Aydheea 51:13 - Wëël Jwøk

¹³ ?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 51:13 Iomraidhean Croise

Acther 5:14

Køøre cïïe ma Jëërëc ki nyïïawääte bëët, gena köö jïre, ni «Beerra man tïïö ki jaath man wø lïër dhaanhø bääte mo bär mare jïtö ki gööye ma pïërabïïc, ni ciï ka amöölla ni caanï gø jï nyeya nee Mördekay lïër bääte. Køøre ïïno ci baŋ atïya ki nyeya ki met ec.» Ni ö Amaanni ni jïëc luummögø ni beeye gïn mo beer, ni ö jaathi manøgø ni jiiŋŋi.

Acther 7:10

Ni putge Amaan lïër bäät jaadha jiiŋŋe kiper Mördekay. Køøre nyeya wëër mare adøø piny.

Jööp 37:18

løny jïrï ki man kønyï Jwøk ki tïïc kany wø peer maal, ni ee tïïö ni tøŋ ni paŋŋi kaamar cïläälca?

Jööp 9:8

Eni keere maal apeere, ni bee eni ni wø cäädhi ki bäät athaŋ naama dwøŋ.

Aydheea 10:24

Kiper manøgønø, Kwäärö Wuuö Jwøk, eni na wïth jammi bëët, aköö, «Wui, u na jiya ni wø bëëdö Dhayan, käru lwäyö ki jø Aciria kanyo öge noo pwötge uuni ka athøra, noo tïŋge athøra marge maal bäätu, kaawat mana tïïc jø Ijepi.

Aydheea 14:4

uuni, duut mar aŋaada man wärru wärö kiper nyeny Babiløn, ni kööu, «Neennu, ŋata caar jiy apädhö, ni ö dïwïti mare ni ŋøle.

Aydheea 16:4

Beerra man bëëtwa yi ŋöömö maru, wa na no oriemmø en, ni tïmu ni uuna kar kan røk jïwa kiper ŋat mo raanynya wa.» 'Ba kanyo tïme ni bäŋ ŋat mo caanna jiy këët, na aranya ocuŋŋö, ni bäŋ dïtwïëte këët yi ŋöömö,

Aydheea 17:10

Kiper u na jø Icriel, wïthu awïl ki Jwøk na näk pïëmi maru, ni käru wïthu parø ki eni na kïn gwøk røk maru. Kiper manøgønø, këël u doo pïïdhö ki jenni mo mïërö, ni tøøgu jenni mo käla mïëri mo path,

Aydheea 40:21

?Aŋø, gïn kuyu? ?Käru wïnynyö? ?Kär caanø jïïu dïkwøŋ ya acääŋŋe? ?Aŋø, tiere poot käru kwanyø en ki mana cak piny ya acääŋŋe?

Aydheea 40:22

Bee eni ni wø pï piny maal, ni piny ee luuŋ piny, ni jø piny bëëdö ni nëëni kaamar aditwie; ni maal ee peerø kaamar abïï ma gëëŋi, ni ee peerø kaamar oduŋkaara na kar bëëtö.

Aydheea 42:5

Wuuö Jwøk, eni na cwääc maal ni ee peerø, na cwääc piny ki japa no otuy na en yie, eni na tïïc jiy nee bëëtge ni ge jwïëy bäät piny, na cïp kwøw jï jiy mo wø cäädhi bäät piny, ena köö,

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 44:24

Man bee dwør Wuuö Jwøk, eni na wïïl ï wøk, na cwääc ïïni ec, ena köö, ni «Aani, a na Wuuö Jwøk, bee aani na tïïc jammi bëët; maal apeera, ni tïïya a keera, ni peera piny a keera.

Aydheea 45:12

Bee aani na tïïc piny ni cwääa dhaanhø bääte. Maal apeera ki ceŋŋa, ni cïïmma gïïa en yie bëët.

