Aydheea 51:20 - Wëël Jwøk

²⁰ Kiper dëët jiy moï aööl, ni bëëtge ni geno päänhnhö nyeŋ jïëthe, kaamar aŋer mo omaa ki thøøl, ni ge bëëdö ni geno omeer ki wëëc Wuuö Jwøk, ni beeye juuk mar Jwøk marï.

Aydheea 51:20 Iomraidhean Croise

Aydheea 29:9

Bëëdu ni uuno bwøk, ni yïthu othäŋŋö, tïmu ni uuna cööye nou ba nëënö, bëëdu ni uuno meer, ni paa ki køøŋø, bëëdu nou bøømmø, 'ba maru patha meerø ki køøŋø.

Aydheea 40:30

Këël wøpe kiree wø tïmö ni jägö ni dëëtge øya piny, ni ö obwöc cwøwi moa teek ni tïm tietge ni cwänyö ni ge päänhnhö.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 5:25

Kiper manøgønø, wëëc Wuuö Jwøk ni wø liel kaamar maac, kïthe bäät jiye, ni tïŋ cere maal bäätge ni 'näk geni. Thuuri di jäŋö, ni ö dëët jiy moa no othøw ni tïmge kaamar wär mo oker piny nyeŋ jïëthe. 'Ba këël køør japøgø bëët, eni wëër mare poot ba paanye; cere poot bëëdö ni ee rwieø.

Aydheea 51:17

Wui Jerucalem, päyï! Päyï nø, ni ööï maal, ï na no omäthö ya athöönh wëër cer Wuuö Jwøk. Amaathï møn ni thöörï gø, ni put ïïni wëëk bøømmø.

Aydheea 51:21

Kiper manøgønø, u na jø Jerucalem na no ocaarø, ni bee u na no omeer, ni paa ki køøŋø, cegu ïthu ki gïn.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Aydheea 8:21

'Ba geno bëëdö ni ge thääyö dï ŋöömö ni bëëtö marge leth ni geno 'näk käci. 'Ba kanyo ö käci noo 'näk geni, geno gooti ni cienge nyeya marge ki Jwøk marge ni ge raŋŋa maal.

Jeremaya 14:16

Ni ö jø wø køpge luup jïge ni thøwge ri leny ki käc, ni leeŋ dëëtge wøk dï uutjïëthe mo Jerucalem, ni beege geni ki dëëtge, ki määrge, ki wäätge, ki nyïïge bëët, ni bäŋe ŋat mo koony geni, naa dwøga raay moge wïthge.

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Wëël Kïmmö 1:15

«Kwäärö Wuuö Jwøk, jø leny moa teek yi paac man akwiere; ni cwøl jø leny møøk kipera, nee jø leny 'moa moa dëëtge teek nyathge. Kwäärö Wuuö Jwøk jø Juuda atïïe nee cwöth kaawat man wø cwöth nyïïomøki kar biic.

Wëël Kïmmö 1:19

«Aani, mïëri moa mëëra ki ge acwøla, 'ba gena tïmö ni marge nøøn aani. Dïlämme 'moa ki jäle 'moa gena thum yi pääny, kanya bëëtge ni ge määnyö ki cam man bëëtge ni ge kwøw ki gø.

Wëël Kïmmö 2:19

Pänynyu maal kany wø ö jø koorri mo wäär noo täkge ki koor, ni jwöŋu ni döötu ena maal. Gwääru cwïnynyu wøk bäre kaamar pänh jwïïö nyïm Kwäärö Wuuö Jwøk. Thaaŋu ceŋŋu maal baŋe kiper kwøw mar obwöre mou moa therø na näk oräp piny ki käc nyeŋ jïëthe.

Wëël Kïmmö 4:11

Wuuö Jwøk wëër mare akäle ni dwøŋ døc; wëër mare ni wø liel kaamar maac ajääŋŋe; ni leeŋ maac yi Dhayan, ni ö maaci ni put tier kiir Dhayan thöör ki waaŋ bäre.

Wëël Kïmmö 4:2

Wäät Dhayan na beer marge pääri ka warkey mana tøŋ, geno tïmö ni caala dääe nidïï mo wø tïïc dïcwäc dääe ki ceŋge!

Wëël Kïmmö 5:13

Obwöc cwøw atïïc na jø guur caammi, ni ö obwöre moa therø ni tïï na jø møøt jenni ki tëër mo leth døc ni ge bøømmø.

Edhikiel 12:13

'Ba aani, ajääp mara peera peerø bääte ni puta eni mak ka ajääp mara. Eni kïtha yi Babiløn, yi ŋööm jø Kaldia, 'ba ŋöömmögø ba joode. 'Ba eno put thøø kunece.

Edhikiel 17:20

Aani ajääp mara opeera bääte, ni maa gø ka abïëp mara. Eno kïtha yi Babiløn ni ŋøla luubö bääte kiper gïna tïïe dëëra na näk patha kare.

Edhikiel 39:19

'Ba yi kar 'näk manøgø na jiiŋŋa kiperu, uuno cämö ki rïŋ mo olør këël kanyo jäŋŋu, ni mädhu ki remø ni meerru.

Tiet Ciik 14:5

ki purra, ki muur, ka aŋer, ko omøro, ki tääŋ, ki buba, ki röönna.

Tiet Ciik 28:20

«Wuuö Jwøk acïëni, ki kier wïc mo päl, ka ajäla, jääŋŋe jääŋŋö bäätu ki bäät tïïe bëët mo wø tïïyu, këël mano ränynyu ni laaru thumö ki køør gïïa reyø noo tïïyu kanyo weyu eni.

Mana Nyooth 14:10

ŋatøgø thuwø, omäthi ki køøŋ nyïïomøki mar wëëc Jwøk, mo okøny yaa athöönh wëër mare, ni bäŋ gïn mo ojääbö ki gø. 'Ba eno caari ki maac, ki maac mør mo jïye keec ni lïëth døc nyïm nyïïatwiet maal na en kur keerge, ki nyïm Nyidiel.