Aydheea 49:26 - Wëël Jwøk

²⁶ Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 49:26 Iomraidhean Croise

Wïlöölö 49:24

'Ba gïr leny mare poot bëëdö ni ee maa ni teek ni kär dak cere, ni bääte ee maa ni teek ni cere rwäänhnhö ri leny; ni teege joode ka køør teek man wø cïp ŋata en teeki jïre, ni beeye Jwø Jeekap, eni na dïkwääy ni wø gwøk jø Icriel.

Bwøth Wøk 6:7

Ni lwøra uuni ni uuna jiya, ni tïma ni aana Jwøk maru, ni putu gø ŋäc møn ni aana Wuuö Jwøk na näk Jwøu na käl uuni wøk ki yïth gïïa leth na kïth jø Ijepi bäätu.

Aydheea 1:24

Kiper manøgønø, Kwäärö Wuuö Jwøk, eni na wïth jammi bëët, eni na teek na näk Jwø Icriel, ena köö, ni «Aani kwör japa tïïc nyïïmän 'moa dëëra, coola coolø dëëtge, naa jïta ki jwöm.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 14:4

uuni, duut mar aŋaada man wärru wärö kiper nyeny Babiløn, ni kööu, «Neennu, ŋata caar jiy apädhö, ni ö dïwïti mare ni ŋøle.

Aydheea 16:4

Beerra man bëëtwa yi ŋöömö maru, wa na no oriemmø en, ni tïmu ni uuna kar kan røk jïwa kiper ŋat mo raanynya wa.» 'Ba kanyo tïme ni bäŋ ŋat mo caanna jiy këët, na aranya ocuŋŋö, ni bäŋ dïtwïëte këët yi ŋöömö,

Aydheea 19:20

Manøgø otïmö na nyuudhi na gïr lïŋ dï ŋööm Ijep kiper Wuuö Jwøk, eni na wïth jammi bëët; nee kanyo wäro jwöŋ jø Ijepi jï Wuuö Jwøk kiper jø wø caar geni, nee eni wø jääŋ baŋge ki pïëmi na kunyi mo wïïl geni wøk.

Aydheea 25:9

'Ba dïcäŋeca, jiy oköö, «Raŋŋu, man beeye Jwøk marø mana koorø nee ø pieme. Man beeye Wuuö Jwøk mana koorø; beerra man kanynyø ni mïn yïthø ki pïëm mare mana piem øøni ki gø.»

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 43:3

Kiper bee aani na Wuuö Jwøk, Jwøk marï, a na Jwø Icriel na en kur keere bee aani na pïëmï marï. Ijep anø coola karï, ni ö Kuuci ki Ceba ni nø wiila ge ki ïïni.

Aydheea 45:6

nee tïme ni løny ki man ö jiyi ni ŋäcge gø, ki mano täge ki jï løø kur tuul-cäŋ këël jï løø kur pänh-cäŋ, ni bäŋ Jwøk mør këët ni näk mo paa aani keera. Bee aani na Wuuö Jwøk ni bäŋ Jwøk mør këët.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 51:23

'Ba aani, athöönh wëër manøgø lwøra lwørø baŋu ni cïba gø ceŋ jø wø tïïc bëëtö maru ni teek, ni beege jø wø köö ki uuni, ni ‹Butu piny, nee wa cääthwa ki bäätu.› Ni tïïyu dïŋäthu kaamar piny, nee tïme kaamar øtjöö nee cäädhö ki bäätu.»

Aydheea 54:14

Tierï okëët piny yi bëëtö mo tiir, ni tïm karï ni bäär ki caannø; kiper ï tïmö ni bäŋ gïn mo lwäärï, ni ö adigööŋ lwär ni daak ree buutï, ni tïme ni ba løny ki man nyänh buutï.

Aydheea 60:16

Ïïni, jap kwärö marï ojootï baŋ wïth juurre ki nyeye, kaawat man wø dhøøth nyilaalli ki caak kö menni. Køøre, putï ka ŋäc ni bee a na Wuuö Jwøk, a na pïëmi marï, ni bee a na wïïl ïïni wøk, a na Jwøa teek mar Jeekap.

Aydheea 9:20

Gïïa en bäät cwïïcge okälge ni camge ge, 'ba käc marge ba riemme, ni kälge moa en bäät cämge thuwø ni camge ge, ni ba jäŋge. Ni ö ŋati man nø ni døø ro obwöre moe ni cam ge.

Aydheea 9:4

Kiper gïïa leth na jwørge na caal jaath puur man wø rïï ŋut dhieŋ, ka athøra man wø caar geni ki gø, otoorï, kaawat gïna tïïc ri leny dëët jø Midien.

Edhikiel 34:16

Aani, dïëk moa no orwäänyö manynya manynyø, ni duua moa no okeethø, ni bääa ŋwiili moa en dëëtge, ni tïïa dëët moa jägö ni teek; 'ba moa no olør ki moa dëëtge teek raanynya raanynyø. 'Ba aani, dïëk 'moa käära käärö ki jöö ma kare.

Edhikiel 39:7

« ‹Aani nyeŋŋa na en kur keere tïïa tïïö nee ŋäc dï jiya ma jø Icriel. Køør man ennø, nyeŋŋa na en kur keere ba wëëga päät këët; køøre nø, oput wïth juurre ŋäc ni bee aani na Wuuö Jwøk, Jwø Icriel na en kur keere.

Mana Nyooth 14:20

Ni ö buur wø biic nyïïomøki yie ni nyøri ki tiel ŋää paac wøk. Ni ö remø ni kwön wøk ki yi buur wø biic nyïïomøki yie, ni päŋ mare ena dho okweeny ni møle ni cööp kany mo jïtö ki kiïlömethërri ma dïpe adäk.

Mana Nyooth 16:6

Kiper jiy rem jø Jwøk ki mo nyïïkuk Jwøk akønyge piny, ni läwï ge wëëk remø nee maathge. Ni beeye mana røm rege.»

Mana Nyooth 17:6

Ni jooda dhaaŋŋøgø no omeer ki rem jø Jwøk ki rem lïŋŋe mo Jecu. 'Ba na neena gø, yia athäŋŋö døc.

Pïëmme 7:22

'Ba kanya ö jø lenynyi mo jø Icriel moa näk dïpe adäk na koothge tuŋi, Wuuö Jwøk jø leny mo jø Midien atïïe nee rege 'näkge keerge ko opëëlle moge, ni put gïnögø tägö dï twïër bäre; ni ö jø Midienni ni putge reeŋø këël mana pïïcge Bëëth-Cita na näk dïët ki Dherera, këël mana pïïcge deŋ Abël-Mööla na en buut Thabet.