Aydheea 48:8 - Wëël Jwøk

⁸ 'Ba gïïögø käru wïnynyö, ni tietge kuyu. Ki kany mo bäär cøøn, ïthu poot kär jäpö, kiper ŋääa møn nou doo tïïö ki riek waŋ mo raac døc. Uuni, u ŋäc ki man näk mo uuna jø ageem ki mana nywöl uuni.

Aydheea 48:8 Iomraidhean Croise

Aydheea 21:2

Luubö mo teek anyooth jïra ki yi wïïa na ennø nø: Ni ŋat wø tïïc gïï mo reyø ki piny poot bëëdö ni tïïya ge, ni ö dïräänyi ni bëëde ni poot räänyö. Wui, u na jø Ilam ki jø Mëdön, ööu maal ni cou ni cielu Babiløn dïër; Wuuö Jwøk gïïa tïïc jø Babilønni na wëëk jø møøk cooyø otïïe nee cuŋge.

Aydheea 26:11

Wui Wuuö Jwøk, cerï atïŋï maal ni kärge gø joodø. Nyooth këëyö marï jïge kiper jiyï, ni wëëgï ge lään wïc. Wui, beerra man ö maaci ni thöör nyïïmän moï.

Aydheea 33:1

Wui, otïmö ni leth jïrï, ï ni wø räänyö, ni bäŋ ŋat mo raany ïïni. Wui, otïmö ni leth jïrï, ï ni wø tïïc gïï mo reyø ki piny, ni bäŋ gïn mo raac mo otïïö dëërï. 'Ba kanyo weyï räänyö, ï put ka raanynyø, ni kanyo weyï gïï mo reyø mo wø tïïyï ki piny, gïï mo reyø put ka tïïc dëërï thuwø.

Aydheea 42:25

Kiper manøgønø, wëër mare ni wø liel kaamar maac, na caal mäc leny, akøny bäätø, ø na jø Icriel, ni wëëk maac liel ki deŋ Icriel bäre; 'ba øøna bëëdö ni tier gø poot ba kwanyø. Øøna waaŋ Wuuö Jwøki ki maac, ni bëëdø ni bäŋ gïn mo caarø kiper gïna tägö.

Aydheea 46:8

«Lääŋŋu gïn ni maau gø wïthu, ni putu gø kan cwïnynyu, u na jø raay.

Aydheea 47:11

'Ba gïï mo reyø otägi dëërï, ni tïme ni ba løny jïrï ki man kälï riï wøk ki køør jap ajuuk; ni ö gïï mo leth ni päthge bäätï, ni tïme ni ba løny ki man paanyï ge, ni ö ränynyö mo kanya käl yie kuyï ni ö bäätï ni cwöba riï.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Aydheea 48:7

Gïïögø tägi ka kar kany ennø ni paa kany mo bäär; ni käru kwøŋ wïnynyö ya awääre, ni ba løny ki man kööu, ni ‹Ka adïëri møn, gïïögø ŋäcwa.›

Aydheea 50:5

Kwäärö Wuuö Jwøk ïtha ajabe, ni kära kweer ki man wïnynya luumme, naa kär døø ŋääa.

Aydheea 57:4

?Aŋø, u buu ŋa? ?U ŋeethu bäät ŋa ni lëëpu you rwääö wøk? ?U patha wäät jø ageem, ni uuna wäät tööte?

Jeremaya 3:20

'Ba ka adïëri møn, kaawat man wø ö dhaage mo cwïnye ogaa wøk ki cwøre ni wec cwøre, uuni, u na jø Icriel, uuna bëëdö ni cwïnynyu ogaa wøk ki aani.» Luummögø caana Wuuö Jwøki.

Jeremaya 5:11

kiper jø Icriel ki jø Juuda gena tïïö ki gïï mo reyø døc dëëra.

Jeremaya 5:21

ni ‹Wïnynyu gïn, u na bøøre na wïthu bäŋ acaara, u na jïïu da nyeŋŋi, 'ba u ba nëënö; u na jïïu da ïdhi, 'ba u ba wïnyö.

Jeremaya 6:10

'Ba aana köö, na «?Aŋa noo luumma noo köömma, nee luumma wïnynye? Ka adïëri møn, ïthge ege cïëgö, ni ba løny jïge ki man cekge ïthge. Ennø, luum Wuuö Jwøk atïmö ni jääla geni, ni tïm yïthge ni ba met ki gøøni.

Odheea 5:7

Gena tïmö ni ge tïïö ki riek waŋ dëër Wuuö Jwøk, ni ge nyöödö ko obwöre ma nyïïkwaalle. 'Ba geni ki pwöth moge geno ränynyi ki køør wödö man wø wøørge päär mar dwääy ki gø.

Odheea 6:7

«'Ba kaawat mana tïïc kanya cwøl na Adam, geni luumma tuuda ki kwäcge akwierge, ni ge bëëdö ni nyeŋge ege døøc mo reegø ki aani, a na Jwøk.

Odheea 7:9

Teek marge alwør jøøa pathi ni bäŋ gïn mo ŋäcge, këël mana tuc wïthge ki lwaar ni poot kucge.

Milkiya 2:11

Jøøa bëëdö yi ŋööm Juuda gena tïïö ka atade, ni tïïge ki gïn mo raac døc yi Icriel ki yi Jerucalem, kiper jøøa bëëdö yi ŋöömmögø, øt lam na en kur keere mar Wuuö Jwøk mana mëëre ki gø apäätge ki køør mana nyöömge ki mään mo wøøra jwøk mør.

Epeca 2:3

'Ba gïïögø bëët, øøna kwøŋ bëëtö yïthge na bëënnø japa reyø na many cwïnynyø, na caadhø køør gïï wø many dëëlli ki cwïny, ni bëëdø ni øøna jø raay kaamar jøw bëët, ni wëëc Jwøk ena bäätø.

Tiet Ciik 31:16

Ni kö Wuuö Jwøki jï Modhe, ni «Neenï, ï thøw ni läpï køør kwäyu. 'Ba jøøi ii, kanyo pïïcge yi ŋöömö mano cige yie enø, ge gëëmö ki aani ni tïm cwïnyge no onieŋ køør juu møøk, kaawat man wø tïïc dhaaŋ paaci mo rïïŋö køør käp; ni wecge aani, ni kwierge luubö mana tuuda ki geni.

Tiet Ciik 31:18

'Ba ka adïëri møn, täärnyïma kana kanø ki ge dïcäŋöca ki køør gïïo reyø bëët noo tïïcge, kiper ge tïmö ni ge caatha køør juu møøk.