre dï wï jur mør, kaawat mana tïïc Wuuö Jwøki na näk Jwøu kiperu Ijep, na käl u wøk ki køør päärö mo teek, ki ŋïïce ki gïï mo rëëma ec, ki køør leny ki teek bade ki teek mare na dwøŋ, ki gïïa døøŋŋø na tïïe na kännö ki lwär, na jootu ki nyeŋŋu?

Mana Nyooth 11:17

Ni köge, ni «Wui Kwäärö Wuuö Jwøk na en teeki jïre, wa dwøga met ec jïrï, ï ni nut en, ni nudï cøøn, kiper na lwørï teegï na dwøŋ, ni tägï ki man bëën ïïni.

Mana Nyooth 12:9

Ni ö thwöra dwøŋ ni lëëŋi piny. Ni beeye thwöra cääŋŋe cøøn, na cwøl na anägö ni näk Ceethan, na näk dïcuuy mar piny bäre. Ena lëëŋ piny, ni ö nyïïatwiet maalli moe ni lëëŋi piny ki eni na aciel.

Pïëmme 6:13

'Ba Gidien aköö jïgø, ni «Wui kwäärö, ?dee na Wuuö Jwøk bëëdö ki waani cøøn, gïï bëët ii, a dige tägö dëëtwa nidïï? ?Këël gïï mo rëëma ec moa tïïe bëët, moa caan wëëkwa jïwa na köge, ni ‹Wuuö Jwøk øøna käl wøk ki Ijep,› gïïa näk rëëma ec moøgø enge kaa ennø? 'Ba ennø møn, Wuuö Jwøk waana nø wiie ni cïp waani ceŋ jø Midien.»