Aydheea 51:16 - Wëël Jwøk

¹⁶ Aani, luup 'moa akïtha dhøgu, ni rïëba uuni ki tïpö mar cera. Bee aani na cïp maal kare, na wëëk tier piny këët piny ni teek, na köö ki jø Dhayan, ni ‹Uuna jiy 'moa.› »

Aydheea 51:16 Iomraidhean Croise

Bwøth Wøk 33:22

ni kany wø tïme na ajiem mara pöönhnhö ki kaagø, ïïno kïtha yi kään kïdi ni uuma ïïni ki cera këël mano pöödha ki kaagø.

Bwøth Wøk 4:15

'Ba ïïno cäänö ki eni ni cïbï luup bëët dhee; 'ba aani ki dëëra kiree, aano en buutï ni jaba dhiï, ni ena buute thuwø ni jaba dhee, ni pwönynya uuni ki gïïo tïïyu.

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 48:13

Ka adïëri møn, piny acwääa ki cera, ni peera maal ki cer cwïïa, ni kany wø cwøla geni, ge puta cuŋŋö na aciel.

Aydheea 49:2

Wuuö Jwøk luup mo wø ö wøk ki dhaa atïïe kaamar opëëllö mo beth, ni ö eni ni kan aani tïm cere. Ni tïïc aani kaamar atheerø mo ojiedhø, ni put aani kan yi køp mar athëëre.

Aydheea 49:8

Man beeye dwøl mana caan Wuuö Jwøki, ena köö, ni «Ki kanyo näk ma kare, løk pïëc marï løøa løø jïrï, ni kønya ïïni dïcäŋo näk cäŋ pïëm man piem jiy yie. Ïïno gwøa ni tïïa ïïni ni ïïna ŋato wëëk luumma tuuda ki jiy thur kare jïge, ni cäŋï ŋöömö manøgø dwøk kare, ni tïïyï kwöra no odööŋ keerge nee cäŋ beetø;

Aydheea 50:4

Kwäärö Wuuö Jwøk aana mooe ki leep mo tiir ma mar pwöc, nee tïme ni løny jïra ki man wëëga dhaanhø mo oööl tëënnö ki køør luup mo wø caana. Eni, a jiee jieø cooth ka amöölla, ni jap ïtha nee ïtha ciia kaamar dhaanhø mo opwönynyö.

Aydheea 57:19

ni tïïa ge naa pwøcge ki dhøkge, a na Jwøk. 'Ba bëët-mëër en jï jø wø kwörge bäyö ki jï jø wø kwörge cärö! Aani ge kønya kønyø.» Luummögø caana Wuuö Jwøki.

Aydheea 59:21

«'Ba aani, a na Wuuö Jwøk, luubö mano tuuda ki uuni beeye en. Jwïëy 'moa na kïtha bäätu, ki luup 'moa na kïtha dhøgu, bëëdö ni ge ba ö wøk dhøgu, ki dhøk obwöre mou, ki dhøk nyïïkwaayu ki mano täge ennø, këël bäre bäre. Manøgø caana aani, a na Wuuö Jwøk.»

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 65:17

«Adïëri møn, aani, a cwääö ki maal mo nyään ki piny mo nyään, 'ba gïïa no opöödhö dïkwøŋ, wïc ba par ki geni këët, ni ge ba duu ya acaara këët.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Jeremaya 1:9

Kanyøgø Wuuö Jwøk cere arwiee ni gut dhaa, ni kööe jïra, ni «Ennø, luup 'moa acïba dhiï.

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:38

Ni bëëtge ni gena jiya, ni bëëda ni aana Jwøk marge.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 8:8

ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Jøøn 17:8

Kiper luup moa cïpï jïra, acaana jïge, ni jïëcge ge, ni ŋäcge na adïëri naa käla baŋï. Ni jïëcge naa jääŋŋa ïïni.

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.

Tiet Ciik 18:18

Aano tïŋ maal ki nyikuŋ Jwøk dï jø poge mo caala ïïni, ni cïba luup 'moa dhee, ni ö eni ni caan luupo köömma eni ki ge bëët jïge.

Tiet Ciik 33:27

Jwøk na nut cøøn beeye eni wø bëëdu ree ni wø gwøk uuni; ni bëëdö ni u ee jølø cooth ki ceŋŋe. Ni beeye eni na riem nyïïmännu wøk nyïmmu; ni caan gø jïïu kiper nee geni thööru.

Ibaru 8:10

Ni cäŋ Wuuö Jwøki köö, ni «Man beeye luubö mano tuuda ki tuuŋ Icriel køør nïrögøøni. Ciik 'moa okïtha wïthge, ni gööra ge cwïnyge, ni tïma ni aana Jwøk marge, ni tïmge na jiya;

2 Piter 3:13

'Ba ø koora maal mana nyään ki piny mana nyään keda mana buuk gø, kanya näk kar bëët bëënynyö.

Mana Nyooth 1:1

Wëëlö man caana luup gïna nyooth Jecu Krictø, na wëëk Jwøki eni, nee gïïo laar tägö nee nyoodhe jï laage. Ni nyoodhe ka dhi nyïïatwiel maal mare na jääŋŋe baŋ laŋŋe ma Jøøn,