Aydheea 49:7 - Wëël Jwøk

⁷ Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 49:7 Iomraidhean Croise

Wïlöölö 27:29

beerra man tïm wïth juurre ni tïnynya ïïni, ni këëlge cøŋge piny nyïmï ni wøørge ïïni; ni tïmï ni ïïna kwäärö wïth nyïïmeru, ni ö geni ni këëlge cøŋge piny nyïmï ni wøørge ïïni. Acïëni oen bäät jø ocien ïïni, ni ö gwïëthi ni en bäät jø ogwïëth ïïni.»

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 19:21

Wuuö Jwøk dëëre onyoodhe jï jø Ijep, ni ö jø Ijepi ni ŋäcge Wuuö Jwøk dïcäŋeca, ni putge tïmö ni Jwøk lamge ni ge cïpö ko olämme ki muuce, ni ge kööŋ nyïm Wuuö Jwøk ni gwøkge japa kööŋge kiperge.

Aydheea 19:23

'Ba dïcäŋeca, otïmö ni da waŋjöö mo dwøŋ yïthakic Ijep ka Aciria, ni tïm jø Aciria ni ge cøøa Ijep, ni ö jø Ijepi thuwø ni cige ya Aciria, ni tïm jø Ijepi ni ge lämö na aciel ki jø Aciria.

Aydheea 27:13

Noo tïme na dïcäŋeca thuwø, tuuŋ di koodhø ni dwøre ena maal døc, ni ö jiyi moa no orwäänyö yi ŋööm Aciria, ki moa no okeethø yi ŋööm Ijep, ni öge ni wøørge Wuuö Jwøk bäät kïnna en kur keere yi Jerucalem.

Aydheea 42:1

Wuuö Jwøk aköö, ni «Ka adïëri møn, man beeye dhaanhnha, na näk yaa jølø, ni beeye na jiera na met yia ki gø; jwïëy 'moa okïtha bääte, ni ö eni ni tïïc ŋøl luup mana näk kare bäät wïth juurre.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 48:7

Gïïögø tägi ka kar kany ennø ni paa kany mo bäär; ni käru kwøŋ wïnynyö ya awääre, ni ba løny ki man kööu, ni ‹Ka adïëri møn, gïïögø ŋäcwa.›

Aydheea 49:1

Wui, u na jø wø bëëdö yïth mïëri moa en bäät naama dwøŋ, wïnynyu mara, ni cegu ïthu, u na wïth juurre moa kwörge bäyö. Wuuö Jwøk aana cwøle kanya pooda naa ena ec, ni cak nyeŋŋa kanya pooda naa ena yi mera.

Aydheea 49:23

Nyeye otïmö na wëëe moo piith uuni, ni tïm gwaae moge na mëëe moo dhwøth uuni. Geni, cøŋge këëlge piny nyïmmu ni kuulge wïthge piny, ni täärnyïmge okëët piny yïth ŋøøm, ni naaŋge tør mana en tietu; ni putu gø ŋäc ni bee aani na Wuuö Jwøk; ni jiy mo wø bëëdö ni ŋäätha aani, wïthge ba lääy.

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 50:6

'Ba aani, dïŋääa acïba jï jøøa pwöt aani, ni cïba thäga jï jøøa cööt jïëc tïïa wøk. Aani, täärnyïma kära kanø ka abuua mana buu aani ki gø, ki laaw moa ŋool bääta.

Aydheea 52:15

'Ba eni, wïth juurre mo thööth yïthge othääŋe, ni ö nyeye ni bëëtge ni dhøkge ege miiø ki luumme; kiper geni jammi moa näk kär caanø jïge jootge joodø, ni kwanyge tiet jammi moa näk kärge wïnynyö.»

Aydheea 53:3

'Ba ena bëëdö no otaaø no okwier jiyi, ni bëëdö ni kïmmö ni ena yi bëëtö mo leth. Jiy bëëdö ni täärnyïmge løøge wøk ki eni, kaamar dhaanhø mo dëëre da täw mo raac. Ena bëëdö no otaaø, ni kärø cädö døc kipere.

Aydheea 60:10

Wuuö Jwøk aköö jï Jerucalem, ni «Jøøa path, kiir marï ocäŋge geerrø, ni ö nyeye moge ni tïnyge ïïni. Këël na bëëdï niï yaa raanynyø ki gootø mara, mëër mara nyoodha nyoodhø jïrï ki køør bäth ec mara.

