Aydheea 50:2 - Wëël Jwøk

² ?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Aydheea 50:2 Iomraidhean Croise

Wïlöölö 18:14

?Aŋø, da gïn mo dhäthö jï Wuuö Jwøk? Ki kanya näk ocaanø aano duu baŋï cwiino ööi kar kany nø, ni ö Ceera ni nyööte ki nyilaal ma dïcwøø.»

2 Luup Nyeye 32:15

Kiper manøgønø, Edhekaya kär wëëgu man cøøk uuni wala man maaŋ wïthu ki gïnögø, ni ba ŋääthu eni, kiper ki røk juu mo wïth juurre bëët wala mo buc nyeye, bäŋ jwøk mo oløny jïre ki man piem jiye cera wala ceŋ kwäya. ?A Jwøk maru nø, olønye jïre nidïï ki man piem uuni cera?› »

Bwøth Wøk 14:21

Køøre Modhe cere arwiee bäät Naama Kwaar; ni ö Wuuö Jwøki ni dwøk naam ŋääe ki køør jamø mana teek na tïïe nee kwöde ki yi wäär bäre, ni kwönni ki jï løø kur tuul-cäŋ, ni ö pïïyi ni pääŋge rege, ni ö naammi ni tale.

Bwøth Wøk 14:29

'Ba jø Icriel acäädhö ki kany mo otal dï Naama Kwaar, ni pïï cuŋŋi kaamar dëër øtø bäät cwïcge ki bäät cämge.

Bwøth Wøk 7:18

Ni ö reci moa en yi naam ni thøwge, ni tïm naammi ni ŋwääö no okwäk; ni tïme ni teek jï jø Ijep ki man mäthge ki pï naamøgø.› »

Bwøth Wøk 7:21

Ni ö reci moa en yi naam manøgø ni thøwge, ni tïm naammi ni ŋwääö no okwäk, ni tïm jø Ijepi ni ba løny jïge ki man mäthge ki pï naamøgø. Ni ö pïïyi moa en yi ŋööm Ijep bäre ni put tïmö na remø.

Pwöc Leec Wïc 1:24

'Ba kiper mana cøøra uuni ni kweeru, ni rwääa ceŋŋa baŋu, ni bäŋe ŋat mo oneen gø,

Aydheea 11:15

Wuuö Jwøk weel naama dwøŋ mar Ijep taale taalø; cere tïŋe maal bäät Naam Upareeti ki jamø mo lïëth, ni put gø ŋørø na nyeŋŋi abïriiø, ni put tïmö ni ŋøl jiyi ŋølø ki war jaak.

Aydheea 19:5

'Ba pïï mo Naam Nail tal, pïï moe dwön ni talge.

Aydheea 23:11

Wuuö Jwøk cere atïŋ maal bäät naama dwøŋ, ni tïïc buc nyeye mo wø bëëdö bäät gø ni jäŋŋi, ni cïpe ki dwøl ki man raany kwör gwøk røk mo Keenan.

Aydheea 36:20

?A juuge moe røk juu bëët mo tiet mïëri moøgø mo jø wø bëëdö yïth ŋøøpge ege piemø cera, ni tïme ni Wuuö Jwøk jø Jerucalem pieme piemø cera en?› »

Aydheea 41:28

Aana rääŋö, 'ba bäŋ aciel mo jaal dhee. Bäŋ aciel dï juu moøgø mo cïpi ka acaara, ni bäŋ aciel mo oløk pïëc jïra kany wø pëënynya geni.

Aydheea 42:15

Kïte ki thuuri wëëga pädhö, ni ö japa no otuy bäätge bëët ni talge; näm wëëga dwön ni ŋørge ni tïmge na acuul, ni taala pulli.

Aydheea 43:16

Man bee dwør Wuuö Jwøk, eni na tïïö ki jöö mo cøra dï naama dwøŋ, ni beeye jöö mo cøra dï pïï mo kwödö ni teek,

Aydheea 44:27

Bee aani ni wø köö ki naama dwøŋ na päŋ, ni ‹Talï!› ni puta nyeŋŋi moe taal.

Aydheea 51:10

?Aŋø, patha ïïni na taal naama dwøŋ, kuda näk päŋ døc, na tïïö ki jöö yi naamøgø, kiper nee jøøa wïïlï wøk nee ŋutge løøga ki yie?