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 48:13

Ka adïëri møn, piny acwääa ki cera, ni peera maal ki cer cwïïa, ni kany wø cwøla geni, ge puta cuŋŋö na aciel.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 54:14

Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Aydheea 7:4

Ni caanï gø jïre, ni ‹Gwøk riï, ni cïbï cwïnyï piny, ni ba lwäyï, ni ö cwïnyï ni ba pädhe kiper wëër mar Recin ki jiye ma jø Aram, ki wëër mar o Remaliya, jøøgø na ariiø yøø ni caal dhøk ameethi ariiø mo marge duuŋ jaak.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Jeremaya 2:32

?Aŋø, nyakøø wïïe wø wïl ki jap mïërö moe? ?A dhaagø thiinh wïïe wø wïl ka abïïk nywöm moe? 'Ba jiya wïthge awïl ki aani ki nïne mo thööth mo ba kwaan.

Jeremaya 38:19

Køøre nyeya ma Cëdëkiya aköö jï Jeremaya, na «A lwäär ki jø Juuth moa näk ceŋge ege cïbö jï jø Babiløn, kiper kanymør jø Babiløn a 'cïpge ceŋ jøøgø, ni caarge aani.»

Jeremaya 41:18

'Ba tier wääth mana cige Ijep kipere beeye kiper mana lwäcge ki jø Babiløn, kiper Gedaliya wär Akikam, na røøny nyeny Babilønni yi ŋöömö, anäk Icmielli o Nethaniya.

Jeremaya 51:15

Beeye Wuuö Jwøk na cwääc piny ki teek mare, ni tïïc gø ni teek ki køør leec wïc mare, ni peer maal ki køør acaara mare.

Jeremaya 51:19

'Ba eni na Jwø Jeekap ba caal gïïögø, kiper bee eni na tïïc jammi bëët, na cwääc jiye, ni beege thööge ma jø Icriel. Eni nyeŋŋe beeye Wuuö Jwøk, eni na wïth jammi bëët.

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Daniel 3:18

'Ba këël ni näk mo wa ba pieme, beer ki man ŋäyï gø, ï na nyeya, ki man näk mo juu moï ba tïnywa, ni ba løny ki man wøørwa kït gïna näk otïïö ki warkey na näk iï cwöth piny.»

Daniel 3:19

Kanyøgø Nabukedenecör wëër aput kadhø cwïnye, ni ö täärnyïme ni put ree wiil ni cøl ki Cidarak, ki Micak, ka Abedenagø. Ni cïpe ki dwøl nee maac rup døc ni wärri, nee lïëth mare pöödhe ki kwöre abïriiø ni kaala lïëth man wø bëëde.

Moa Tïïc Nyïïatwieli 12:23

Ni puti ya nyïïatwiel maalli mør mar Wuuö gøøc, kiper na käre Jwøk jiemø. Ni ö dëëre ni cami twöŋi ni thøøe.

1 Körin 1:20

?Age ŋata wïïe leer? ?Na age ŋata näk dïpööy mar ciik Jwøk? ?Age ŋata ŋäc pïëm ki luup yi pinyi en? ?Aŋø, Jwøk leec wïc mar jø piny käre tïïö na luum bøøl?

1 Körin 15:55

«?Wui, ï na thøø, teek marï en kaa? ?Wui, ï na thøø, kac marï age eni?»

Tiet Ciik 32:18

U na jø Icriel, Jwøa teek na cwääc uuni aweyu, ni wïl wïthu ki eni na mooc uuni ki jwïëy.

Tiet Ciik 6:12

'Ba noo jootu gïïögø bëët, gwøgu rou ni ba wïl wïthu ki Wuuö Jwøk na käl uuni wøk ki yi ŋööm Ijep na näk po laŋ.

Tiet Ciik 8:11

'Ba gwøgu dëëtu ni ba wïl wïthu ki Wuuö Jwøk na näk Jwøu, ni ba kääŋu ki man gwøgu ciik moe ki luup ŋøl moe mo köömma uuni ki geni dïcäŋi en.

Ibaru 11:15

'Ba onää wïthge ege caarø ki gïr paana aacge yie, ge doo jïtö ki jöö man døøkge ki gø.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 20:9

Ni öge ki yi piny bäre ni rumge twïër jø Jwøk dïër, ki paana mëërö ki gø. 'Ba maac aöö ki maal, ni dïïr wïthge.