Aydheea 48:3 - Wëël Jwøk

³ Aani, ki kany mo bäär cøøn, jammi moa tägö bëët ni poot ena nyïm, akøba. Gena cur wøk ki dhaa, ni tïïa geni nee ŋäc jiyi. Køøre gïïögø atïïa ni putge tägö ni cwöba røk.

Aydheea 48:3 Iomraidhean Croise

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 30:13

raay moøgø duua bäätu, kaawat man wø muk kiirri mo bäär, ni päth piny na thäŋi yie aciel.

Aydheea 37:29

'Ba kiper wëër mana wëërï ki aani, ka atöör marï mana jooda, aani umï gäna gänö ko obïth mara, ni kïtha dhiï ki nywïëny dho okweeny, ni wiira wïïï ki gø, ni dwøga ïïni ki jöö mana ööï ki yie.›

Aydheea 37:7

Ka adïëri møn, aani bääte kïtha kïthö ki jwïëy, ni ö eni ni wïnye ka akøpi ni døø yi ŋöömö mare. Ni tïïa eni nee 'näk ko opëëllö yi ŋöömö mare.› »

Aydheea 41:22

Kälu juu mou mo wø lammu, nee gïïo tägi yi nyïm caange jïwa, caannu gïïa no opöödhö, nee tietge kwanywa, nee wa cätwa kiperge na aŋuunge ŋäcwa, wala caannu gïïo tägi yi nyïm jïwa.

Aydheea 41:27

Bee a na kwøŋ Dhayan na näk Jerucalem cäännö dïkwøŋ, ni kööa, ni ‹Neenï, gïïo tägi beege ii,› ni jääga baŋe ki dhaanhø mo køp luubö mo nyään mo met.

Aydheea 42:9

Ka adïëri møn, jammi moa caana dïkwøŋ anø tägö; 'ba ennø, u cäänna cäännö ki jammi møøk mo nyärö. 'Ba kanyo pootge ni kär tägö, caana caanø jïïu.»

Aydheea 43:9

Wïth juurre bëët dëëtge anø dwalge, ni cooŋge dëëtge kanya ciel. ?Aŋa dëëtge noo caan tier gïn en, noo køp gïïa dïkwøŋ jïïø? Beerra man känge ki jiy mo tier gïnögø ŋäcge naa adïëri marge ŋäc, nee wïny jiyi ni köge, ni «Bee kare.»

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Jøcua 21:45

Kanyøgønø, luup bëët moa beyø na caan Wuuö Jwøki kiper jø Icriel aput thur karge, ni bäŋ aciel mo odööŋ ni kär thur kare.