Aydheea 54:6

Ï na Jerucalem, ïïna duua baŋa kaamar dhaagø mo okwierø mo ena yi pänh cwïny, mo okwier cwøre ni poot thiinh.

Aydheea 59:1

Ka adïëri møn, cer Wuuö Jwøk ba ciek ki man kunye, eni wïnyö ni patha miiŋ;

Aydheea 59:16

Ajoode møn ni bäŋ dhaanhø mo jooga jiy, ni thäŋ yie. Kiper manøgønø, bade na teek, køny atïïe keere, ni ö bëënynyö mare ni cwak eni.

Aydheea 63:13

?Age eni na bwøth geni ki kanya päŋ? Gena tïmö kaamar okwëënyi mo ena yi pwöla, ni bäŋe gø mo ocwaany tiere.

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Aydheea 65:12

aani, u wëëga thøw opëëllö, ni kuullu wïthu piny bëët kiper nou ŋalli; kiper kanya cwöta, u kär jïëy, ni kanya cääna, ïthu käru ciiø. Uuna tïïö ki gïï mo reyø, ni jierru gïïa näk yia ba met ki ge.»

Aydheea 66:4

Kiper manøgønø, ge jëënna jëënnö ka ajäla, a kïtha bäätge ki gïn mo ge lwäär ki gø. Kiper aana cwödö, ni bäŋ ŋat mo ojïëy, ni cääna, ni bäŋ ŋat mo ïthe ee ciiø. Gena tïïö ki gïï mo reyø nyïma, ni jierge jammi mo cwïnya ba mïnni ki ge.»

Jeremaya 14:9

?Aperŋø ni bëëdï kaamar dhaanhø mo wïïe ocuŋŋö en? ?Na aperŋø ni bëëdï kaamar oteen leny mo ba løny ki man kunynye en? 'Ba ŋäcwa, ni ï na Wuuö Jwøk, ï poot ena yïthakicwa, ni wa cwøla ri nyeŋŋï; kär wa weyï.

Jeremaya 35:14

'Ba luup Jönadap o Rëkap na kööm wääte ki geni, nee geni ba mäthge ki køøŋø, agwøkge; ni ge kär mädhö ki køøŋø këël dïcäŋi en, kiper gïna ö kwarge na kööm geni ki gø atïïcge na kare. 'Ba aani, aana cäänö ki uuni kwöre mo thööth, 'ba uuni, mara käru wïnynyö.

Jeremaya 35:15

Aani thuwø, jiya ma nyïïkuk Jwøk bëët ajääŋŋa baŋu kwöre mo thööth, ni kööa, ni «Ŋati man nø dïïu luu ree ni wec jöör bëëtö mare na raac, ni tïïyu tïïe moa beyø, ni ba cäädhu køør juu møøk nou lama geni; køøre u bëëdö yi ŋöömö mana cïba jïïu ki jï kwäyu.» 'Ba ïthu käru ciiø ki dwøra, ni mara käru wïnynyö.

Jeremaya 5:1

'Ba Wuuö Jwøk aköö, ni «U na jø Jerucalem, jøøyu dï pääny maru bäre; ni neetu bëët jiy moe døøc nee jootu, ni manynyu kwör acooŋe moe. Ni näk mou jïtö ki dhaanhø mo tïïö na kare, ni manynya adïëri, aani Jerucalem wëënna wëënnö ki køøre.

Jeremaya 7:13

'Ba uuni, gïïögø bëët atïïyu, ni käru dwøra wïnynyö kanya köömma uuni kwöre mo thööth, ni bäŋe dwøl mo you løø jïra kanya cøøra uuni.

Jeremaya 7:27

«'Ba ï na Jeremaya en, luupögø bëët caanï caanø jïge, 'ba marï ba wïnyge. Ge cwølï cwølø, 'ba bäŋ dwøl mo duuge baŋï.

Jeremaya 8:6

Aani, ïtha aciia ni wïnynya luup moge, 'ba ge cara luup mo patha adïëri. Bäŋ ŋat mo cwïnye opädhö ki bääyö mare, mo wïïe ee parø ki gïna raac na tïïe. ŋati man nø atïmö ni lääta køør gïï wø manynye kaamar okweeny mo lääta baŋ leny.

