Aydheea 5:12 - Wëël Jwøk

¹² Ni ge bëëdö ni ge pöödö ki wïth thøme ma teeŋi kwör maath moge, ni ge pöödö ka anëët ni ge kudhö ko opele; 'ba ïthge ba cekge ki tïïe mo Wuuö Jwøk, ni bäŋ gïn caarge kiper japa tïïc Jwøki.

Aydheea 5:12 Iomraidhean Croise

Wïlöölö 31:27

?Aŋø na päärï wøk niï kwala riï, ni nøønï aani ni wääth kärï caanø jïra en? Kiper ï daa wëëk wääth ki met ec, ni jø wär ki dudi, ni buri ki thøme di pwödö.

2 Camiel 19:35

Ennø, cwiiya oløny na pïërabära, ni bäŋ gïn mo beer wala gïn mo raac mo ŋääa këët. Këël cam mo met ki køøŋø mo met ba løny ŋec jïra ennø, ni dööt cwøw ki mään mo wø wär ki dudi bäŋgø mo met mo wïnyi jïra këët. ?Aŋø, a na dhaanhnhï, a cäŋï gø meet bäätï na tëër mør en kiperŋø?

Jööp 34:27

Kiper gena gaa wøk ki man caathge køør Jwøk, ni bäŋ gïn mo caarge kiper uutjïëth tïïe moe.

Aydheea 22:13

'Ba neennu, gïna tïïyu, maru atïmö na kanynyø ni yïthu met, nou cööbö ki dhäk ni ŋädu ki dïëk, ni cämu ki rïŋ ni mädhu ki kwøk nyïïomøki, ni kööu, ni «Cämø ni mädhø nø, kiper kanymør ø thøw diøø.»

Aydheea 24:8

Dööt anëët olïŋi, ni ö dööt jøøa cwïnyge päŋ ki met ec ni nigekïïl, ni ö dööt thøme moa met ni nigebäc.

Aydheea 29:1

Wui, otïmö ni leth jïrï, ï na Ariël, ï na päänya tïïc Deebiti na kar bëëtö mare. Mëëtï ki cwiir bäät cwiir mør, ni ö nïne mo ajwöm moï ni bëëtge ni nut karge.

Aydheea 5:19

ni beege jø wø cäänö ni ge jaŋa Jwøk ni wø köö, ni «Beerra man ö Jwøki ni lääde, beerra man ö eni ni lac tïïc mare, nee neenø. Beerra man ö eni na Jwø Icriel na en kur keere ni laar tïïe moe wëëk thur karge nee ŋääø.»

Aydheea 56:12

Geni, røkge cøørge cøørø keerge ni ge köö, ni «Ööu, ö aa baŋ maath ki køøŋø, cøø mäthö døc ki køøŋø mo keec; diøø thuwø cäŋø ka tïïyö na ennønø, ni kaala mar dïcäŋi.»

Edhikiel 26:13

Dudi moï moa wara wär tïïa tïïö nee cuŋge, ni ö dööt thøme moï ni ba wïnynyi këët.

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Luk 16:19

«'Ba da nyen mør mo okwär, mo wø käära abïïe ma wøpe, mo cam päl jïre cooth.

1 Körin 14:7

'Ba këëlla jap tuuk ni bäŋ jwïëy dëëtge en, teeŋ kaa opelø ki thoom, ni näk mo jwöŋi ni bäŋ dwøl mo met mo wïnyi, ?teeŋ duudöca a di ŋäc dhaanhe nidïï, wala ena duuda ŋø?

Juut 1:12

'Ba jøøgø caala kït mo reyø mo raanynya kwör cam mou ni wø cammu ki mëër, kany wø cämge ki uuni ni nyeŋge teek, ni marge loora dëëtge. 'Ba ge caala pøøl mo bäŋ køth rege, mo käära jame, ni ge caala jenni mo bäŋ nyïëdi ka arïïa, mo othøw na bäre bäre, mo lweetge oö wøk.

1 Camiel 12:24

'Ba gïna pere letha eni keere, bëëdu nou lwäär ki Wuuö Jwøk, ni tïnynyu eni na adïëri ki cwïnynyu bäre, ni cädu kiper gïïa døøŋŋø na tïïe kiperu.