Aydheea 48:9 - Wëël Jwøk

⁹ 'Ba kiper nyeŋŋa nø, wëër mara jooa jooø, ni cïba cwïnya piny kiper ajiem mara, nou ba ŋula wøk.

Aydheea 48:9 Iomraidhean Croise

Pwöc Leec Wïc 19:11

Leec wïc dhaanhø wø di kønyø nee ba laar päth ri wëër, ni tïme na gïr ajiem jïre kany wø wec gïna baac dëëre.

Aydheea 30:18

'Ba Wuuö Jwøk poot manynya uuni ki man cäŋ mëër mare nyoothø jïïu, ni poot koora uuni ki maal ki man nyooth bäth ec mare jïïu. Kiper Wuuö Jwøk beeye Jwø adïëri. Gwïëth en bäät jiy bëët mo wø bëëdö ni koora eni.

Aydheea 37:35

'Ba aani, a na Wuuö Jwøk, pääny man gwøa gwøø ni piema gø kiper nyeŋŋa ki nyeŋ dhaanhnha ma Deebit.»

Aydheea 43:25

«'Ba bee aani ki dëëra kiree ni wø wëën raay moï bëët kiper nyeŋŋa; ni wïïa ba para ki raay moï këët.

Aydheea 48:11

'Ba kiper nyeŋŋa, a ki dëëra kiree, gïnögø tïïa tïïö. ?Aŋø, olønye nidïï ki man wëëga nyeŋŋa päät? Aani, ajiem mara ba cïba jï gïn mør.

Aydheea 65:8

'Ba gïna caan Wuuö Jwøki bee en, ena köö, ni «Kaawat man wø jïtö ki pï nyïïjenni ki ri jwala mar nyïïomøki, ni kö jiyi møøk, ni ‹Kär raanynyi; poot di jïtö ki mo beyø røkge›, aani thuwø gïnögø tïïa tïïö yïthakic jiya, ni ö geni ni ba raanynya ge bëët.

Jeremaya 14:7

Wui Wuuö Jwøk, këël na bëët raayi mowa ni nyootha bääyö marwa, køny waani ki køør nyeŋŋï. Waani møn, gïïa gaawa wøk ki ge thööth, ni wa bääö dëërï.

Edhikiel 20:14

'Ba gïnögø kära tïïö kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:22

'Ba cera ajooa ki man tïïa gïnögø kiper nee nyeŋŋa ba ränynye nyïm wïth juurre moa käla geni wøk ki dïge ni nëënö jïge.

Edhikiel 20:44

Kanyøgønø u na jø Icriel oŋäyu ni bee aani na Wuuö Jwøk, kanyo nyoodha bäth ec mara jïïu kiper nyeŋŋa, këël na bëëdu ni uutjïëthe mou reyø nou temma gïï mo reyø.› Luummögø caana Kwäärö Wuuö Jwøki.»

Edhikiel 20:9

'Ba gïnögø kära tïïö kiper nee nyeŋŋa ba ränynye nyïm wïth juurre moa enge dïge, ni beege wïth juurre moa nyoodha raa jï jø Icriel nyïmge ki køør mana käla jø Icriel wøk ki yi ŋööm Ijep.

Edhikiel 36:21

'Ba aani, a cädö kiper nyeŋŋa na en kur keere na päät jø Icrielli dï wïth juurre kwöra cige yïthge.

Jøcua 7:9

Kiper gïnögø wïny jø Keenanni wïnynyö, këël jøøa bëëdö yi ŋöömmögø bëët, ni öge ni rumge wa dïër ni putge wïthwa dïïr na bäre. ?'Ba ennø, agïnaŋø noo tïïyï, nee nyeŋŋï bëëde ni poot wïnyö?»

1 Camiel 12:22

'Ba Wuuö Jwøk, ki køør nyeŋŋe na dwøŋ, jiye ba wiie, kiper eni yie met ki mana tïïc uuni na wï jur ma thööŋŋe.