Aydheea 48:17 - Wëël Jwøk

¹⁷ Man beeye dwør Wuuö Jwøk, eni na wïïl uuni wøk, eni na Jwø Icriel na en kur keere, ena köö, ni «Aani, aana Wuuö Jwøk, Jwøk maru, ni wø pwöny uuni nou bëënynyu, ni wø bwøth uuni ki jöö mano cøru yie.

Aydheea 48:17 Iomraidhean Croise

Wïlöölö 24:48

ni kuulla wïïa piny ni wøøra nyeŋ Wuuö Jwøk, ni pwøa Wuuö Jwøk na näk Jwø kwääya ma Eeberam na bwøth aani ki øtjöö ma kare ki man jïta ki nyakøø røk tuuŋ kwääya jï wääde.

1 Nyeye 8:36

beerra man wïnynyï gø ki maal ni wëënnï raay mo jiyï ma jø Icriel, ni pwönynyï geni ki jöö mana beer man cääthge ki gø, ni jääŋŋï køth bäät ŋøøm moï moa cïpï jï jiyï na mo dööŋ jïge na moge.

Jööp 36:22

«Ka adïëri møn, Jwøk bëëdö no owøørø ki teek mare. ?A dïpööy mane ni caal eni?

Aydheea 2:3

Wïth juurre mo thööth öö ni köge, ni «Ööu, owaa cøø bäät Kïn Wuuö Jwøk yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Aydheea 28:9

Ge cäänö, na «?Aŋa noo pwönynye ki leec wïc? ?Luumme ocaan gø jï ŋa? ?'Ba tiirra obwöre moa no omänö ki caak na näk thunh ege wiiø?

Aydheea 30:20

'Ba këël na bëëde ni Wuuö Jwøk, caannø ki jwør gïï mo leth ee nø nøøyø dëëtu kaamar cam kwön ki maath pïï, eni na dïpööy maru dëëre ba kane këët ki uuni, 'ba eni jootu joodø na adïëri ki nyeŋŋu.

Aydheea 30:21

Kanyo wäru cäädhu nou gaa bäät cwïïc wala bäät caam, dwøl wïnynyu wïnynyö ŋäthu mo köö, ni «Jöö en, cäädhu ki yie.»

Aydheea 41:14

Wui, Jeekap, ï na rööm twöŋö, ni bee ï na Icriel na thiinh, kärï lwäyö, kiper aani ki dëëra ï kønya kønyø. Manøgø caana aani, a na Wuuö Jwøk, na wïïl ïïni wøk, a na Jwø Icriel na en kur keere.

Aydheea 43:14

Man bee dwør Wuuö Jwøk, eni na Jwø Icriel na en kur keere na wïïl u wøk, ena köö, na «A jääga Babiløn ki jø leny kiperu, ni ö jø Kaldia bëët ni päärge wøk, ni ge aay ka baabuure mo wø töötge kiperge.

Aydheea 43:16

Man bee dwør Wuuö Jwøk, eni na tïïö ki jöö mo cøra dï naama dwøŋ, ni beeye jöö mo cøra dï pïï mo kwödö ni teek,

Aydheea 45:11

Man beeye dwør Wuuö Jwøk, eni na Jwø Icriel na en kur keere, na cwääc Icriel, ena köö, na «?Aŋø, a dou pëënynyö kiper gïïo tägi yi nyïm kiper obwöre 'moa, naa dou köömmö kiper gïïa tïïa ki cera?

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Aydheea 49:26

Aani, jøøa caar uuni caama caamø ki rïŋ dëëtge keerge, ni wëëga ge meerø ki remø marge keerge ni caala man wø meerø ki køøŋ nyïïomøki mo keec døc. Ni puti ya jiyi bëët ŋäc ni bee aani na Wuuö Jwøk na pïëmi maru, na wïïl uuni wøk, a na Jwøa teek mar Jeekap.»

Aydheea 49:7

Man beeye dwøl mana caan Wuuö Jwøki, eni na wïïl jø Icriel wøk, eni na Jwøa en kur keere; ni luubö manøgø caane jï ŋata no otaaø, na no okwier wïth juurre, na laŋŋø mar dïbwöthe, ena köö, ni «Nyeye ïïno neenge ni öge maal, ni ö kwääri ni këëlge cøŋge piny ni ge wøøra ïïni, kipera, a na Wuuö Jwøk na no oŋäädhö, a na Jwø Icriel na en kur keere na jier ïïni.»

Aydheea 54:13

Wäätï bëët geno kwänynyi baŋ Wuuö Jwøk; ni jït obwöre moï ki bëët-mëër mo dwøŋ.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Aydheea 54:8

Aana gootø ki gootø mo dwøŋ, ni kana täärnyïma ki ïïni ki kany mo thiinh. 'Ba ki køør mëër mara ni wø ba jøøl na bäre bäre, cwïnya cäŋa ka bääthö ki ïïni. Manøgø caana a, a na Wuuö Jwøk na wïïl ïïni wøk.

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Mikiya 4:2

'Ba wïth juurre mo thööth öö ni köge, ni «Ööu, owaa cøø bäät Kïn Wuuö Jwøk, yi Øt Jwø Jeekap, kiper nee ø pwönynye ki jööre, nee ø cäädhø øtjööre.» Kiper luum ciik Jwøk wø caan ka yi Dhayan, ni beeye Jerucalem ni wø ö luup Wuuö Jwøki ki yie.

Jøøn 6:45

'Ba ogöörö yïth luup nyïïkuk Jwøk, ni ‹Geno pwöny Jwøki bëët.› 'Ba jiy bëët mo wø wïny dwør Wuuö ni kwanyge tier gø, ge ööa baŋa.

Epeca 4:21

Ni u yaa ŋäädhö ni gïre you wïnynyö ni pwöny uuni ki nyeŋŋe, ki køør adïëri mana en ri Jecu.

Jøcua 3:4

nee jöö mano cørru yie nee ŋäyu; kiper jöö manøgø u poot kär cør yie dïkwøŋ. 'Ba kanyo cäädhu, wär yïthakiyu ka acanduk wëënnu ki rumme mo caala yïth gööye ma kume ariiø, ni ba nyiigu buute.»