Aydheea 5:22 - Wëël Jwøk

²² Otïmö ni leth jï jø wø nyeŋge ŋäc ki maath kwøŋ, ni wø teek ki maath wïth kwøŋ mo ojääbö;

Aydheea 5:22 Iomraidhean Croise

1 Nyeye 20:16

Kanyøgønø, jø leny bëët gena aa wøk kanya tïme na dhöör dïcäŋ, ni Ben-Adat mädhö ya abïla ni eno meer, ge ki nyeye møga moa näk pïëradäk kurriiø na ci baŋ leny ki eni na aciel.

Bwøth Wøk 23:8

«Kärï jïëy ki jammi mo wø cïp ki piny, kiper jammi mo wø cïp ki piny waŋ ŋata wïïe leer di cøørø, ni wiil luum ŋata näk mare adïëri.

Pwöc Leec Wïc 20:1

Køøŋ omøki dhaanhø wø døøye ŋat abuua, ni ö køøŋe mo keec ni døøc dhaanhø ŋat dïtat, ni ŋat wø gaa wøk ki køørge wïïe ba leer.

Pwöc Leec Wïc 23:29

?Aŋa ni wø guyi? ?Na aŋa ni wø kïmmi? ?Aŋa ni wø pïëmö? ?Na aŋa ni wø ŋuri? ?Aŋa ni wø dëëre jïti ki ŋwiili ki køør gïn mo bäŋ tiere? ?Aŋa ni wø bëëdö ni nyeŋŋe omäthö ni kwaar?

Pwöc Leec Wïc 31:4

«Wui Lemuël, patha gïn mo orømø ki man mäth nyeye ki køøŋ nyïïomøki, ni patha gïn mo orømø ki man ö kwääri ni paacge kwøŋ mo keec;

Pwöc Leec Wïc 31:5

nee ba mäthge ni wïl wïthge ki ciik, ni wecge man ŋølge luup na karge mo jøøa can.

Aydheea 22:13

'Ba neennu, gïna tïïyu, maru atïmö na kanynyø ni yïthu met, nou cööbö ki dhäk ni ŋädu ki dïëk, ni cämu ki rïŋ ni mädhu ki kwøk nyïïomøki, ni kööu, ni «Cämø ni mädhø nø, kiper kanymør ø thøw diøø.»

Aydheea 24:9

Jiy ba wär ki dudi këët bäät kwøŋ; kwøga keec otïmö ni raac ki dhøk jø omaath ge.

Aydheea 28:7

'Ba këël nyikuk Jwøk ki dïlämme, ge mädhö ki kwøŋ mo keec, ni cääthge ni ge näännö ni ge bøømmø ki meerø. Ge bëëdö ni wïthge ocwöth køøŋe, ni ge cäädhi ni ge bøømmø kany wø mäthge ki kwøga keec. Ge bëëdö ni ge näännö ki meerø kany wø nyuunh geni ki luup, ni tïmge ni ge bääö ni luup ba ŋølge na adïëri.

Aydheea 5:11

Otïmö ni leth jï jø wø päny maal ka amöölla døc, ni wø läät bäät kwøŋ moa keec, jø wø këët dïwäär ni ge mädhö ni wø meeyi døc.

Aydheea 56:12

Geni, røkge cøørge cøørø keerge ni ge köö, ni «Ööu, ö aa baŋ maath ki køøŋø, cøø mäthö døc ki køøŋø mo keec; diøø thuwø cäŋø ka tïïyö na ennønø, ni kaala mar dïcäŋi.»

Abakuk 2:15

«Otïmö ni raac jï ŋat wø lwør athöönh køøŋ ajäla ni maath jø tiet mïëri moa en deŋŋe ni meerge, ki man raŋ lään wïc marge mar bëët wääth dëël.