Aydheea 48:16 - Wëël Jwøk

¹⁶ Ööu ni nyänhnhu buuta, ni cegu ïthu ki luubö man. Ki mana täga cøøn, a kär cäänö ki luup mo tietge okanø. Kany wø täk gïrpinynyi, aani, a nutö kaace.» 'Ba ennø, Kwäärö Wuuö Jwøk aana jääŋŋe ni Jwïëy moe ena bääta.

Aydheea 48:16 Iomraidhean Croise

Aydheea 34:1

Wui, u na wïth juurre, ööu ni nyänhnhu kuna wïnynyu gïn; cegu ïthu, u na jiy! Beerra man ö pinynyi ki japa en yie bëët ni wïnyge gïn; beerra man ö bäät ŋøømmi ki japa en yie bëët ni cekge ïthge.

Aydheea 41:1

Wuuö Jwøk aköö, «U na wïth juurre mo wø bëëdö yïth mïëri moa en bäät naama dwøŋ, noukïïl nyïma ni cegu ïthu baŋa. Beerra man ö wïth juurre ni jïtge ki teek mo nyään, ni öge kany mo cään ni cäänge. Beerra man öge nee wa røømwa ki ge kar løøk.

Aydheea 43:13

Ki mana täge cøøn bee aani na eni, ni bäŋ ŋat mør mo piema dhaanhø cera. Aani, mara wø tïïa tïïö, ?'ba aŋa ni wø wiil gø?»

Aydheea 45:19

Aani a kär cäänö ni tiet luup 'moa yaa kanø, naa kär cäänö yi ŋöömö mør ma muudhö; a kär köö jï nyïïkwaac Jeekap, ni ‹Manynyu aani kiper gïn mo bäŋ tiere;› aani, a na Wuuö Jwøk, a wø caana adïëri, naa wø køpa luup mo tiir.

Aydheea 57:3

Wuuö Jwøk aköö, «'Ba uuni, u na wäät jø thïëth, na wäät kääpe, u na wäät jø wø gath dëëtge ki käp, ööu kany!

Luk 4:18

ni «Jwïëc Wuuö Jwøk ena bääta, kiper aana jiere nee luumma nyään na met caana jï jøøa can. Ni jääŋ aani nee pät mar jøøa näk otwöö køba jïge, ki døøn nyeŋ karge jï cööye, ni päda jøøa näk odïïmö,

Jøøn 18:20

Ni løgi ya Jecu jïre, ni «A wø cäänö ni wïnyö jaak jï jø piny, naa wø pöö cooth yïth uut acook lam ki yi kal mar Øt Jwøk Mana Dwøŋ, kany wø cuŋ jø Juuthi yie bëët, ni bäŋ gïn mo yaa caanø ni yaa mooŋø.

Jøøn 3:34

'Ba eni na jääŋ Jwøki wø køpa luup Jwøk. Kiper Jwøk Jwïëye bäŋ wø cïbe ni ee rømø.