Aydheea 5:23 - Wëël Jwøk

²³ jø wø jïëc luum dhaanhø mo mare raac ki køør gïn wø cïp ki piny, ni wø kwier luum ŋata beer na mare thïïŋ.

Aydheea 5:23 Iomraidhean Croise

1 Nyeye 21:13

Køøre jiy ariiø mo wïthge reyø gena öö ni pïge piny nyïme. Ni ö jøøgø ni wïthge reyø yøø ni cäänge ki luup dëër Naböth nyïm jiy ni köge, ni «Naböth Jwøk ki nyeya ajanynye.» Køøre ena put jiyi kïth wøk ŋää pääny, ni këërge gø ki kïte, ni put thøø.

2 Luup Nyeye 19:7

'Ba ennø, beerra man lwäärru Wuuö Jwøk ni gwøgu rou ki ŋøl mano tïïyu, kiper Wuuö Jwøk, eni na Jwøk marø, kare bäär ki gïn mo patha adïëri, wala ajeeny, ni eni ba jïëy ki jammi mo wø cïp ki piny ni ŋeewa røk.»

Pwöc Leec Wïc 17:15

Ŋat wø ŋun ŋat mo raac, ki ŋat wø ŋøl ŋat mo mare beer wøk, Wuuö Jwøk yie raac ki geni bëët.

Pwöc Leec Wïc 17:23

Ŋat mo raac wø jïëy ki jammi mo wø cïp ki piny ni kuc, nee jïëth ŋøl luup ma adïëri welle.

Pwöc Leec Wïc 24:24

Ŋat wø köö jï ŋat raay, ni «Marï beer,» eno cien jiyi, ni jääli ya lwaaki bäre;

Aydheea 1:23

Kwääri moï gena jø ageem, ni rege ege dwalø ki kuuwe; ge bëët, ge mëër ki man cun geni ki gwel ki piny, ni ge rïïŋö køør muuce nee camge. Ge bëëdö ni kïïe ba gwøkge, ni ïthge ba cekge ki luup määr thuunhnhi kany wø pëëge kiper køny.

Aydheea 10:1

Wui, otïmö ni leth jï jø wø kän wøk ki ciik mo reyø, ki jø wø ŋudö ki luup mo ba tiir,

Aydheea 10:2

nee luup jøøa näk jïge bäŋ teek na can nee ba ŋølge na kare, ni teek bëëtö mar jiya moa can ba gwøkge; nee bëëtge ni ge møønna määr thuunhnhi, ni jap kïïe twierge twierø.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 29:21

ni beege jø wø kïth luup bäät jiy ni wø kat luup kar løøk, ni ge cara luup tööt, kiper nee jøøa marge tiir nee ba ŋunni kar løøk.

Aydheea 32:7

'Ba ŋat mo bëëtö mare ba tiir, tïïe moe reyø; eni cïpa piny ka acaare mo reyø, nee ŋata no ocaarø raanynye ki luup tööt, këël doo caana luubö ma adïëri.

Aydheea 59:15

Kare møn, adïëri arwäänyö, ni ö ŋat wø kwier bëët raay ni tïme ni di caannø. 'Ba kanya ö Wuuö Jwøki na joot gø ni bäŋ ŋøl luup ma kare, yie atïmö ni raac.

Amøc 5:12

Kiper päl bääyö maru, ki raay mou na thööth, ŋääa, uuni ni wø caan jøøa beyø, ni kädu ki gïï wø cïp ki piny, ni mänu jøøa can ki man jïtge ki ŋøl ma kare.

Mikiya 3:11

U na dïbwöthe mo päänyögø, luup wø ŋøllu ka køør gïï wø cïp jïïu ki piny, ni ö dïlämme moe ni pwönyge jiy ki ciik ni ge di cunnö ki jammi, ni ö nyïïkuk Jwøki moe ni køpge luup adïëda kany wø mooc geni ki gwel. 'Ba ge wø poot köö ni dëëtge ege jääŋö dëër Wuuö Jwøk, ni ge köö, na «?Aŋø, Wuuö Jwøk ba bëëdö ni nut yïthakicwa? Bäŋ gïn mo leth mo ö bäätwa.»

Mikiya 7:3

Ceŋ moge tïï gïn mo raac ege kwanyø ni beer kiree. Dïbwödhi ki dïŋut luup wø manynya gïï mo di cïbö jïge ki piny; ni ŋata kare dwøŋ wø caana mana en cwïnye jaak, ni geni luubö wø meenge meenø na aciel.

Mathiew 23:35

'Ba kwör rep jøøa beyø na køny piny bäät piny oduu bäätu, ni tägi ka rem Eebel na näk mare beer këël mano këët ri rem Dhekaraya o Barakia, ŋata 'nägu yaakic Øt Jwøk Mana Dwøŋ ki gïn wø cïp olämme bääte.

Tiet Ciik 16:19

'Ba geni, luup moa näk karge kär daaŋge; kärge jëënyö; kärge kädö ki jammi mo wø cïp ki piny, kiper jammi mo wø cïp ki piny waŋ ŋata wïïe leer di cøørø, ni daaŋ luup mo jøøa marge thïïŋ.

Jeemeth 5:6

Ni jäällu ŋat mo mare beer ni 'nägu gø. 'Ba eni bäŋ wø pïëmö ki uuni.