Aydheea 5:26 - Wëël Jwøk

²⁶ Eni ŋïï mare tïŋe maal nee joot wïth juurre moa kwörge bäyö, ni cwøl nyïïmän moa en teegi mo piny ki dwør lwiyø, nee laarge ö ni ge rwäänhnhö,

Aydheea 5:26 Iomraidhean Croise

Aydheea 10:3

?'Ba agïnaŋø noo tïïyu noo tïme na dïcäŋ ajäla, kanyo ö ränynyö no ööe ki kany mo bäär ni ööa bäätu? ?Aŋa noo reŋŋu baŋe kiper køny? ?Jap kwärö mou, owiiu ge kaa?

Aydheea 11:12

Eni ŋïï mare tïŋe maal baŋ wïth juurre, ni cooŋ jø Icriel moa no omaa ki tøŋ; ni cooŋ jø Juuda moa no okeethø ki yïth tuk piny moa na aŋween.

Aydheea 13:2

«Tïŋŋu maal ki ŋïï mar leny bäät kïnna näk bäŋ gïrpiny bääte, ni tïŋu döötu maal nee wïny jø lenynyi, ni tuuŋŋu ceŋŋu na nyuudhi nee jø leny dønyge ki dhøk uudi mo jøøa kwörge døøŋŋø.

Aydheea 13:3

Aani jiya moa näk yaa cïp kur keerge anø köömma, ni nø cwøla jø leny 'moa na teek kiper nee wëër mara kïthge bäät tïïc, ni beege jiya mo wø ŋwöö ni ge töödö.

Aydheea 13:4

«Cegu ïthu ki dïlweel bäät kïte, ni beeye dööt jiy mo thööth! Cegu ïthu ki dwøl manø ni märi ni dwøŋ enø yïth mïëc nyeye, ni beeye dööt wïth juurre moa näk dëëtge ege cooŋø! Wuuö Jwøk, eni na wïth jammi bëët, jiiŋŋa lwaak kiper leny.

Aydheea 13:5

Lwaak manøgø käla paac mo bäär, ni käla ya aŋuun piny mana bäär døc. Wuuö Jwøk ŋöömö manøgø bäre di raanynyø ki gïr tïïc mar ajäla mare.

Aydheea 18:3

'Ba uuni bëët, u ni en bäät piny, ni bee u ki dëëtu ni wø bëëdö yie, kanyo ö ŋïï noo tïŋi maal ki paana en bäät kïte, oneennu, kanyo ö tuuŋŋi noo koodhi, dwøre owïnynyu.

Aydheea 30:16

Uuna köö, ni ‹Ba løny, wa päära wøk ko okwëëc lääy, wa päära wøk ko okwëëc lääy mo rïïŋö døc.› Wøp nø, uuno päär wøk! 'Ba jiy moo rïŋ køøru ge rïïŋö døc ni kaala uuni.

Aydheea 31:9

'Ba man beeye dwør Wuuö Jwøk, na näk maac mare ena Dhayan, ni këën maac mare man wø liel døc ena Jerucalem, ena köö, ni «Kïn gwøk røk mana teek mar jø Aciria pädhö ki køør böök, ni ö kwääri mo lwaa leny moge ni lwäcge døc kanyo neenge ŋïï mar leny.»

Aydheea 39:3

Køøre nyikuŋ Jwøk ma Aydheea aö baŋ nyeya ma Edhekaya ni kööe jïgø, na «?Aŋø, jøøgø ge carge ŋø? ?Ge kälge kaa?» Ni løgi ya Edhekaya, ni «Gena ö baŋa ni ge käla paac mo bäär døc; ge käla Babiløn.»

Aydheea 7:18

'Ba noo tïme na dïcäŋeca, Wuuö Jwøk olwiyi ni cwøla lwaŋŋi moa en ya aŋuun näm mo Ijep, ki lwaa kïc mana en yi ŋööm Aciria.

Jeremaya 4:13

'Ba ka adïëri møn, dëëc öö bäre kaamar pøøl mo mäännö, ni ö jïëth lenynyi moge mo wø tut okwëënyi ni öge kaamar atuunna; okwëënyi moge rïïŋö døc ni kaala olwiith. 'Ba otïmö ni raac jïïø, kiper beeye ränynyö marø.

Jeremaya 5:15

Ni cäŋ Wuuö Jwøki köö, ni «Ennø, u na jø Icriel, jiy mo käla paac mo bäär okäla baŋu ki man tukge uuni, ni beege jiy mo teek mo paac marge käla cøøn, mo dhøk marge kuyu, ni gïn wø caange ba wïnynyu.

Jeremaya 51:27

«Ŋïï mar leny wär tïŋu maal dï paac, ni koothu tuuŋ nee wïny wïth juurre; wïth juurre wär jiiŋŋu kiper leny nee Babiløn tukge, ni cwøllu akwöm mo nyeye ni beege Ararat ki Minni ka Ackena, nee këëtge ki Babiløn. Uuno röönyö ki kwääc leny mo këëdi ki Babiløn, ni kännu ko okwëënyi mo leny mo thööth mo caala lwaa bäänyö.

Wëël Kïmmö 4:19

Jiy moa ŋwiec køørø ge rïïŋö døc ni kaala olwiith mana na agweec. Køørø aŋwiecge bäät kïte, ni møørge piny nyïmmø dï paap.

Edhikiel 38:17

«Man beeye luumma caan Kwäärö Wuuö Jwøki, ena köö, na ‹?Aŋø, paa ïïni na cääna kipere yïth nïne moa pöödhö ki dhøk nyïïkuk 'moa mo jø Icriel? Yïth nïreke gena cäänö ki cwiiri mo thööth ki man näk mo ï tïïa tïïö nee ge tugï.

Jool 2:7

Geni, ge rïïŋi kaamar jø leny mo teek ni ge ïïdhi kaawat man wø ö dëëci wø iithge kiir. Geni, ge cäädhi ni rege ege bwødhø, ni ge ba gaa wøk ki jöörge.

Abakuk 1:8

Okwëënyi moge rïïŋö døc ni kaala kwäänynye, ni ge kämö ni kaala orude mo wø lwääge ki wïthïënhö. Jø leny moge ge rïïŋö døc ki bäät okwëënyi, ni ge rïŋŋi ki kany mo bäär, ni ge määnni kaamar odhuuth mo päära bäät gïrpiny.

Dhekaraya 10:8

Aani, jø Icriel ocwøla ki lwiyø naa cooŋa geni kanya ciel, kiper aani ge ya nø wïïl wøk; ni tïm kwäänge ni thööth ni caala mana kwøŋge bëëtö.

Milkiya 1:11

'Ba nyeŋŋa otïmö ni dwøŋ dï juurre, ni tägi ka jï løø kur tuul-cäŋ këël jï løø kur pänh-cäŋ; ni ö gïn wø jïye ŋwääi ni met ki muuce mo beel moa näk liil ni cïbi jïra ki yi piny bäre, kiper nyeŋŋa otïmö ni dwøŋ dï juurre.» Gïnögø caana Wuuö Jwøki, eni na wïth jammi bëët.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,