Aydheea 51:6 - Wëël Jwøk

⁶ Tïŋŋu wïthu ni raŋŋu maal, ni raŋŋu piny thuwø; kiper maal rwäänyö kaamar jïrö ni wø maayi, ni räny pinynyi kaamar man wø räny abïï, ni ö jø wø bëëdö yie ni thøwge kaamar twöŋi. 'Ba køny mara bëëdö na bäre bäre, ni ö bëënynyö mara ni bëëde na bäre ni ba ränynyi.

Aydheea 51:6 Iomraidhean Croise

Aydheea 13:13

Kiper manøgønø, maal bäre tïïa tïïö ni jäŋŋi, ni ö pinynyi ni tïme ni kwanynyi, kanyo ö wëërri mara, a na Wuuö Jwøk na näk wïth jammi bëët, ni beeye dïcäŋo ö wëërri mara noo liele kaamar maac.

Aydheea 33:6

Eno tïmö ni beeye tier bëëtö maru ki yïth nïne mou, ni bee eni na tier kwärö man wø joot køny ki leec wïc ki kwänynyö baŋe. 'Ba ki man lwäär Wuuö Jwøk beeye kwärö eni.

Aydheea 34:4

'Ba gïïa en maal bëët oraanynyi, ni ö maalø ni bani kaamar warakata; ni ö jap maalli bëët thuwø ni øcge piny kaaman wø øc bøøk jer omøki piny, wala man wø øc bøøk olaammi piny.

Aydheea 40:26

Lwïthu ni raŋŋu maal mø. ?Japøge bëët ocwääya ŋa? Bee eni ni wø bëëdö na wïc bäätge ni wø ŋäc kwäänge, ni ge cwøle cwølø bëët ni man nø cwøle ka nyeŋ gø. 'Ba kiper mana näk mo dööŋö mare ki teek mare opöödhö, bäŋ aciel dëët japøge mo rwäänyi.

Aydheea 45:17

'Ba Icriel onø piem Wuuö Jwøki, ki pïëm mo bäŋ cuŋŋe. Eni wïïe ba lääy ni waŋe ba tïmö ni law këët ki yïth cwiiri bëët na bäre bäre.

Aydheea 50:9

Raŋŋu, Kwäärö Wuuö Jwøk a wø kønye kønyø. ?Aŋa nø noo jääl aani? Ka adïëri møn, jøøka ge ränynyö bëët kaamar abïï, ni ö geni ni cami ya alweela.

Aydheea 51:8

Kiper geni, ge tïmö kaamar abïï mo ocam alweela, ni tïmge kaamar jïëc rööm mo ocam twöŋi. 'Ba bëënynyö mara poot bëëdö na bäre bäre, ni ö kønynyi mara ni këët yïth beenhnhe bëët.

Aydheea 54:10

Kiper këël kïte doo dak, ni ö thuuri ni jäŋi, mëër mara ni wø ba jøøl ba dak bäätï, ni ö luum bëët-mëër mara mana tuuda ki ïïni ni ba ŋøle. Manøgø caana a, a na Wuuö Jwøk ni wø nyooth bäth ec mare jïrï.

Aydheea 54:9

«Kiper manøgø, gïno tïïa otïmö ni caala nïr Nöa, kanya kööŋa ni pïï kär ö piny këët na jwïïö. Kaawat manøgø thuwø, ennø, aana kööŋ naa ba gooti këët ki ïïni, wala man cäänna ïïni ki luubö mo teek.

Daniel 9:24

«Cwiiri abïriiø kwöre ma pïërabïriiø akwaan kiper jø pou ki pääny maru na en kur keere, ki man mwön bääyö yïth cwiiri moøgø, ki man thum raayi, ki man tïïc okïdi kiper gïïa bayi, ki man ö bëënynyö mana näk bëëdö na bäre bäre, ki man thur gïna nyooth kare ki luupa køp nyïïkuk Jwøki, ki man ö kar lam na en kur keere na pere leth ni jøri ki maaw.

Mathiew 24:35

Maal ki piny opöödhi, 'ba luupa ba dak.

Jøøn 5:24

Adïëri møn, a caana gø jïïu, ni ŋat wø wïny luumma ni jïëe ki eni na jääŋ aani, ree da kwøw mana näk adïëri mo bäŋ cuŋŋe. Ni eni ba doo cøøa kar ŋøl luup. 'Ba eno nø ö wøk ri thøø ni ci yi kwøw.

Tiet Ciik 4:19

'Ba kany wø raŋŋu maal, nou jootu cäŋ ki dwääy ki ceer, ni wø en maal, gwøgu rou nee wïthu ba maaŋŋi ki man tïme nou lama geni ni tïnynyu geni. Kiper gïïögø beege gïïa cïp Wuuö Jwøki na näk Jwøu jï jiy bëët moa en bäät piny.

2 Thecalönika 2:16

'Ba kawaane, Kwääyø ma Jecu Krictø ki dëëre, ki Jwøk na näk Wääø, ŋata mëër ki øøni, na mooc øøni ki cøm cwïny mo bäŋ cuŋŋe, ki ŋäädhe ma wøp mar nyïm ki køør met yie,

Ibaru 5:9

'Ba ki køør mana tïïi no othur kare, ena tïmö na tier pïëm man piem jiy ki gø mana näk adïëri na bäŋ cuŋŋe jï jø wø leŋ dwøre bëët,

Ibaru 9:12

Ni eni kär öö ki rem dïëk ki mo røøe, 'ba ena døny yi kanya en kur keere na pere letha eni yie aciel keere ni käära remme kiree, ni wïïl øøni wøk na enønø, këël na bäre bäre.

Ibaru 9:15

Kiper manøgønø, ena nyïjöö mar luumma tuut na nyään, kiper nee olaaw mana näk adïëri na bäŋ cuŋŋe na buuk nee ci jï jøøa cwøl, kiper mana tïme ni da ŋat mo othøw man wø wïïl geni wøk yïth moa dhalge ri luumma kwøŋ tuut na bëënge.

Mana Nyooth 20:11

Kanyøgø wälu mo tar mo dwøŋ døc ajooda ki ŋata en bääte. Ni ö maalli ki piny ni reŋge ki eni, ni bäŋe kany mo ojoodø kiperge.