Aydheea 50:4 - Wëël Jwøk

⁴ Kwäärö Wuuö Jwøk aana mooe ki leep mo tiir ma mar pwöc, nee tïme ni løny jïra ki man wëëga dhaanhø mo oööl tëënnö ki køør luup mo wø caana. Eni, a jiee jieø cooth ka amöölla, ni jap ïtha nee ïtha ciia kaamar dhaanhø mo opwönynyö.

Aydheea 50:4 Iomraidhean Croise

Jööp 4:4

Jiy moa näk bøømmø, dëëtge awëëgï tëënnö ki luup moï, ni wëëgï cøŋŋi moa no jöönyö nithïk.

Pwöc Leec Wïc 12:25

Kïmmö cwïny dhaanhø wø døøye mo peek, 'ba luubö mo beer yi dhaanhø wø døøye mo met.

Pwöc Leec Wïc 15:23

Løk pïëc ma kare yi dhaanhø wø døøye mo met, ni caan luubö kanya näk ma kare, a teeŋ beer mo nyïëdi!

Pwöc Leec Wïc 25:11

Luubö mo caan no orømø mïërö kaamar warkey mo othiiø ni caala nyïïoleem mo ocïp ya athaanh gwel-bïrö.

Aydheea 28:19

Cooth kany wø kwönne, uuno køøle, kiper mano bëëde ni kwönna bäätu cooth ki yïth caae bëët, amöölla ki waŋcäŋ ki wäär.» 'Ba kanyo kwany tier luummögø, okänni ki lwär mo dwøŋ.

Aydheea 28:9

Ge cäänö, na «?Aŋa noo pwönynye ki leec wïc? ?Luumme ocaan gø jï ŋa? ?'Ba tiirra obwöre moa no omänö ki caak na näk thunh ege wiiø?

Aydheea 35:5

Kanyøgø cööye nyeŋge ojap, ni ö meŋŋe ni wïnyge luup.

Aydheea 40:29

Eni cïpö ki teek jï jiy moa no ööl, ni ö ŋata bäŋ teek jïre ni mooc gø ki teek mo opöödhö.

Aydheea 50:10

?Aŋa dïïu ni lwäär ki Wuuö Jwøk, na jïëc luum dhaanhnhe mana näk ee jierø, ni cäädhi ka yi muudhö ni bäŋ tar jïre? Beerra man ö eni ni ŋääth Wuuö Jwøk, ni bëëde no ogöök ri Jwøk mare.

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Aydheea 8:16

'Ba ïïni, wëëk luup 'moa kan cwïny bääga, ni dëëdï ge cwïnyge nee gwøkge.»

Jeremaya 1:9

Kanyøgø Wuuö Jwøk cere arwiee ni gut dhaa, ni kööe jïra, ni «Ennø, luup 'moa acïba dhiï.

Jeremaya 31:25

Ni tïïa dëët jøøa näk oööl nee nigethïk, ni caama jøøa näk obup ni jäŋge.»

Edhikiel 46:13

« ‹'Ba ki yi cäŋ cooth, wäru cïpu ki nyidiel mo cwiine aciel mo bäŋ gïn jøøŋŋi dëëre, ni cïp no olämi man wø waaŋ bäre jï Wuuö Jwøk; ni cïpu ka amöölla cooth.

Mathiew 11:28

«Ööu baŋa, u na näk ööl bëët ki gïï wø tïïyu ki gïïa peek ni wø kääru ki cwïnynyu; uuno mooa ki jwömö.

Mathiew 13:54

'Ba kanya ö dï poge, jiy apwönynye yi øt acooŋ lam marge ki pwöc mo yïthge athäŋŋö ki gø. Ni köge, ni «?Ŋati leec wïc manøgø ki tïïe moi ni døøŋŋø ii ee kwanyø kaa?

Mathiew 22:46

'Ba bäŋ dhaanhø mo oløny jïre ki man duun gø ki luubö. Ni bäŋe ŋat mo cwïnye ee maar mak ki man pëëny gø ki pïëc møøk këët køør pïëyögø.

Luk 21:15

Kiper uuno mooa ki dhøk ki leec wïc, mo ba maar lønyø jï nyïïmännu ki man duunge uuni, wala man piemge gø.

Luk 4:22

Ni ö jiyi bëët ni pwøcge gø, ni yïthge orëëm ki luup moa met na ö wøk ki dhee. 'Ba gena köö, na «?Aŋø, ŋati paa o Jocep?»

Jøøn 7:46

Ni løgi ya dïkuye, ni «Bäŋ dhaanhø mo okwøŋ cäänö kaamar ŋatøgøøni.»

Tiet Ciik 18:17

«Køøre Wuuö Jwøk aköö ki aani, ni ‹Gïna caange beeye gïn mo beer.

Tiet Ciik 18:18

Aano tïŋ maal ki nyikuŋ Jwøk dï jø poge mo caala ïïni, ni cïba luup 'moa dhee, ni ö eni ni caan luupo köömma eni ki ge bëët jïge.