Aydheea 48:19 - Wëël Jwøk

¹⁹ Jø oööi ki rou kwäänge doo tïmö ni thööth kaamar akwöny deŋ naama dwøŋ, ni tïm kwään nyïïkwaayu ni thööth kaamar nyeŋ akwöö. Nyeŋge ba doo kïï wøk, ni ge ba doo raanynyø nyïma.»

Aydheea 48:19 Iomraidhean Croise

Wïlöölö 13:16

Ni tïïa kwään nyïïkwaayï ni thööth ni caala tør bäät piny; køøre ni näk da dhaanhø mo løny jïre ki man kwaan tør bäät piny, løny thuwø ki man kwaan nyïïkwaayï.

Wïlöölö 22:17

aana kööŋ ŋëëta keera ki man gwïëdha ïïni døc kiree, ni tïïa nyïïkwaayï nee nyaacge ni caala ceer mo maal, ni caala nyeŋ akwöny deŋ naama dwøŋ; ni ö nyïïkwaayï ni maanyge mïëc nyïïmänge.

1 Nyeye 9:7

aani jø Icriel käla wøk ki yïth ŋøøm moa cïba jïge, ni ö øtø mana näk yaa nø cïp kur keere kiper nyeŋŋa ni leeŋa gø wøk nyïma. Køøre nø, jø Icriel ge tïmö ni gena jø wø ŋäät dëëtge, ni bëëtge ni gena gïr waac yïthakic wïth juurre bëët.

Jööp 5:25

Otïmö ni ŋäyï thuwø ki man näk miï jïtö ko obwöre mo thööth, ni tïm nyïïkwaayï kaamar luum mar bäät piny.

Aydheea 10:22

Wui Icriel, këël na bëët jiyï ni kwäänge caala akwöny naama dwøŋ, mo nøk keerge moo dööŋ ni kwøw dëëtge beege noo duui. 'Ba ränynyö onø cïp piny, no onø ŋøl kiree na kare.

Aydheea 14:22

'Ba Wuuö Jwøk, eni na wïth jammi bëët, aköö, «Aani, a ööa maal bäät jø Babiløn, ni ŋula nyeŋ Babiløn wøk, ki jiye moa bøth, ki nyikwaaye, ki jø tuuŋge bëët.» Manøgø beeye dwør Wuuö Jwøk.

Aydheea 44:3

Kiper aani pïï otïïa nee kwötge ki yi ŋöömma no onäk riewi, ni tïïa nyeŋ näm ni kwödö ki yi ŋöömma no otal. Jwïëy 'moa ojääŋŋa bäät jø okäl dëërï, ni bëët gwïëthi mara ni ena bäät nyïïkwaayï;

Aydheea 44:4

ni ö geni ni tïmge kaamar gïï mo tuul wøk ka yïthakic luum, ni caala jenni mo ena deŋ naam.›

Aydheea 48:9

'Ba kiper nyeŋŋa nø, wëër mara jooa jooø, ni cïba cwïnya piny kiper ajiem mara, nou ba ŋula wøk.

Aydheea 54:3

Kiper piny omayï ni këëtï bäät cwïïc ki bäät caam, ni ö ŋøøp wïth juurre ni dööŋe jï nyïïkwaayï, ni bëëtge yïth päänye moa no odööŋ keerge.

Aydheea 56:5

a cïpö jïge ki nyeŋ ajiem yi øtø mara ki yi kiir mara, na nyeŋ mo wïc di paayø ki gø; ni beeye nyeŋ mo kaala obwöc cwøw ko obwöc mään moa dige nywølø. Aani, nyeŋ man wø bëëdö na bäre bäre ni ba ränynyi, cïba cïbö jïge.

Aydheea 66:22

«Kaawat man wø bëët maalli mana nyään na cwääa, ki piny mana nyään na cwääa, ni ge nut cooth nyïma en, nyïïkwaayu thuwø obëëdö ni nut cooth, ni bëët nyeŋŋu ni ŋäc.

Aydheea 9:14

Kiper manøgønø, Wuuö Jwøk wïc ki jïp mar Icriel, ki bøøge moe ki bäädi moe di raanynyø ki dïcäŋ aciel keere.

Jeremaya 33:22

Nyïïkwaac dhaanhnha ma Deebit, ki jø dhi øt Libay, jø wø tïny aani, kwäänge meeda meedø ni tïmge ni thööth ni ba løny ki kwaan, kaawat man wø bëët ceerri ni ba løny ki kwaan, kaawat man wø bëët akwöny deŋ naama dwøŋŋi ni ba løny ki røm.»

Odheea 1:10

'Ba kwään jø Icriel poot tïmö ni caala akwöny deŋ naama dwøŋ ni wø ba løny ki røm wala ki kwaan; ni købi ki geni, ni «Uuna wäät Jwøa kwøw;» yi paac mana wara købi jïge yie, no «U patha jiya.»

Jepaniya 1:4

«Aani cera tïŋa maal bäät jø Juuda ki jiy bëët mo wø bëëdö yi Jerucalem ni raanynya ge. Aani kwör wø lam jwø wø cwøl ni Baal yïthge, ki thäk jiy moa no odööŋ ni lama gø, ge raanynya raanynyø. Ni raanynya dïlämme mo juuga path nee nyeŋge ba wïnynyi këët.

Wëëlö Mana Göör Pøølli Baŋ Jø Röm 9:27

'Ba Aydheea acäänö ki dwøl mo dwøŋ kiper gïr jø Icriel, ni «Këël wäät Icriel doo thööth ni caala akwöny naama dwøŋ, mo nøk keerge beege noo piem.

Tiet Ciik 9:14

'Ba ennø, wec aani kiper nee geni nääa, ni thööra geni, ni tïmge ni bäŋ nyeŋge bäät piny. 'Ba ïïni na Modhe en, ï tïïa tïïö ni ïïna wï jur mo teek mo dwøŋŋa eni ki geni.›

Jøcua 7:9

Kiper gïnögø wïny jø Keenanni wïnynyö, këël jøøa bëëdö yi ŋöömmögø bëët, ni öge ni rumge wa dïër ni putge wïthwa dïïr na bäre. ?'Ba ennø, agïnaŋø noo tïïyï, nee nyeŋŋï bëëde ni poot wïnyö?»

Ruuth 4:10

Këël Ruuth thuwø, nyijø Möap, cï Malön na no othøw, okäla nee tïme na cïïa, nee Malön jïte ki lwiidhø mo dööŋ ŋöömmögø jïre, nee nyeŋŋe ba rwäänye dï tuuŋge wala dï jø poge; dïcäŋi u tïmö ni uuna jiy mo ŋäc luummi en.»