Aydheea 51:12 - Wëël Jwøk

¹² Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Aydheea 51:12 Iomraidhean Croise

2 Nyeye 1:15

'Ba nyïïatwiel maal mar Wuuö Jwøk aköö jï Ilaaja, ni «Ci piny kunece ki eni; kär niï lwäyö ki eni.» Kanyøgø, Ilaaja aput ö maal ni ci piny baŋ nyeya ki eni na aciel.

Pwöc Leec Wïc 29:26

Jiy mo thööth wø manynya leec nyïm baŋ kwäärö, 'ba ŋøl ma adïëri wø joot dhaanhe baŋ Wuuö Jwøk.

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 2:22

Weyu ŋääth dhaanhø, man ni jwïëy ka ume keere jaak en. ?Aŋø, da kare cøøn?

Aydheea 40:1

'Ba Jwøk marø aköö, ni «Cømmu cwïny jiya; cømmu cwïnyge.

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Aydheea 57:11

«?Aŋø, aŋa na bwøgu ki gø na lwäyu ki gø, ni tïme nou cara tööt jïra en ni wïthu ba parru ki aani, ni bäŋ gïn caarru døøc kipera en? ?Aŋø, bee kiper mana bëëda ki kany mo bäär naa lïŋö, ni tïme naa ba lwäärru en?

Aydheea 61:2

nee cwiino ö eni noo nyooth met ec mare yie, ki cäŋ ajäla mare, eni na Jwøk marø, nee køba, nee jiy bëët moa näk kïmmö nee cwïnyge cøma,

Aydheea 66:13

Kaawat man wø ö mïïö wø cøm cwïny nyaare, uuni thuwø cwïnynyu cøma cømø; ni putu bëëtö ni cwïnynyu ocømø yi Jerucalem.»

Aydheea 8:12

ni «Gïn wø kö jøøgø na ageem, kär jïëyu na ageem, ni ba lwäärru ki gïn wø lwäärge, wala u wëëga cwïnynyu bwøk ki gø.

Jeremaya 38:19

Køøre nyeya ma Cëdëkiya aköö jï Jeremaya, na «A lwäär ki jø Juuth moa näk ceŋge ege cïbö jï jø Babiløn, kiper kanymør jø Babiløn a 'cïpge ceŋ jøøgø, ni caarge aani.»

Jeremaya 41:18

'Ba tier wääth mana cige Ijep kipere beeye kiper mana lwäcge ki jø Babiløn, kiper Gedaliya wär Akikam, na røøny nyeny Babilønni yi ŋöömö, anäk Icmielli o Nethaniya.

Edhikiel 2:6

'Ba ï na wär dhaanhø, kärï lwäyö ki geni, ni ba lwäyï ki luup moo carge, këël ïïno kïth yïthakic odhäŋ ki koodhi, ni cïp ïïni yïth agarapi, kärï lwäyö ki luup moo carge, ni ba bwøk cwïnyï ki geni kanyo enï nyïmge; kiper gena jø ageem.

Mathiew 10:28

Ni käru nou lwäyö ki jø wø 'näk dëël ni ba løny jïge ki man 'näkge jwïëy. 'Ba beerra man lwäärru ŋat wø løny jïre ki man raany jwïëy ki dëël karge riet yi maac kar ajäla.

Jøøn 14:18

«U ba wiia ni uuna kïïe. A duua baŋu.

Moa Tïïc Nyïïatwieli 9:31

Kanyøgø acook Jwøk mo Judia bäre, ki Galili ki Cameria, gena bëëdö ki bëët-mëër ni tëënge. Ni ge bëëdö ni ge wøøra Wuuö, ni meetge rege ki køør cøm cwïny mar Jwïëc Jwøk na en kur keere.

1 Piter 1:24

Kiper «Jiy bëët caala luum, na ajiem marge caala wï luum mo oŋøøk. 'Ba luum wø tal, ni päth wïïe piny.

1 Camiel 15:24

Køøre Cøøl aköö jï Camiel, ni «Aana bääyö; aani møn, dwør Wuuö Jwøk ki dwørï adhala, kiper aana lwäyö ki jiy ni tïma naa leŋa döötge.

1 Camiel 17:11

'Ba kanya ö Cøølli ki jø Icriel bëët na wïnyge luup moa car nyï Pilitinni manøgø, cwïnyge abwøk ni putge lwäyö døc.

1 Camiel 21:13

Ni ö Deebiti ni put ree tïïc kaamar bøøl nyïmge; 'ba kanya makge gø ena put tïïö ki jap bøøl, ni kew dëër odhuul dhi kiir, ni tïïc laaw nee øcge piny ki bäät jïëc tïïe.