Aydheea 5:13 - Wëël Jwøk

¹³ Kiper manøgønø, ge na jiya geno käl ni geno maa ki tøŋ, ni bäŋ gïn ŋäcge. Jiy moge moa kwörge døøŋŋø ge thøw ni ge 'näga käci, ni ö lwaae moge ni tal kööthge ki riew.

Aydheea 5:13 Iomraidhean Croise

2 Nyeye 17:6

'Ba kanya tïme na ri bïŋweer cwiiri moa beet Awcë ni ena nyeya, nyeny Aciria Cameria amaae, ni mak jø Icriel ki tøŋ ni kïth ge ya Aciria, ni cïp ge piny nee bëëtge ya Alay ka Abör bäät Naam Gödhan, ki yïth päänye mo jø Mëdön.

Pwöc Leec Wïc 10:21

Cäänö mar jøøa marge beer jiy mo thööth kønye kønyø, 'ba jøøa wïthge känni othøw kiper bäŋ acaara.

Aydheea 1:3

Dhieŋ wänni ŋääe, ni ö arëënni ni ŋäc kar cam mana jiiŋ wänni jïre; 'ba jiya ma jø Icriel, a na wääge a kucge, ni tier luumma ba kwanyge.»

Aydheea 1:7

Ŋöömö maru araanynyi, ni waaŋ päänye mou ki maac; ni ö pwöthi mou ni lwøri ya jøøa pathi ni nëënö jïïu, ni wëëkge jammi mou bëët ränynyö.

Aydheea 23:9

Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 3:1

'Ba ka adïëri møn, Kwäärö Wuuö Jwøk, eni na wïth jammi bëët, ena bäät man käl køny mare wøk ki bäät Juuda ki Jerucalem, ni beege caammi ki pïï mo wø kønyge dëëtge ki ge;

Aydheea 3:3

ki kwääc lwaa pïërabïïc, ki jøøa kwörge døøŋŋø, ki jø wø cïpi ka acaare, ki jø wø nyeŋge reegø ki tïïe mo wø tïïc ki ceŋ, ki jø thïëth.

Aydheea 44:19

Ni bäŋ ŋat mo para wïïe, wala ŋat mo da gïn ŋääe, wala ŋat mo kwanya tier gø mo köö, ni «Aani, thäk jenni anø kïtha yi maac ni nø thaala cam ki cuk moe, ni bula rïŋö ki ge ni cama gø. ?A ennø, maya daa tïïö na gïn mo Jwøk yie raac ki gø, ni këëlla cøŋŋa piny nyïm gïn ma jaath jaak?»

Aydheea 49:21

Køøre pääny tïmö kaamar dhaagø mo cäänö ki yi cwïnye, na ‹?Aŋa na nywøl obwöre moi jïra? Aana dhaanhø mo obwöre moe othum ki thøø, naa ba nywøl këët, ni aano kälö ni aano maa ki tøŋ, naa thääyö jaak. ?Aŋa nø na piith obwöre moi? Ka adïëri møn, aana dööŋ a keera. ?'Ba moi nø ge kälge kaa?› »

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Jeremaya 14:18

Ni kany wø cøøa yie jaak töök paac, a joota jiy mo onääö ri leny! Ni kany wø cøøa pääny, a joota jiy mo onäk käci! Ni ö nyïïkuk Jwøki ki dïlämme ni bëëtge ni ge wïïrö kwör mo kucge.› »

Jeremaya 14:3

Jøøa kwörge døøŋŋø jø tïïc moge wø jääŋge jääŋŋö baŋ pïï; 'ba kany wø pïïcge yïth aguule, bäŋ pïï mo jootge, ni duuge ni bäŋ pïï yïth agwäyi moge. Ni bëët wïthge ni laay, ni tïm nyeŋge ni law, ni kwaage ceŋge wïthge.

Jeremaya 8:7

Këël ajaak ni wø määdö maal kany wø duue yie ki yi cwiir ŋääe, ni ö oluua ka agwëëi ko ojwägi ni gwøkge kar wääth marge; 'ba jiya ciik 'moa, a na Wuuö Jwøk, ba gwøkge.

Wëël Kïmmö 4:9

Jiy moa thøw ni 'näk ko opëëllö theemma thøø marge ki jiy moa thøw ni 'näga käci; kiper jiy moa 'näk käci ge thøw ni geno caar käci, kiper na bäŋe caammi mo ociek yïth pwöth.

Edhikiel 7:12

Kanyaca anø öö, cäŋöca anø pïï. Jø wø ŋëëö ki jammi kär yïthge mïnnö, ni ö jø wø gädhö ni ba kïmge, kiper wëër mano ööi ööa bäät lwaak bäre.

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Amøc 8:13

Dïcäŋöce këël nyïïakuue mo mïërö ki cwøw mo wøpe näk riewi nääö.

Luk 19:44

ni gøcge u ki piny, ni beeye uuni ki nyïïu. Ni bäŋ kïdi aciel mo dege wii bäät kïdi mør pou, kiper mana käru lïïmmö mar Jwøk ŋiiø mana lïïmme baŋu.»

Wëëlö Mana Göör Pøølli Baŋ Jø Röm 1:28

'Ba na tïmge ni yïthge ba met ki man ŋäcge Jwøk, gena kwier Jwøki ni wëëk ge bëëtö ki cwïny mo raac ni wø caar gïï mo reyø, ki bëëtö mo patha kare.

2 Piter 3:5

Ni ge tïïya wïthge no owïl ki gïn en, ni maal nutö cøøn ki køør dwør Jwøk, ni piny käl wøk ka yïth pïï, ni bëëdö dï pïï.