Aydheea 49:13 - Wëël Jwøk

¹³ Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 49:13 Iomraidhean Croise

1 Luup Nyeye 16:31

Beerra man mïn yïth gïïa en maalli, ni ö gïïa en bäät pinynyi ni kanyge. Beerra man caange luumme yïthakic wïth juurre, ni «Wuuö Jwøk beeye kwäärö.»

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 49:14

'Ba jø Dhayan aköö, ni «Wuuö Jwøk waana wiie; eni na Kwäärö Wuuö Jwøk wïïe awïl ki waani.»

Aydheea 51:12

Wuuö Jwøk aköö, ni «Bee aani ki dëëra ni wø cøm cwïnynyu. ?Aŋø, uuna jøøe, u ni lwäär ki dhaanhø man ni wø thøw jaak en, ni bee dhaanhø man no ocwääö kaamar luum jaak en?

Aydheea 51:3

Ka adïëri møn, Wuuö Jwøk cwïny jø Dhayan di cømø; eni ränynyö mar Dhayan di neenø ni cøm cwïny jiy moa en yie. Eni kwöra näk otal di tïïö ni caala ajïniina mar Ëden, ni tïïc kwöra näk dïtëën ni caala ajïniina mar Wuuö Jwøk, ni ö Dhayan ni jït yie ki met ec ki kanynyø, ki dwøk pwøc ki wär dudi.

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Aydheea 54:7

Kiper aani, ïïna kwiera ki kany mo thiinh, 'Ba ki køør bäth ec mara na dwøŋ, ï cäŋa ka duu baŋa.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 55:12

Kiper uuno døny wøk ki met ec, ni bwøth uuni ki bëët-mëër; kïte ki thuuri geno kwöŋŋi ki met ec nyïmmu, ni ö jenni bëët ni paŋge ceŋge.

Jeremaya 31:13

Kar kaace, nyïïakuue yïthge omïnni ni mielge, ni mïn yïth wøpe ki jø døøŋŋø bëët, kiper kïmmö marge odøøya met ec, ni cøma cwïnyge, ni wëëga yïthge mïnnö na kar pänh cwïny.

Jeremaya 51:48

'Ba maal ki piny ki gïïa en yïthge bëët okwöŋŋi bäät Babiløn ni yïthge met; kiper jø aranya öö ki jï løø wï-piny ni tukge gø. Luummögø caana Wuuö Jwøki.

Edhikiel 35:14

'Ba a na Kwäärö Wuuö Jwøk, luum caana jïrï bee en: Aani, ï wëëga ränynyö, ni ö jø bäät pinynyi bëët ni mïn yïthge ki ränynyö marï.

Luk 15:10

'Ba a cäänna uuni, ni da met ec ma enønø nyïm nyïïatwiet maal mo Jwøk kiper ŋat raay aciel mo cwïnye ee løø.»

2 Körin 7:6

'Ba Jwøk ni wø cøm cwïny jø wø can, cwïnywa acøme ki køør ööny Tayta.