Aydheea 5:2 - Wëël Jwøk

² Eni pwödhö manøgø apuure ni kwäny kïte wøk, ni tøøk jer omøki moa beyø yie. Ni gëëde ka abïl koor dïëre, ni kunye ki buur man bii pï nyïïjenni yie. Køøre ena bëëdö ni koora nyïëdi mo beyø moo nywøl jer omøki mo pwöthögø, 'Ba atïmö ni nywøla nyïëdi mo reyø.

Aydheea 5:2 Iomraidhean Croise

2 Camiel 7:10

Aani thuwø da kany mo jiera jierø kiper jiya ma jø Icriel nee tietge këëtge piny yie, ni beeye kany bëëtge yie na poge, ni tïme ni bäŋ jiy mo kiera wïthge këët, ni bäŋe jiy mo wïthge reyø mo caara ge këët kaawat mana dïkwøŋ,

Neemiya 13:15

'Ba yïth nïröka, aana jïtö ki jiy dï Juuda mo cöödhö ki nyïïomøki ki tietge ki cäŋ jwömö, ni marge biic gø na køøŋø; ni jø møøk ge kännö ki beel mo ena yïth keece mo käärge ka bäät arëëni, ki jammi møga ni beege kwøŋ, ki nyïïomøki, ki nyïïolämmi, ki teeŋ wïth tëër møga bëët, ni kälge geni Jerucalem ki cäŋ jwömö. 'Ba aani, jøøgø aköömma ki man ba gäthge ki caammi ki dïcäŋ manøgø.

Bwøth Wøk 33:16

?Aŋø, ni näk miï ba aay ki waani, oŋääi nidïï ni yiï met ki aani ki jøøi na näk jiyï ii, ni waana jiy mo wa ena kur keerwa dï jiy moa en bäät piny bëët?»

Aydheea 1:8

'Ba Dhayan awec ni dööŋe ni caala abïl koor man wø dööŋ yi pwödhö, ni caala pääny mo ociel dëëci dïër.

Aydheea 5:7

'Ba pwöth jer omøki mar Wuuö Jwøk, eni na wïth jammi bëët, beeye dhi øt Icriel, ni jenni moa tøøe na mëëre ki ge, beege jø Juuda. Ena bëëdö ni räŋö ni koora ŋøl ma kare, 'ba atïmö ni nuta køny remø piny; ni bëëde ni räŋö ni koora bëënynyö, ni tïme ni wïnynya oduuru mar pänh cwïny.

Jeremaya 11:17

'Ba Wuuö Jwøk, eni na wïth jammi bëët, na këël tietu piny, aköö ni gïn mo leth käle ka bäätu, u na jø Icriel ki jø Juuda, kiper raay moa tïïyu ni u raanynya cwïnye ki køør mana waaŋŋu gïn wø jïye ŋwääi ni met jï Baal.

Jeremaya 2:21

'Ba aani, ïïna pïïdha kaamar omøk mo ojierø, mo käla røk köödhi ma liil. ?Aperŋø nø na wiilï bëëtö marï mana bëëdï ki aani ki gø, ni tïmï niï raac kaamar omøk mar paap en?

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.

Mikiya 4:8

Wui Dhayan, ï na thuur man wø ö Jwøki ni wø neet jiye ki yie, na caal pïïth dïëk, ï na thuur mar jø Dhayan, bëët käär jiy mana dïkwøŋ cäŋ ka duu kare jïrï, ni beeye käädö mar nyec noo dwøk kare yi pääny Jerucalem.

Kwään Jiy 23:9

Ennø, gena neena naa ena bäät kïdi, ni neena geni naa ena bäät thuur. Ka adïëri møn, gena lwaak mo rege kärge kwaan dëët juurre møga, ni bëëdö ge keerge.

Mathiew 21:19

'Ba na neen olaam thääŋ jöö, ena gaa baŋ gø, ni bäŋe nyïëdi mo ee joodø ri gø, 'ba beeye bøøge keerge na joode. Ni kööe jï olaam, ni «Bäŋ nyïëdi mo cäŋ jootø dëërï këët.» Ni ö olaammi ni put bäbö.

Mathiew 21:33

'Ba Jecu aköö, ni «Cäŋu luubö mør wïnynyö mo keda leer. Da wää ŋøømmi mo opïïdhö ki jer omøki yi pwöthe, ni ciel gø ki ciel, ni tïïe ki kany wø bii nyïïomøki yie yi pwöthögø, ni gëëde ki øt koor, ni cïp pwöthögø ceŋ jø puur, ni aa paac mør.

Mathiew 21:34

'Ba na tïm kar nyïïomøki ni cään ki man ciekge, laaŋe moe ajääŋŋe baŋ jø puur moøgø, nee känge ki nyïïomøki jïre.

Maak 11:13

'Ba na neen olaam ki kany mo bäär mo dëëre da bøøge, ena ci kuna neen gø, ki man näk mo da nyïëdi mo joode dëër gø. 'Ba na pïïe buut gø, bäŋ gïn mo ee joodø, 'ba beeye bøøge jaak. Kiper patha kanya doo olämmi ciek yie.

Maak 12:1

Kanyøgø Jecu atägö ki man cään geni ki luup mo keda leer, ni kööe, ni «Da dhaanhø mør mo opïïdhö ki pwöth omøki, ni ciel gø ki ciel, ni tïïe ki kany bii nyïïomøki yie, ni gëëde ki øt koor, ni cïp pwöthögø ceŋ jø puur, ni aa paac mør.

Maak 12:2

'Ba kanya päŋ dwäde mo kac, eni laŋŋe ajääŋ baŋ jø puur moøgø, nee käde baŋge ki nyïïjer pwöthögø.

Wëëlö Mana Göör Pøølli Baŋ Jø Röm 9:4

Kiper gena jø Icriel, ni beeye geni na tïïc Jwøki na nyïïe. Na ajiem, ki luupa tuut, ki ciik Jwøk na cïp, ki lam, ki gïïa buuk wëëga geni,

1 Körin 9:7

?Aŋa ni wø tïïö ki tïï koor paac ni jape joode baŋe keere? ?Na aŋa ni wø pïïdhö ki pwöth omøki ni ba cämö ki nyïëdi mo gø? ?Na aŋa ni wø kwaac dïëk ni ba mädhö ki caak?

Tiet Ciik 32:6

?Aŋø, u na jø Icriel, u ka bøøre møn, ni wïthu ba leer, uuna cäŋ tïmö nou tïïya gïï mo reyø na kar gïïa beyø na tïïc Wuuö Jwøki jïïu? ?Aŋø, eni paa wääu na cwääc uuni, na tïïc uuni ni tietu këëtge piny?

Pïëmme 16:4

'Ba na tïme na køør manøgø, Camcøn atïmö ni mëër ki dhaagø mør mo nyeŋŋe Delila mo bëëdö goor Cörëëk.