Aydheea 50:11 - Wëël Jwøk

¹¹ 'Ba ennø, u ni wø äp mäc, ni you wïrö ki deŋŋu, ni you rubö ni liel, cäädhu ki yi tar mar mäc mou, ki yïthakic mäc moa näk you rubö ki jenni. 'Ba gïno magu cera bee en, uuni, u pätha yïth gïï mo leth.

Aydheea 50:11 Iomraidhean Croise

Pwöc Leec Wïc 26:18

Ŋat wø cøøk watge, ka aŋuudi ni kööe, ni «Mara kwääk jaak,» caala dhaanhø ma bøøl man wø thöödhö ki dhøk jenni mo rege da mäc, ka athëëre, ki gïï wø duunni ki thøø.

Aydheea 55:2

?Aŋø ni raanynyu gwetu jaak en ki ŋïëw gïï mo patha caammi? ?Aŋø ni wø kälu gwetu wøk moa jootu ki køør kwäk maru nou ŋeewa gïï mo u ba jäŋ ki ge en? Ennø, cegu ïthu na kare ki dwøra, ni cammu cam mana beer, ni mïn yïthu ki cam mana beer na kaal caammi bëët.

Aydheea 8:22

Køøre bäät piny oraŋge, ni tïme ni ge joota bëëtö mo leth ki muudhö ki lwøc mo di lwäärö; ni put geni køøl yi muudhö mo cøl døc.

Aydheea 9:18

Ka adïëri møn, bëët rääö wääŋö kaamar maac, ni wø thöör otwel ki koodhi, ni tïme ni caala maa dwaar kany wø waaŋ lul, ni ö jïrö mare ni neetul maal.

Jeremaya 17:4

Ki køør raay moa tïïyu, ŋöömö mana näk thööŋŋu na cïba jïïu, uuno käl wøk yie, ni tïïa uuni nee nyïïmän mou tïnynyu yi ŋöömö mo kuyu, kiper wëër mara na näk wääŋö kaamar maac atugu, nee bëëde ni liel na bäre bäre.»

Edhikiel 20:39

«'Ba kiperu, u na jø dhi øt Icriel, luumma caan Kwäärö Wuuö Jwøki jïïu bee en, ena köö, ni ‹Cou, ni ö ŋati man nø ni tïny kït gïï wø lame! 'Ba ki køør gïïögø, uuni ïthu cegu ciiø na adïëri ki luumma, ni tïme ni nyeŋŋa na en kur keere ba päätu këët ki muuce mou ki kït gïï wø lämmu.

Amøc 4:10

«Teeŋ täw mana jääŋŋa bäät jø Ijep ajääŋŋa bäätu thuwø. Wøpe mou awëëga näk ri leny, ni ö okwëënyi mou ni maai. ŋwääny dëët jiy moa thøw twïër maru adwøga wïthu; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Amøc 4:9

«Cäŋ ki twöŋö ajääŋŋa ni raanyge beel mou, ni ö bäänyö ni thöör ajïniine mou, ki pwöth omøki, ko olämmi ki jer mädhi mou; 'ba këël na tïïa gïïögø bëët, u kär duu baŋa.» Beeye Wuuö Jwøk ni cäänö enø.

Joona 2:8

«Jøøa wøør juu mo bäŋ gïn duuge, ge luua ŋäthge baŋï, ï ni wø nyooth mëër mo ba jøøl.

Abakuk 2:13

?Neennu, aŋø, Wuuö Jwøk, eni na wïth jammi bëët, paa eni na caan gø ki man näk mo beeye maac noo pwøc öölö mar jiy, ni ö öölö mar wïth juurre ni cami paapi?

Mathiew 22:13

Kanyøgø nyeya aköö jï laaŋe moe, ni ‹Twöyu ceŋŋe ki tiete, ni leeŋu eni wøk yi muudhö, kany wø jwöŋ jiyi yie ni mööta lakge.›

Mathiew 8:12

ni ö wäät bura ni leeŋi wøk yi muudhö, kany wø jwöŋ jiyi yie ni ge mööta lakge.»

Jøøn 8:24

Anø caana jïïu, ni ‹Uuno thøø yïth raay mou.› Kiper ni näk mou ba jïëy ni beeye aani na eni, u thøøa yïth raay mou.»

Jøøn 9:39

Ni kö Jecu, ni «Aani, a ö piny kaper nee luup jiy ŋøla, nee jøøa bäŋ nyeŋ, nee nëënge, ni tïm jøøa da nyeŋ na cööye.»

Wëëlö Mana Göör Pøølli Baŋ Jø Röm 10:3

'Ba na kucge bëënynyö man wø ööi ki baŋ Jwøk ni tïmge ni ge caya man jootge bëënynyö marge keerge, dëëtge kärge cïbö køør bëënynyö man wø cïp Jwøki.

Jeemeth 3:6

'Ba leep caala maac, ni leep caala pinyi ni raac en, ni ena thäk dëëtø, ni raanynya dëël bäre, ni waaŋa kwøw bäre, na acaare moøgø bëët käla bäŋ anägö.

Mana Nyooth 19:20

Ni ö Lääyi ni maai, ge ki nyikuŋ jwøk mana näk patha adïëri, ŋata tïïö nyïme ki ŋïïce moa cøøk jøøa dëëtge jïtö ki ŋïï mar Läänögø, ki jøøa wøør gïna näk ocwääö na caal kïte. Gïïögø karge riet gena leeŋ yi naama liel ki maac mo jïye keec ni lïëth døc ni ge poot kwøw.

Mana Nyooth 20:15

'Ba ni näk da ŋat mo nyeŋŋe kär joodø no ogöör yi Wëël Kwøw, eni wø leeŋa yi naama liel ki maac mo jïye keec ni lïëth døc.