Aydheea 51:5 - Wëël Jwøk

⁵ Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 51:5 Iomraidhean Croise

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 24:15

Kiper manøgønø, u ni en jï løø kur tuul-cäŋ, jiemmu Wuuö Jwøk, ni ö uuni ni en bäät naama dwøŋ ni tïŋu nyeŋ Wuuö Jwøk maal, eni na Jwø Icriel.

Aydheea 26:4

Bëëdu nou ŋäätha Wuuö Jwøk na bäre bäre, kiper Wuuö Jwøk beeye kïn gwøk røk mo bëëdö na bäre bäre.

Aydheea 33:2

Wui, Wuuö Jwøk, nyooth met ec marï jïwa, kiper wa bëëdö ni wa raŋŋa jïrï. Tïmï ni ïïna teek marwa cooth ka amöölla, ni bëëdï ni ïïna pïëmi marwa kanyo enwa yïth gïï mo leth.

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 40:10

Raŋŋu, Kwäärö Wuuö Jwøk öö ki teek mo dwøŋ, ni teek bade beeye noo käär piny ki gø. Raŋŋu, eni öö ni käära jøøa ööle kiperge, ni beege jiy moa joode ni wø cäädhi nyïme.

Aydheea 42:4

'Ba eni këël kanyo tïïc ŋøl luup mana näk kare bäät piny, eni ba ööl, ni ba døø ŋääe. 'Ba wïth juurre mo wø bëëdö yïth mïëri moa en bäät naama dwøŋ, ge bëëdö ki ŋäädhe ni ge køya ciik mo gø.»

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Aydheea 60:9

Ka adïëri møn, wïth juurre mo wø bëëdö yïth mïëri moa en bäät naama dwøŋ, jïra oneetge, ni ö baabuure mo Tarcëc ni kwøŋge pïï, ni ge käla wäätï ki kanya bäär, ni wäätï gwet-bïrö moge ki warkie moge käärge käärö, ni ge ööa kuna wøørge Wuuö Jwøk, Jwøk marï, ni beeye Jwø Icriel na en kur keere; kiper eni ajiem mo dwøŋ acïbe jïrï.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Aydheea 63:5

Aana rääŋö, 'ba bäŋ dhaanhø mo oö kuna kunynye, ni thäŋ yia kiper mana tïme ni bäŋ dhaanhø mo oö kuna køny kööra; kiper manøgønø, bada na teek aana pieme, ni ö wëërri mara ni cwak aani.

Jool 3:12

«Beerra man ö wïth juurre ni öge maal ni cige goor Jøcapath, kiper aani, a pïïa piny kaace ni caana luup ŋøl dëët wïth juurre bëët moa kwörge cärö.

Jepaniya 2:11

'Ba Wuuö Jwøk oput tïmö na gïr lwär jïge kanyo ö Wuuö Jwøki noo raany juu bëët moa en yi ŋöömge. 'Ba wïth juurre bëët moa en bäät naama dwøŋ cøŋge okëëlge piny nyïm Wuuö Jwøk ni wøørge gø, ni ŋati man nø ena yi ŋööm poge.

Mathiew 28:18

Ni ö Jecu baŋge ni kööe jïge, ni «Teek mar maal bäre ki mar piny bäre anø wëëk aani.

Mathiew 3:2

ni köö, ni «Løgu cwïnynyu, kiper buya käl maal kare acäännö.»

Maak 16:15

Ni kööe jïge, ni «Cou ni caathu dï piny bäre, ni køpu luumma nyään na met jï jiy bëët.

Luk 24:47

ni ö løk cwïny ki wec raac jiy ni købi ki nyeŋŋe yïth mïëri bëët, ni tägi ka yi Jerucalem.›

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

Wëëlö Mana Göör Pøølli Baŋ Jø Röm 2:16

Ni ge cädö ni kanymør ge di jäälö wala ge di ŋunnö dïcäŋöca, kanyo ö Jwøki noo ŋøl luup jiy piny moa näk ege kanø, ki køør Krictø Jecu, kaawat man wø en ri luumma nyään na met ni wø køba.

2 Körin 5:10

Kiper øøni bëët ø cuŋŋö nyïm thunh løøk mar Krictø, nee ŋati man nø jïte ki gïno joode na näk orømø ki gïïa tïïe na en ri dëël, nee gïï mo beyø, wala gïï mo reyø.

Tiet Ciik 30:14

'Ba luubö manøgø kare cään ki uuni døc, ni ena dhøgu, ni ena cwïnynyu, kiper nee gwøgu.

1 Camiel 2:10

Jø wø bëëdö ni ge gëëmö ki Wuuö Jwøk ge di raanynyø, ni ö wëëc Jwøki ni märe bäätge kaamar køth mo pöödö maal. Wuuö Jwøk luumme ŋøle ŋølø bäät piny bäre, këël mano këët teegi mo piny. Ni ö eni ni cïp teek mare jï ŋato cuume na nyeya, ni tïïc teek mar ŋatøgø noo røøny enø ni cäätha maal.»