Daniel 3:15

Ennø, ni näk mo rou you jiiŋŋø, kanyo wïnynyu dwør tuuŋ, ki dwør opelø, ki dwør thoom, ki dwør thoom-othïënhö, ki dwør buul, ki dööt wïth jap meeŋ bëët, ni putu cøŋŋu këël piny ni wøørru kït gïna näk yaa tïïö ki warkey, wøp; 'ba ni näk mo ba wøørru, kawaane waane en u put ka leeŋ yi maac mo orubö ni wärri. ?'Ba a jwøa ŋø nø noo piem uuni cera?»

Daniel 3:29

Kiper manøgønø, aani, ciik man ŋøla beeye en: Noo dee jiy, ki wï jur, ki wïth dhøgi møøk mo cäänö ki luubö mo paa kare dëër Jwø Cidarak ki Micak ka Abedenagø, ge di tøyø na bulli, ni ö uudi moge ni tïï na wïthur. Kiper ki man bëëde cøøn en, bäŋ Jwøk mo jiy ee piemø ki øtjöö mo caala man nø.»

Daniel 6:20

'Ba kanya tïm kare ni cään ki buur mana en Danielli yie, ena cwötö døc ki dwør pänh cwïny, ni kööe jï Daniel, ni «?Daniel, ï na dhaanh Jwøa kwøw, Jwøk marï ni wø tïnynyï cooth aløny jïre ki man piem ïïni dhøk ŋuuwe?»

Daniel 6:27

Eni jiy di piemø ni køny geni, ni tïïe ki nyuuthe ki gïï mo rëëma ec maal ki piny, eni na piem Daniel ceŋ ŋuuwe.»

Odheea 11:2

'Ba kanya cwøla ge naa manynya geni døc, aputge tïïc ni beeye man wecge aani døc. Geni, ge poot cïpö ko olämme jï juu mo wø cøøri ni Baal, ni ge wääŋö ki gïï wø jïcge ŋwääi ni met jï kït gïï wø lam.

Odheea 11:7

Gena reeth ri man løøge ŋäthge wøk ki aani, 'ba ge këël doo jwöŋö dëëra, a na Jwøa Dwøŋ ni en Maal, ge ba kønya.

Neeyam 1:4

Eni naama dwøŋ di jooø ni taal gø, ni taal näm bëët. Ni ö luumme mo pwöle mo Baacan ki jer Kïn Karmël ni talge, ni ö jer Lur Libaanø moa no oŋøøk ni talge.

Abakuk 3:8

?Wui Wuuö Jwøk, aŋø, ï wëër ka näm? ?Aŋø, cwïnyï liel ka nyeŋ näm? ?Aŋø, cwïnyï daaŋ ka näpa døøŋŋø, ni tïme niï cäädhï ka jïëth leny mo wø böödö mo wø tut okwëënyi en?

Kwään Jiy 11:23

'Ba aløk Wuuö Jwøki jï Modhe, na «?Aŋø, a na Wuuö Jwøk, bada atïmö ni ba bäär na bëëde cøøn enø? Ojootï kawaane nø ki man näk luubö mara thura kare na adïëri kiperï wala ba thur kare.»

Maak 4:39

Ni pääe ni jook jamø, ni cään naam, ni «Cuŋŋï, ni lïŋï!» Ni cuŋ jame, ni put pinynyi nibäc.

Jøøn 1:11

Ena ö baŋ moa näk moe, ni kär moe jïëy ki eni.

Jøøn 3:19

'Ba gïna käl ajäla bäät jiy beeye en; kiper kanya ö tarri piny, jiy atïmö ni ge mëër ka muudhö ni kaala tar, kiper gïïa tïïcge reyø.

Jøcua 3:16

pïï mo wø kwönni ki kwöra en maal aput cuŋŋö ni makge rege kaamar gïï mo ocooŋ kanya ciel, ni pïïögø cuŋŋa kany mo bäär paana cwøl na Adam, na en buut Carthan; ni ö pïïyi mo wø lööny yi Naam Acäbö na en yi gool mana cwøl na Araaba, ni putge niŋul na bäre. Ni ö jø Icrielli ni putge ŋut løøga ni ge dïët ki Jerikö.