Aydheea 49:17 - Wëël Jwøk

¹⁷ Jø geer mou ge gëëdö ni ge läädö; ni ö jøøa raany uuni na dïïr wïthu ni wecge uuni ni aacge.

Aydheea 49:17 Iomraidhean Croise

Edhera 1:5

Køøre dïbwöthe mo wïth tuŋi mo tuuŋ Juuda ki mo tuuŋ Benjamen, ki dïlämme, ki jø tuuŋ Libay, ge na yïthge theŋ Jwøki nee cige nee Øt Wuuö Jwøk ni en Jerucalem cäŋge geerrø, rege ajiiŋge kiper wääth.

Neemiya 2:17

Køøre aana cäänö ki geni ni kööa, ni «Uuni, bëëtö man ni raac ni enø yie en nëënö jïïu, ni Jerucalem bëëdö no oränynyö, ni dhøgi mo kiir mare owaaŋø ki maac. Uuni, beerra man ööu ni cäŋø kiir mar Jerucalem geerrø, kiper nee ø ba bëëdø këët ni ø di jøøŋŋø.»

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 37:18

«Wui, Wuuö Jwøk, ka adïëri møn, nyeye mo Aciria wïth juurre bëët anø thöörge ki 'näk, ni nø raanyge ŋøøp jøøgø,

Aydheea 49:19

«Kiper kwöra no owiiø na no odööŋ keerge, ki ŋöömö maru na no oraanynyø, ka adïëri møn, otïmö ni thiinh kiper jø obëëdö yie, ni ö jøøa caar uuni ni tïm karge ni bäär døc.

Aydheea 51:13

?Aperŋø na wïl wïthu ki a na Wuuö Jwøk na cwääc uuni, ni bee aani na peer maal, na wëëk tier piny këët piny ni teek? ?Aperŋø ni bëëdu nou lwäär cooth ki wëër mar jø wø caar jiy, ni wø bëën aranya? ?'Ba age wëër mar jø wø caar jiy?

Aydheea 60:4

Tïŋ wïïï maal ni lwïthï, jiy moï bëët rege acooŋge ni ge ööa baŋï; wäätï gena cäänhnhö ki kany mo bäär, ni nyïï di käärö ki tiet jööthi.

Aydheea 62:5

Kaawat man wø ö dïcwøø wø nywøm nyakøø, ï na Jerucalem thuwø wäätï omëëyi ki ïïni; kaawat man wø ö dïcwøø wø mïn yie kany wø tïŋ cïïe na dhaagø thiinh, Jwøk marï thuwø yie mïnnö ki ïïni.

Edhikiel 28:24

« ‹Kanyøgønø ki røk wïth juurre moa en deŋ Icriel, otïmö ni bäŋ jiy këët mo ogäy mo ge bëëdö kaamar oŋöön ko otwel mo cööba jø Icriel. Køøre putge ka ŋäc ni bee aani na Kwäärö Wuuö Jwøk.›

Edhikiel 36:10

Jiy owëëga nyaay yiï, ni beege jø Icriel bëët. Päänye moï ocäŋ beetø, ni ö gïïa no oränynyö ni cäŋi geerrø.