Aydheea 49:10 - Wëël Jwøk

¹⁰ Geni, ge ba näk käci ki riew, ni ge ba gut lïëth pinynyi ki kwaac cäŋ. Kiper a na Wuuö Jwøk ni wø cwïnye pädhi ki gïrge bee aani noo bwøth geni, noo nyooth geni baŋ pï jøør.

Aydheea 49:10 Iomraidhean Croise

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 25:4

Kiper ïïna ŋat wø gwøk jiy moa näk bäŋ jø køny ge, ki jøøa can ni wø bëëdö ki bëëtö mo leth, ni bee ï ŋat wø gwøk dhaanhø ki gïï mo caala atuunna, ni ïïna tïpö kiper lïëth piny; kiper jam dhøk mar jøøa no ogäy caala atuunna man wø kwöt dëër kiir,

Aydheea 32:2

ŋati man nø rege otïmö ni caala gëëŋi kiper jamø, ni caala kar gwøk røk kiper apwøyaweerø, ni caala pï jøøro mo ena dïtëën, ni caala tïm kïdi mo ena yi ŋöömö ma pwöla.

Aydheea 33:16

Teeŋ ŋatøgø, kar bëëtö mare otïmö ni ena maal bäät kïdi, ni tïm kïdi na kar gwøk røk mare, ni tïm cam mare ni di cïbö jïre, ni pïï moe moo maadhe ba cöök.

Aydheea 35:6

Kar kaagø, ŋööte geno päri kaamar aŋeri, ni ö dhøk jøøa näk ba cäänö ni japge rege ni kwöŋge ki met ec. Kiper dïtëën otuc ki pïï, ni ö paaba näk tëën ni cööde ki nyeŋ näm.

Aydheea 35:7

ŋöömma bëëdö no owaaŋ otïmö na puul, ni ö ŋöömma no otal ni neethar ki pï jøør. Kanya bëëdö na kar rïc mar othööe, otuy ko obøw ka athära.

Aydheea 4:6

Ni tïme kaamar abïla man wø cïp tïpö ni wø gëëŋ jiy ki lïëth piny mar dïcäŋ, ni bëëde na kar kan røk man wø gwøk jiy ka atuunna ki køth.

Aydheea 40:11

Wuuö Jwøk jiye gwøe gwøø, kaawat man wø ö dïkwääyi wø gwøk dïëk moe, kaawat man wø ö eni wø cooŋ nyïïdïëk ki cere, ni käär ge ki kööre, ni bwøth moa näk nyoori ni kääre mëëth.

Aydheea 41:17

«'Ba jøøa can ki jøøa no oööl ge bëëdö ni ge manynya pïï, ni ge ba jïti, ni ö lëëpge ni bëëtge no otal ki riew. 'Ba a na Wuuö Jwøk, döötge wïnynya wïnynyö, ni kønya geni, ni ba wiia geni, a na Jwø Icriel.

Aydheea 43:19

Ka adïëri møn, aani, da gïn mo tïïa tïïö mo nyään, gïneca tägö ennø. ?Aŋø, 'ba nëëni jïïu? Aani da jöö mo tïïa tïïö mo cøra paaba näk tëën, ni tïïa ki näm mo cøra paaba no otal.

Aydheea 48:17

Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 48:21

Geni, ge kär näk riewi kanya bwøth geni ki dï paap. Eni pïï atïïe nee kwönge wøk ki ri kïdi kiper nee maathge. Eni, kïdi akaae, ni put pïïyï ö wøk ni kwödö.

Aydheea 51:14

Ki kany mo cään jiy moa no omaaø ki tøŋ, ge di pädö, ni ge ba thøø kwöra näk geno twöö yïthge, ni ge ba bööli këët ki gïn camge.

Aydheea 52:12

'Ba u ba aay nou rwäänhnhö døc, kaamar jiy mo kwala rege; kiper Wuuö Jwøk obwödhö nyïmmu, Wuuö Jwøk, Jwø Icriel, oen buutu ni koora uuni.

Aydheea 54:10

Kiper këël kïte doo dak, ni ö thuuri ni jäŋi, mëër mara ni wø ba jøøl ba dak bäätï, ni ö luum bëët-mëër mara mana tuuda ki ïïni ni ba ŋøle. Manøgø caana a, a na Wuuö Jwøk ni wø nyooth bäth ec mare jïrï.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Aydheea 65:13

Kiper manøgønø, mana caan Kwäärö Wuuö Jwøk bee en, ena köö, ni «Ka adïëri møn, jiya geno bëëdö ni ge cämö, 'ba uuni, uuno bëëdö ki käc; jiya geno bëëdö ni ge mädhö, 'ba uuni, uuno bëëdö ki riew; jiya geno bëëdö ki met ec, 'ba uuni, uuno bëëdö ki lään wïc.

Jeremaya 31:9

Geno duui ni ge jwöŋö, ni bwødha geni ni ge lämö; ni wëëga geni wääth ni ge lwøra lak näm, ki øtjöö mo thïïŋ mo bäŋ gïn mo cwanyge tietge ree; kiper beeye aani na wää jø Icrielli, geni na jø Ipariem na caal kanynya.

Edhikiel 34:23

Ni cïpa bäätge ki dïkwääy aciel, ni beeye dhaanhnha ma Deebit. Eni, geno caame; eni ki dëëre geno caame ni put tïmö ni ena dïkwääy marge.

Joona 4:8

'Ba kanya ö cäŋŋi maal, Jwøk akännö ki jamø mo lïëth ki jï løø kur tuul-cäŋ, ni ö cäŋŋi ni gøøc Joona, ni tïm wïïe ni wïïrö, ni päc dëëre thøø, ni kööe, ni «Theemma thøø jïra ki man bëëda naa kwøw.»

Mikiya 7:14

Wui Wuuö Jwøk, kwaac jiyï na alaŋkaanynyï ena cerï, man wø koorï geni ki gø, ni beege na thöögï na caal pïïth dïëk moï, geni ni wø bëëdö kur keerge kany mo yie da jenni, mo ŋöömö mana en deŋŋe ciek ki caammi. Beerra man kïthï geni Baacan ki Gelät, nee ge bëëtge ni ge cama caammi mo wø ciek kwöröke, kaawat mana bëëde yïth nïra cääŋŋe cøøn.

Mathiew 5:6

«Gwïëth en bäät jø wø näk owär kiper bëënynyö marge kaamar dhaanhø mo onäk käci ki riew, kiper geno wëëk jäŋö.

Jøøn 6:35

'Ba Jecu aköö jïge, ni «Beeye aani na møk kwøw. 'Ba ŋat wø ö baŋa doo bäŋ käc ree, ni ŋat wø jïëy ni ŋääth aani doo bäŋ riew ree na bäre bäre.