Aydheea 5:5 - Wëël Jwøk

⁵ 'Ba ennø, gïno tïïa kiper pwöth jer omøki mara caana caanø jïïu: jenni moa näk yaa piidhø na ciel deŋŋe käla wøk, ni wëëga gø raanynyø, ni ö cielli mana no otïïö ki kïte ni nyaa gø piny ni dööŋe na kar adhwøla.

Aydheea 5:5 Iomraidhean Croise

Wïlöölö 11:4

Ni köge, ni «Øøni nø, beerra man gëënnø dëëtø ki pääny ki øt pööki mo wïïe guta maal, kiper nee nyeŋŋø wïnye, kiper nøø ba keethø bäät piny bäre.»

Wïlöölö 11:7

Ni kö Wuuö Jwøki, «Øøni nø, beerra man cøø piny baŋge ni kierø wï dhøk marge kaace, kiper nee ŋati man nø nee dhi wati maya ba wïnynye.»

Neemiya 2:3

ni kööa, ni «Wui Nyeya, ïïno bëëdö na bäre bäre. ?Aani, cwïnya ba pädhe nidïï këët ni pääny kanya en bwöc kwäcwa yie oränynyö, ni dhøgi mo kiir mare othöör maaci?»

Pwöc Leec Wïc 24:31

ni neena pwöth no otuy ki koodhi bäre, ni dï pwödhö bäre ouum akatanyøŋŋi, ni kiir kïdi mana en lakge opädhö.

Luup Dïpööy 3:3

Da caa mar 'näk, ki caa man wëëk jiy kwøw yie; da caa man toor uudi piny yie, ki caa man geer uudi yie.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 25:10

Kiper Wuuö Jwøk cere ocïp bäät kïdi man, 'ba jø Möap onyøri kar bëëtö marge, kaaman wø nyør wär mo ojääbö ki juu ki pïï.

Aydheea 28:18

'Ba luubö mana tuutu ki thøø nou ba gude oraanynyi, ni ö luubö mana tuutu ki kar bëët jwïëc jøøa no othøw, ni ba thur kare; kany wø ö jwïïö man wø räänyö noo kwön bäätu, uuno raanynye.

Aydheea 28:3

Adun atöör mar jø meerø mo Ipariem nyøre nyørø ki tiete,

Aydheea 32:10

Ki køør cwiir aciel ki nïne møøk wïïe, u ni wø cädö ni karu beer, dëëtu otïmö ni kwanynyi, kiper jer omøki ränynyö, ni tïme ni bäŋ nyïïomøki mo di cooŋø këët.

Jeremaya 18:11

«'Ba ennø, ï na Jeremaya en, caan gïn jï jø wø bëëdö Jerucalem, ki jï jø wø bëëdö dï Juuda bäre, ni kööï, ni ‹Mana caan Wuuö Jwøki beeye en: Ka adïëri møn, aani, a kännö bäätu ki gïn mo leth døc, ni beeye acaay ajäla mo teek døc kiperu. 'Ba ennø, ŋati man nø dïïu luu ree ni wec jöör bëëtö mare na raac, ni tïïyu uutjïëth bëëtö mou ki tïïe mou ni beyø.›

Jeremaya 21:4

ni ‹Luumma caan Wuuö Jwøki, Jwø Icriel, beeye en: Ennø, aani, tøøŋi moø ni en ceŋŋu yøø 'dwøga dëëtu, ni beege tøøŋi moøgø ni këëdu ki nyeny Babiløn ki ge yøø ki jø leny moe, ni bëëdö ni kiir maru ege ciel dïër yøø; aani, ge käla ka yi pääny man.

Jeremaya 28:8

Nyïïkuk Jwøk moa kwøŋ nut nyïmmø cøøn, da gïï maa køpge, ni beege gïï lenye ki gïr gïï mo leth ki gïr täwe mo reyø moo tägi dëët tiet mïëri mo thööth ki dëët akwöm moa døøŋŋø mo nyeye.

Jeremaya 45:4

«'Ba man beeye luumma caan Wuuö Jwøki jïra, ni ‹Ï na Jeremaya en, caanï jï Baruk ni Wuuö Jwøk aköö, ni «Ennø, gïna näk yaa tïïö ni teek raanynya raanynyø, ni gïna näk tiere yaa këël piny 'cööda wøk; ni gïnögø tägö yi ŋöömö bäre.

Wëël Kïmmö 1:15

«Kwäärö Wuuö Jwøk, jø leny moa teek yi paac man akwiere; ni cwøl jø leny møøk kipera, nee jø leny 'moa moa dëëtge teek nyathge. Kwäärö Wuuö Jwøk jø Juuda atïïe nee cwöth kaawat man wø cwöth nyïïomøki kar biic.

Wëël Kïmmö 2:6

Eni, kar bëëtö mare atoor piny kaamar abïl koor, ni raany kany wø røømme yie ki jiy. Wuuö Jwøk Dhayan atïïe nee wïïe wïle ki kwör ajwöm moe, ki nïr jwöm moe. Eni nyeya ki dïlämme akwiere ki køør wëër mare ni wø liel kaamar maac.

Wëël Kïmmö 4:12

'Ba nyeye mo bäät piny, këël ki jø wø bëëdö bäät ŋøøm bëët, kärge ŋäädhö ni løny jï nyïïmän ki man tukge kiir Jerucalem ni dønyge yi gø.

Daniel 8:13

Køøre aani dwør ŋat mo ena kur keere awïnynya ni cäänö, ni ö ŋat mør mo ena kur keere ni kööe jï mana cäänö, na «?A këël yi wäne no ö gïna nyooth noo thur kare, gïna cäänö kiper olämme mo wø cïp cooth, ki bääyö man wø käl ränynyö, ki cïp kar lam na en kur keere, ki lwaa gïïa en maal ki man nyøri ki tiel?»

Odheea 2:12

Jer omøki moe ki jer olämmi moe raanynya raanynyø, jer wø cääne kiperge, ni ‹Moi beege jammi moa maa ceŋ omëërri 'moa na cïpge jïra.› 'Ba geno tïïa na paap, ni puti ya lääc paapi cam ni thöörge ge.

Odheea 2:14

«Kiper manøgønø, a cøøa kuna cäänna gø ki luup mo met, ni bwødha eni dïtëën ni cäänna gø ni met ec yaa nyoodhø jïre.

Luk 21:24

ni 'näk geni ko opëëlle, ni peec geni dï mïëri bëët. 'Ba Jerucalem onyak juurre ni macge gø, këël mano ö kwör juurre moa wäŋŋi noo thurge karge.

Mana Nyooth 11:2

'Ba kär niï røma yi kal mar Øt Jwøk Mana Dwøŋ. Wec kanyøce nee dööŋ wøk. Kiper owëëk juurre. 'Ba geni paana en kur keere na näk mar Jwøk oraanyge ki dwäde ma pïëraŋween kurriiø.