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 60:3

'Ba wïth juurre oö yi tar marï, ni ö nyeye ni öge yi däär tar marï mano rieny.

Aydheea 66:23

Kany wø päär dwääyi man nø, ki kany wø ö cäŋ jwömö man nø, jiy bëët geno wäro ö nyïma ni wøørge aani.

Dhekaraya 11:8

'Ba ki yi dwääy aciel, dïkwääc dïëk moa na adäk ariemma. Kiper aana kwierge, ni puta gootø ki geni thuwø;

Mathiew 20:28

kaawat man bëët Wär Dhaanhø en ni kär öö nee tïnynyi, 'ba eni ööi kaper nee jø møøk tïnynye, ni cïpa jwïëye na wïïdi kiper jiy mo thööth.»

Mathiew 26:67

Kanyøgø gena ŋuut nyeŋŋe ki laaw, ni døøŋge gø, ni ö møøki ni dhööŋge eni,

Luk 22:27

?Aŋa nø, ni kare dwøŋŋa eni, beeye ŋat wø näk opï piny kar cam, wala ŋat wø tïny gø? ?Aŋø, patha ŋat wø näk opï piny kar cam na kare dwøŋŋa eni? 'Ba aani, a ena dïïu naa tïnynya jø møøk.

Luk 23:18

'Ba gena put rëëdö bëët ki dwøl aciel, ni «Aayï ki nyeni, ni pännï wa Baraba.»

Luk 23:23

'Ba gena reeth ri gø døc, ni rëëtge døc, ni ge caana gø, ni eni doo gur bäät jaadha no odëëdö. Ni ö döötge ni jïëy.

Luk 23:35

'Ba jiy cuŋŋö ni ge neeta gø. Ni ö jøøa näk kwääri ni buuge eni, ni köge, ni «Eni wø kønya jø møøk. Wär ree kønye keere nø, ni näk ena Krictø mana öö ki baŋ Jwøk, na mare, na näk ee jierø.»

Jøøn 18:40

'Ba gena cäŋ rëëdö døc, ni köge, ni «Patha ŋatøgøøni, 'ba beeye Baraba.» 'Ba Baraba beeye nyen ma ŋat ageem.

Jøøn 19:15

'Ba gena rëëdö døc, ni köge, «Aayï ki gø, aayï ki gø, ni gurï gø bäät jaadha no odëëdö!» 'Ba Paylat aköö jïge, «?Aŋø, nyenynyu daa gurö bäät jaadha no odëëdö?» Ni løgi ya kwääc laammi, ni «Waani jïwa bäŋ nyeya mør, 'ba beeye Cidhar keere na nyeya marwa.»

Jøøn 19:6

'Ba na neeni ya kwääc laammi ki dïkuye mo Øt Jwøk, gena rëëdö døc, ni köge, ni «Gurï! Gurï bäät jaadha no odëëdö!» 'Ba Paylat aköö jïge, ni «Lwørru ki dëëtu ni guru gøøni bäät jaadha no odëëdö, kiper aani bäŋ gïn mo obøth mo yaa joodø baŋe.»

1 Körin 1:9

'Ba Jwøk dwøre ba dak, ŋata cwøl uuni ki man dwätu ki wääde ma Jecu Krictø na näk Kwääyø.

Tiet Ciik 7:9

Kiper manøgø nø, wär ŋäyu ni Wuuö Jwøk na näk Jwøu beeye eni na Jwøk keere, ni ena Jwøk mo maar ka ŋääth; ni luumma tuude, ki mëëye ni wø ba jøøl, bëëdö ni gwøe gwøø ki yïth beenhnhe ma kume mo ba løny ki kwaan jï jø wø mëër ki eni ni wø gwøk ciik moe.

1 Piter 2:4

Ööu baŋe, eni na kïdi mo kwøw, na kwier jiyi, 'ba ki jï Jwøk ee jierø ni pere leth døc.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»

Mana Nyooth 3:7

«Ni göötï baŋ nyïïatwiel maal mar acooŋ Jwøk mana en yi Piladelpia, ni kööï, ni «Moi beege luup ŋata en kur keere, na näk adïëri, ni en muktään Deebit cere, ŋat wø jäbö, ni bäŋ ŋat mo dëët gø, ni wø cïëö ni bäŋ ŋat mo jap gø: