Aydheea 48:20 - Wëël Jwøk

²⁰ Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 48:20 Iomraidhean Croise

2 Camiel 7:23

?Aŋø, da wï jur bäät piny kany mo caala jiyï ma jø Icriel? Kiper beeye ï na Jwøk marwa na ö baŋ jiyï ma jø Icriel, ni kälï wa wøk ceŋ jø Ijep, nee wa bëëtwa na jiyï, ni tïïyï nyeŋŋï nee wïnye. Ïïna tïïö ki gïï mo døøŋŋø mo di lwäärö dëët wïth juurre ki juu moge, ni riemï ge wøk nyïmwa, wa na jiyï.

Edhera 2:1

'Ba moi beege jø Juuda moa duuö ki Babiløn, na duu Jerucalem ki mïëc Juuda møga, ni ŋati man nø duua yi pääny poge. Ni jøøgø beege thäk jiy moa no omaaø ki tøŋ na bëëdö na wëëlle Babiløn, ni beege jøøa mak Nabukedenecörri nyeny Babiløn ni kïth geni Babiløn.

Dut Pwøc 126:1

Aydheea 12:1

'Ba dïcäŋeca ŋati man nø dïïu oköö, «Wui ï na Wuuö Jwøk, nyeŋŋï pwøa pwøø; kiper wëër marï apaanyï bääta, ni cømï cwïnya, këël na bëëdï ni ïïno wëër ki aani.

Aydheea 12:4

'Ba dïcäŋeca uuno köö jï jiy, ni «Dwøgu met ec jï Wuuö Jwøk, ni pwøyu nyeŋŋe, ni caannu tïïe moe jï wïth juurre nee ŋäcge, ni parru wïthge ki nyeŋŋe ki man näk mo eni kare dwøŋ.»

Aydheea 24:14

'Ba jiy moo dööŋ, döötge otïŋge maal, ni kwöŋge ki met ec. Geno kwöŋŋi ki jï løø kur pänh-cäŋ kiper dööŋö mar Wuuö Jwøk.

Aydheea 26:1

'Ba dïcäŋeca duut man di wärö yi ŋööm Juuda, na ennø nø: Waani, jïwa da pääny mo teek, kiper Jwøk waana mooe ki kiir mo teek mo piema waani.

Aydheea 42:10

Wärru ki duut mo nyään jï Wuuö Jwøk, wärru nou pwøya nyeŋŋe, u ni en teegi mo piny! Pwøyu nyeŋŋe, u ni wø cäädhi dï naama dwøŋ, ki gïï wø en yi naama dwøŋ bëët. Pwøyu nyeŋŋe, u na wïth juurre mo wø bëëdö yïth mïëri moa en bäät naama dwøŋ, ki u jø wø en yïthge bëët.

Aydheea 43:1

'Ba ennø, Jeekap, Wuuö Jwøk na cwääc ïïni, na tïïc ïïni, ï na Icriel, ena köö, ni «Kärï lwäyö, kiper ïïna nø wïïla wøk, ïïna nø cwøla ki nyeŋŋï, ni ïïna thööŋŋa!

Aydheea 44:22

Gïïa reyø bëët na bayï anø paanya bäätï kaamar pöölö mo odhïŋ, ni nø paanya raay moï kaamar rwöc. Duu baŋa, kiper ï ya nø wïïl wøk.»

Aydheea 48:6

Ennø, gïïögø anø wïnynyu. Neennu ge bëët. ?Aŋø, poot ba jïëyu ni bee adïëri møn? 'Ba da gïï mo nyärö mo caana caanø jïïu ki mano täge ennø, ni beege gïïa näk tietge okanø na näk kuyu.

Aydheea 49:13

Wui, maalø, kwöŋŋï ki met ec! Wui, ï na piny, yiï mïnne! Wui, u na kïte, jøllu kwöŋŋö mar met ec manøgø! Kiper Wuuö Jwøk cwïny jiye ocøme, ni päth cwïnye ki gïr jiye moa no ocaarø.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 51:14

Ki kany mo cään jiy moa no omaaø ki tøŋ, ge di pädö, ni ge ba thøø kwöra näk geno twöö yïthge, ni ge ba bööli këët ki gïn camge.

Aydheea 52:10

Wuuö Jwøk teek bade na en kur keere di nyoodhø, ni nëënö jï wïth juurre bëët, ni ö jø wø en teegi bëët bäät piny ni raŋge pïëm mare man piem jiy ki gø, eni na Jwøk marø.

