Aydheea 5:11 - Wëël Jwøk

¹¹ Otïmö ni leth jï jø wø päny maal ka amöölla døc, ni wø läät bäät kwøŋ moa keec, jø wø këët dïwäär ni ge mädhö ni wø meeyi døc.

Aydheea 5:11 Iomraidhean Croise

2 Camiel 19:35

Ennø, cwiiya oløny na pïërabära, ni bäŋ gïn mo beer wala gïn mo raac mo ŋääa këët. Këël cam mo met ki køøŋø mo met ba løny ŋec jïra ennø, ni dööt cwøw ki mään mo wø wär ki dudi bäŋgø mo met mo wïnyi jïra këët. ?Aŋø, a na dhaanhnhï, a cäŋï gø meet bäätï na tëër mør en kiperŋø?

Pwöc Leec Wïc 20:1

Køøŋ omøki dhaanhø wø døøye ŋat abuua, ni ö køøŋe mo keec ni døøc dhaanhø ŋat dïtat, ni ŋat wø gaa wøk ki køørge wïïe ba leer.

Pwöc Leec Wïc 23:32

Kiper aŋuunne eni kääö kaamar thwöl, ni dhee da cïm kaamar olwierø.

Aydheea 22:13

'Ba neennu, gïna tïïyu, maru atïmö na kanynyø ni yïthu met, nou cööbö ki dhäk ni ŋädu ki dïëk, ni cämu ki rïŋ ni mädhu ki kwøk nyïïomøki, ni kööu, ni «Cämø ni mädhø nø, kiper kanymør ø thøw diøø.»

Aydheea 24:9

Jiy ba wär ki dudi këët bäät kwøŋ; kwøga keec otïmö ni raac ki dhøk jø omaath ge.

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Aydheea 28:3

Adun atöör mar jø meerø mo Ipariem nyøre nyørø ki tiete,

Aydheea 5:22

Otïmö ni leth jï jø wø nyeŋge ŋäc ki maath kwøŋ, ni wø teek ki maath wïth kwøŋ mo ojääbö;

Aydheea 56:12

Geni, røkge cøørge cøørø keerge ni ge köö, ni «Ööu, ö aa baŋ maath ki køøŋø, cøø mäthö døc ki køøŋø mo keec; diøø thuwø cäŋø ka tïïyö na ennønø, ni kaala mar dïcäŋi.»

Abakuk 2:15

«Otïmö ni raac jï ŋat wø lwør athöönh køøŋ ajäla ni maath jø tiet mïëri moa en deŋŋe ni meerge, ki man raŋ lään wïc marge mar bëët wääth dëël.

Abakuk 2:5

Maya thuwø, køøŋø jø atöör wø di cøøgø, ni bëëtge ni ge ba jwöm. Geni cwïnyge ege daadø ni päl kaamar bwör, ni caala thøø ni wø ba köö ni ena rømø. Geni wïth juurre bëët wø lemge lemø na moge, ni ge cooŋa jiy bëët kanya ciel na moge.

Luk 21:34

«Gwøgu dëëtu. Kanymør cwïnynyu tïmö ni ena køør caammi, ki meeye, ki lääŋ jap kwøwi en, ni ö cäŋöce ni laar ö bäätu ni caala abïëp.

Wëëlö Mana Göör Pøølli Baŋ Jø Röm 13:13

Beerra man bëëdø ki bëëtö mo beer na man wø bëëdö ki gø ki waŋcäŋ, ni ø ba wïïri ni meeyø, wala øøna kääpe ni dëëtø yøø cïbö jï raay, wala ø wëëyø ni këëø.

1 Körin 6:10

wala kuuwe, wala jø wärö, wala jø meeye, wala jø ajaany, wala dïtwïët jiy, mo ci buc Jwøki jïge.

Galeecia 5:21

ki gwönö, ki maath, ki meeye mo dëël oraanynyø, ki teeŋ møga bëët. A köömma uuni, kaawat mana kwøŋa u köömmö, jø wø tïïc teeŋ gïïögø, buc Jwøk ba dege joodø.

1 Camiel 25:36

Køøre Abigël aay ni pïïe baŋ cwøre ma Nabal; 'ba kanya pïïe, ka adïëri møn, Nabal da cam ajwöma mo ee jiiŋŋø paare, mo caala man wø jiiŋ nyeya. 'Ba kar kaagø, Nabal bëëdö ni yie met jaak, kiper eno meer døc kiree. 'Ba Abigël bäŋ gïn mo ee caanø jï Nabal na bäre këël mana tïm pinynyi na amöölla.