Aydheea 49:6 - Wëël Jwøk

⁶ Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 49:6 Iomraidhean Croise

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

2 Nyeye 20:10

'Ba aløk Edhekaya, ni «Jööt jï tïpö ki man cääth nyïme ki rumme apaar; 'ba beerra man døø ŋääe ki rumme apaar.»

2 Nyeye 3:18

'Ba manøgø beeye gïn mo jööt jaak ki jï Wuuö Jwøk ki man tïïc gø. 'Ba eni thuwø, jø Möap cïbe ceŋŋu.

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 42:10

Wärru ki duut mo nyään jï Wuuö Jwøk, wärru nou pwøya nyeŋŋe, u ni en teegi mo piny! Pwøyu nyeŋŋe, u ni wø cäädhi dï naama dwøŋ, ki gïï wø en yi naama dwøŋ bëët. Pwøyu nyeŋŋe, u na wïth juurre mo wø bëëdö yïth mïëri moa en bäät naama dwøŋ, ki u jø wø en yïthge bëët.

Aydheea 42:6

ni «Aani, a na Wuuö Jwøk, ïïna cwøla ki køør adïëri mara; ï maa maaø ki cerï ni koora ïïni, ni tïïa ïïni ni ïïna ŋato wëëk luumma tuuda ki jiy thur kare, ni ïïna tar kiper wïth juurre,

Aydheea 45:22

«U na jiy moa en teegi mo piny bëët, ööu baŋa nou piem, kiper bee aani na Jwøk, ni bäŋ Jwøk mør këët.

Aydheea 46:13

Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 51:4

U na jiya, wïnynyu mara; u na wï jur mara, cegu ïthu, kiper ciik ööa wøk ki baŋa, ni ö ŋølli mara na näk adïëri ni tïme na tar jï wïth juurre;

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 55:5

'Ba eni wïth juurre mo kuue ocwøle, ni ö wïth juurre moa kuc eni ni rïŋge baŋ gø, kiper a na Wuuö Jwøk, Jwøk mare, a na Jwø Icriel na en kur keere, eni mooa mooø ka ajiem.»

Aydheea 56:8

Kwäärö Wuuö Jwøk, eni ni wø cooŋ jø Icriel moa no okeethø, aköö, ni «Poot da jiy møøk mo cooŋa bäät jiy moa no onø cooŋ.»

Aydheea 60:3

'Ba wïth juurre oö yi tar marï, ni ö nyeye ni öge yi däär tar marï mano rieny.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Jeremaya 12:16

'Ba ni näk mo jöör bëëtö mar jiya kwanyge kwanyø møn, ni bëëtge ni ge kööŋŋa ri nyeŋŋa, ni ‹Ŋëët Wuuö Jwøk, Jwøa kwøw,› kaawat mana kwøŋge jiya pwönynyø ki man kööŋge ri Baal, aani tietge këëlla piny yïthakic jiya.

Mikiya 5:3

'Ba kiper manøgønø, Wuuö Jwøk jiye cïbe ceŋ nyïïmän, këël kanyo ö nyakøøe noo jït dëëre ki mäc noo lwaare ki nyilaal. Køøre thäk jø poge moa mak ki tøŋ na dööŋ oduui, ni dwätge ki jø poge ma jø Icriel.

Dhekaraya 6:13

Bee eni noo geer øtø mar Wuuö Jwøk, ni jïte ka ajiem, ni pï bäät wälu mare ni käär paac, ni put tïmö na Kwääy Lam Mana Dwøŋ bäät wälu mare. 'Ba tïïe moø na ariiø yøø odwale ki bëët-mëër.›

Dhekaraya 8:22

Kanyøgø jiy mo thööth ki wïth juurre mo teek geno put ö Jerucalem kuna manyge Wuuö Jwøk, eni na wïth jammi bëët, nee wøørge.»

Luk 2:32

na tar mano nyooth jöö jï juurre, na ajiemma eni jï jiyï ma jø Icriel.»

Moa Tïïc Nyïïatwieli 13:47

Kiper beeye luumma caan Wuuö jïwa, na kööe, «ni ‹Ïïna thïïŋa niï tïmï ni ïïna tar kiper juurre, kiper nee pïëm man piem jiy ki gø kïthï yi piny kare bäre.› »

Moa Tïïc Nyïïatwieli 26:18

kiper nee nyeŋge japï, nee muudhö wecge ni løøge rege baŋ tar, ni wecge teek Ceethan ni løøge rege baŋ Jwøk, kiper nee raay moge wec Jwøki, ni jïtge ki karge dï jøøa näk ocïp kur keerge na mo Jwøk, ki køør ŋäädhe man wø ŋääthge aani.›

Moa Tïïc Nyïïatwieli 26:23

ni beeye ni Krictø gïï mo leth jwøre jwørø, 'ba kiper mano tïme ni bee eni noo kwøŋ duu wøk ki yi thøø, eni luum tar købe købø jï jø poge ki juurre bëët.»