Aydheea 52:11

'Ba u ni wø käär jap Wuuö Jwøk na en kur keerge, aayu, aayu, daagu rou kaagø! Kär dee gïn mo gutu mo ba waany! Dønynyu wøk ki yi paanøgø, ni døøyu dëëtu mo waany.

Aydheea 52:9

Pänynyu maal, ni kwöŋŋu ki met ec, u bëët, u na en kwöra no oränynyö yi Jerucalem, kiper Wuuö Jwøk cwïny jiye acøme, ni wïïl jø Jerucalem wøk.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Jeremaya 31:10

«U na wïth juurre, wïnynyu luum Wuuö Jwøk, ni caannu gø jï mïëri moa kwörge bäyö, ni kööu, ni ‹Eni na keeth jø Icriel, ge cäŋe ka cooŋŋø, ni gwøk geni kaawat man wø ö dïkwääyi wø gwøk pïïth dïëk moe.›

Jeremaya 31:11

Kiper Wuuö Jwøk nyïïkwaac Jeekap wïïle wøk, ni piem geni cer ŋata näk teek mare opöödhö ni kaala geni.

Jeremaya 31:21

«Wui Icriel, ï na caal nyakøø mo dëër dïcwøø poot kuue, Määny øtjöö marï ki nyuuthe; cööth piny ki jenni mo nyootha jöö; ni cïbï acaayï øtjööra kwøŋï cør yie. ööï ni duuï yïth päänye moï.

Jeremaya 50:2

ni «Gøøu piny ni køpu gø jï wïth juurre bëët; køpu, ni tïŋu ŋïï maal; kär dee gïn kannu, kööu, ni ‹Babiløn omak ki tøŋ; jwøge ma Bël ni wø cwøl ni Merödak oränynyi ni tïme na gïn mo duua lään wïc, ni ö gïïa tieŋge ni wø lamge ni ränyge ni tïmge na gïï mo duua lään wïc.›

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Jeremaya 50:8

«Uuni, u reŋŋa wøk dï Babiløn, ni weyu ŋöömmögø mar jø Kaldia; ni bwödhu maal kaamar nyöök atëëe ni wø kwøŋ bwödhö nyïm dïëk.

Jeremaya 51:45

«U na jiya, uuno aa wøk dï Babiløn, ni ŋati man nø gwøga jwïëye, ni ŋwieya wëër mar Wuuö Jwøk noo liel kaamar maac.

Jeremaya 51:48

'Ba maal ki piny ki gïïa en yïthge bëët okwöŋŋi bäät Babiløn ni yïthge met; kiper jø aranya öö ki jï løø wï-piny ni tukge gø. Luummögø caana Wuuö Jwøki.

Jeremaya 51:6

«U na jø Icriel, uuno reŋŋu wøk yi Babiløn, ni ŋati man nø gwøga jwïëye. Kär wïthu wëëgu dïdö ki køør ajäla mare, kiper manøgø beeye kar cuut kwör mar Wuuö Jwøk, gïïa bac jø Babilønni dwøge dëëtge.

Dhekaraya 10:8

Aani, jø Icriel ocwøla ki lwiyø naa cooŋa geni kanya ciel, kiper aani ge ya nø wïïl wøk; ni tïm kwäänge ni thööth ni caala mana kwøŋge bëëtö.

Dhekaraya 2:10

«Wui jø Dhayan! Kwöŋŋu ki met ec, kiper aana öö naa bëëda dïïu. Manøgø caana Wuuö Jwøki.

Tiet Ciik 30:4

'Ba këël na bëëde ni uuno keethø dï piny bäre, Wuuö Jwøk na näk Jwøu u cooŋe kanya ciel ki kwörögø, ni duu uuni ki kwöreka.

Mana Nyooth 18:20

'Ba ï na maal, yiï mïnne nø ki gïre, ki u na jø Jwøk, ki nyïïatwieli, ki nyïïkuk Jwøk, kiper kwöri mou acool Jwøki dëër paanøgø.

Mana Nyooth 18:4

Kanyøgø dwøl mør awïnynya ni ööi ki maal, ni kööe, «Ööu wøk yie, u na jiya, kiper nou ba kuutu ki eni yïth raay moe, nee jap räny piny moo ö bääte nee ba nywaagu.