Aydheea 5:1 - Wëël Jwøk

¹ Aani a wär ki duut jï ŋata mëëra ki gø, ni bee duut mo cäänö kaper omëëya ki pwöth jer omøki mare. Ŋata mëëra ki gø jïre da pwöth jer omøki yïth ŋøøpa beyø nyäär thuur.

Aydheea 5:1 Iomraidhean Croise

Dut Pwøc 45:1

Obeec Dudi 2:16

Omëëya beeye mara, ni aana mare; eni dïëk moe wø caame yïth apiite.

Obeec Dudi 5:16

Eni buny dhee ŋweeth kiree, ni ena ŋat mo cwïny pärö kipere døc. Wui, nyïïakuk Jerucalem! Ŋatøgø beeye omëër mara, ni ŋatøgø beeye nyawatwa.

Obeec Dudi 5:2

'Ba ni aano butö, cwïnya abëëdö ni nëënö. 'Ba dwøl aputa wïnynyö, no omëër mara dööŋö dhi øtø, ni kööe, «Wui coka, nyimëëc cwïnya, na bëëtö mare beer, na mwöl kaamar akuuru, jap dhi øtø jïra. Aani wïïa atïmö ni thec ki thööy, ni tïm jïëc wïïa ni thec ki thööc wäär.»

Obeec Dudi 6:3

Aani, aana mar omëëya, no omëëya beeye mara; bee eni ni wø kwaac pïïth dïëk moe dï apiite moa no oŋøøk.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 2:21

'Ba aani, ïïna pïïdha kaamar omøk mo ojierø, mo käla røk köödhi ma liil. ?Aperŋø nø na wiilï bëëtö marï mana bëëdï ki aani ki gø, ni tïmï niï raac kaamar omøk mar paap en?

Edhikiel 15:2

ni «?Wär dhaanhø, jaath mar omøk beere nidïï ni kaala bäädi mo jenni bëët mo wø en dï jenni mo paap?

Edhikiel 19:10

« ‹'Ba meru na bëëde, bëëdö kaamar omøk mo opiith deŋ naam yi pwöth omøki marï, ni eni bëëdö ni nywøl ki nyïëdi ni bäädi moe olaak jaak kiper pïï na thööthge.

Odheea 10:1

Jø Icriel atïmö kaamar jaath omøk mo oløth, ni jïte ki nyïëdi mo thööth. 'Ba kany wø tïm jammi moge ni thööth beeye kany wø tïïge ki gïï wø cïp olämme bäätge mo thööth; ni kany wø bëëny ŋöömö marge beeye kany wø cööthge piny ki kïte mo thööth mo wø lam.

Mathiew 21:33

'Ba Jecu aköö, ni «Cäŋu luubö mør wïnynyö mo keda leer. Da wää ŋøømmi mo opïïdhö ki jer omøki yi pwöthe, ni ciel gø ki ciel, ni tïïe ki kany wø bii nyïïomøki yie yi pwöthögø, ni gëëde ki øt koor, ni cïp pwöthögø ceŋ jø puur, ni aa paac mør.

Maak 12:1

Kanyøgø Jecu atägö ki man cään geni ki luup mo keda leer, ni kööe, ni «Da dhaanhø mør mo opïïdhö ki pwöth omøki, ni ciel gø ki ciel, ni tïïe ki kany bii nyïïomøki yie, ni gëëde ki øt koor, ni cïp pwöthögø ceŋ jø puur, ni aa paac mør.

Luk 20:9

Kanyøgø luummi ni keda leer en acaane jï jiy, ni kööe, ni «Da dhaanhø mør mo opïïdhö ki pwöth omøki, ni cïp pwöthögø ceŋ jø puur, ni aa paac mør ni ruue.

Jøøn 15:1

'Ba Jecu aköö, ni «Aana jaath mana näk adïëri. Ni Wära beeye ŋat wø tïïc jenni.

Tiet Ciik 8:10

«'Ba kanyo tïme ni uuno nø jäŋö ki cam, Wuuö Jwøk na näk Jwøu dou pwøø kiper ŋöömma beer na cïbe jïïu.

Tiet Ciik 8:7

Kiper Wuuö Jwøk na näk Jwøu u kïthe yi ŋöömö mo beer, mo yie da näm ki jøør ki nyeŋŋi mo kwödö ki dï gøli ki yïthakic kïte.