Aydheea 5:16 - Wëël Jwøk

¹⁶ 'Ba Wuuö Jwøk, eni na wïth jammi bëët, nyeŋŋe obëëdö ni ena maal ki ri ŋøl mare; ni ö eni na Jwøk na en kur keere ni nyooth ree ni eni ena kur keere ki køør bëënynyö mare.

Aydheea 5:16 Iomraidhean Croise

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

Aydheea 12:4

'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 2:11

'Ba nyøth røk ka atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:17

'Ba atöör mar jiy odwøk piny, ni ö bëëtö mar jø wø tïŋ dëëtge maal ni dwøgi piny. 'Ba Wuuö Jwøk keere beeye noo bëëdö ni di jiemø dïcäŋöce.

Aydheea 2:9

Ki køør japøge, jiy wïthge adwøk piny, ni ö jøøa kwörge døøŋŋø ni dwøgi piny. 'Ba kär niï wëënna ge.

Aydheea 28:17

'Ba ŋøl mana na adïëri otïïa ni caala thøøl man wø røm tiir mar øtø ki gø, ni tïïa bëënynyö ni caala thøøl man wø røm tiir mar dëër øtø ki gø. Køøre pey opänhnhi ni raany tööt mana gwøk uuni, ni kwön jwïïe ni raany kwöra kanu dëëtu yïthge.

Aydheea 29:23

'Ba kanyo jootge obwöre moge moa tïïa ki cera ni nut yïthakicge, nyeŋŋa na en kur keere ojiemge, ni wøørge aani na Jwø Jeekap na en kur keere, ni cuŋge nyïma ni ge lwäär ki aani, a na Jwø Icriel.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 33:10

Køøre Wuuö Jwøk aköö, ni «Ennø, a ööa maal, ni wëëga nyeŋŋa jiem, ni tïŋa nyeŋŋa maal.

Aydheea 33:5

Wuuö Jwøk kare dwøŋ, ni eni bëëdö maal; eni ŋøl mana na adïëri ki bëët adïëri otïïe ni dwøŋ yi Dhayan.

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 6:3

Kanyøgø dhøkge aløøŋge ni ge köö, «Wuuö Jwøk, eni na wïth jammi bëët, ena kur keere, ena kur keere, ena kur keere; ni piny bäre päŋ ka ajiem mare.»

Aydheea 61:8

Wuuö Jwøk aköö, «Kiper aani, a na Wuuö Jwøk, a mëër ki ŋøl luup ma adïëri, naa män ki kwal, ni mäna ki gïï mo reyø. 'Ba ki køør adïëri mara, aani jiya ŋada ŋadø, ni tuda ki luubö ki geni mo bëëdö na bäre bäre.

Aydheea 8:13

'Ba a na Wuuö Jwøk na näk wïth jammi bëët beeye a ŋata dou wøørø ni ena kur keere, ni beeye a ŋata dou lwäärö, ni beeye a ŋata di cwïnynyu böö ki gø.

Edhikiel 20:41

Uuni, u pänhnha pänhnhö kaamar gïn mo ŋwäänynye met, kanyo duua uuni wøk ki baŋ wïth juurre noo cuuŋa uuni ki yïth mïëri moa näk uuno keethø yïthge; køøre dëëra nyoodha nyoodhø jïïu ni nëënö jï wïth juurre ki man näk maa ena kur keera.

Edhikiel 28:22

ni kööï ni man beeye luumma caan Kwäärö Wuuö Jwøk, ena köö, « ‹Wui, ï na Caydan, ï wëëga ajäla ennø, naa jiem ki køørï, nee ŋäc jiyi moï ni bee aani na Wuuö Jwøk, kanyo jääla ïïni, noo nyoodha ajiem mara na en kur keere iï.

Edhikiel 28:25

«'Ba man beeye luumma caan Kwäärö Wuuö Jwøki, ena köö, ni ‹Kanyo cuuŋa jø Icriel ki dï wïth juurre moa näk geno keethø yïthge, ajiem mara nyoodha nyoodhø dïge ni nëënö jï wïth juurre. Køøre geno bëëdö yi ŋöömö marge mana cïba jï dhaanhnha ma Jeekap.

Edhikiel 36:23

Aani, ajiem mar nyeŋŋa na dwøŋ na en kur keere na päät dï wïth juurre nyoodha nyoodhø, ni beeye nyeŋŋa na päätu dïge. Køøre nø, ŋäc wïth juurre ŋääö ni bee aani na Wuuö Jwøk, kanyo nyoodha bëëtö mara na en kur keere ki rou ni nëënö jïge. Luummögø caana aani, a na Kwäärö Wuuö Jwøk.

Edhikiel 38:16

Niï ööï kaamar pöölö mo uuma piny, nee jiya ma jø Icriel tugï. Wui, Göök, noo tïme na yïth nïne moo ööi, ïïno tïïa nee ŋöömö mara tugï, kiper naa ŋäc wïth juurre kanyo nyoodha bëëtö mara na en kur keere nyïmge ki riï.›

Edhikiel 38:23

Køøre nø, aani, dööŋö mara, ki bëëtö mara na en kur keere, nyoodha nyoodhø jïge, ni tïïa dëëra naa ŋäc nyïm wïth juurre mo thööth. Køøre nø, putge ka ŋäc ni bee aani na Wuuö Jwøk.›

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Ciik Kiper Dïlämme 10:3

Ni put Modhe köö jï Aran, ni «Manøgø beeye gïna caan Wuuö Jwøki na kööe, «ni ‹Jiy mo wø nyänh buuta naa tïnyge, a wär raŋge naa ena kur keera, naa bëëdö naa di wøørø nyïm jiy bëët.› » 'Ba Aran alïŋö jaak.

Kwään Jiy 20:13

'Ba pïïögø acwøl ni pï Meriba, kiper beeye kanya ö jø Icrielli ni pïëmge ki Wuuö Jwøk, ni ö eni ni nyooth ree ni ena Jwøk na en kur keere yïthakicge.

Wëëlö Mana Göör Pøølli Baŋ Jø Röm 2:5

'Ba kiper cwïnyï na teek na ba maarï løk, ï känna riï ki wëër mo päl, yi cäŋo ö wëërri yie, kanyo ö ŋøl luup mar Jwøk na näk adïëri noo nyoodhi.

1 Piter 1:16

Kiper ogöörö, ni «Bëëdu nou ena kur keeru, kiper a ena kur keera.»

1 Piter 2:15

Kiper beeye mana many Jwøki ni døøyu jøøa bäŋ wïdhi na näk bäŋ gïn mo ŋäcge mo lïŋö ki køør tïïe moa beyø ni wø tïïyu.

1 Piter 3:15

'Ba wøørru Krictø ki cwïnynyu, ni beeye Kwäärö. 'Ba cooth bëëdu ni dëëtu you jiiø ki man dwøgu luubö jï ŋat wäro pëëny uuni kiper ŋäädhe manø ni en cwïnynyu enø. 'Ba wär dwøgu jïre nou mwöl ni you wøørø.

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø:

Mana Nyooth 4:8

'Ba gïïo na aŋween ni kwøw yøø ni dëëtge ogääbö ki nyeŋ ki wøk ki yïthge, man nø dëëre da bwöm abïciel. Ni wärre ki cääŋŋe duut ba cöök dhøkge, ni duut man wø wärge beeye en: «Kwäärö Jwøk na en teeki jïre, ena kur keere, ena kur keere, ena kur keere, ŋata nut cøøn, ni nut en, ni beeye eni no ööi.»