Aydheea 51:8 - Wëël Jwøk

⁸ Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 51:8 Iomraidhean Croise

Jööp 13:28

«Kiper manøgønø, dëër dhaanhø ränynyö kaamar gïn mo okwäk, ni caala abïï mo ocam alweela.»

Jööp 4:19

a tugi ki dhaanhø nø, ni bëëdö yi øtø mo tïïc ko odhöönh en, ni tiere kanya käl yie bee yi tør, ni bee gïn wø laar dweny kaamar alweela.

Aydheea 14:11

Atöör marï ki dööt thøme moï anø käl kany kar bëët jwïëc jøøa no othøw. Bïëy beeye pëëm marï mano butï bääte, ni twöŋi beege aleeŋŋa marï mano uumï ki gø.›

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 50:9

Raŋŋu, Kwäärö Wuuö Jwøk a wø kønye kønyø. ?Aŋa nø noo jääl aani? Ka adïëri møn, jøøka ge ränynyö bëët kaamar abïï, ni ö geni ni cami ya alweela.

Aydheea 51:6

Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 54:9

«Kiper manøgø, gïno tïïa otïmö ni caala nïr Nöa, kanya kööŋa ni pïï kär ö piny këët na jwïïö. Kaawat manøgø thuwø, ennø, aana kööŋ naa ba gooti këët ki ïïni, wala man cäänna ïïni ki luubö mo teek.

Aydheea 66:24

Køøre geno ci wøk ni raŋge dëët jiy moa no othøw na gëëmö ki aani. Kiper twöŋi moo cam dëëtge ba thøw, ni ö maaci mana jääl ge ki gø ni bëëde ni ba bïp, ni putge tïmö na gïn mo raac døc ki baŋ jiy bëët.»

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Odheea 5:12

Aana tïmö kaamar alweela ki baŋ jø Ipariem, ni tïma kaamar atwøda mo odheeth dëët jø Juuda.

Luk 1:50

Ni ö mëërri mare ni wø ba jøøl ni bëëde bäät jø wø lwäär ki eni, ni ö ki ri beenhnhi nø, ni pööth ri beenhnhø maya.