Aydheea 48:14 - Wëël Jwøk

¹⁴ «Uuni bëët, cooŋŋu rou ni cegu ïthu. ?A kït gïn wø lam mane na caan tiet luup moi ii? Eni na jier Wuuö Jwøki, mana many Wuuö Jwøki tïïe tïïö dëër Babiløn, ni ö teek bade ni bëëde ni ena dëëtge, ge na jø Kaldia, ni jääla ge.

Aydheea 48:14 Iomraidhean Croise

Wïlöölö 49:1

Køøre Jeekap wääte acwøle, ni kööe, ni «Cooŋŋu rou kanya ciel buuta, kiper nee gïïo tägi dëëtu yi nyïme nee caana jïïu.

Wïlöölö 49:2

«Beerra man cooŋŋu rou ni cegu ïthu, u na wäät Jeekap; ni leŋŋu mar wääu ma Icriel.

Aydheea 13:19

'Ba Babiløn, na näk mïërö mar mïëc nyeye, na näk gïr ajiem mar atöör mar jø Kaldia, otïmö kaamar Cødam ki Gømöra kanya raanynyi ya Jwøki.

Aydheea 21:9

'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 41:22

Kälu juu mou mo wø lammu, nee gïïo tägi yi nyïm caange jïwa, caannu gïïa no opöödhö, nee tietge kwanywa, nee wa cätwa kiperge na aŋuunge ŋäcwa, wala caannu gïïo tägi yi nyïm jïwa.

Aydheea 43:9

Wïth juurre bëët dëëtge anø dwalge, ni cooŋge dëëtge kanya ciel. ?Aŋa dëëtge noo caan tier gïn en, noo køp gïïa dïkwøŋ jïïø? Beerra man känge ki jiy mo tier gïnögø ŋäcge naa adïëri marge ŋäc, nee wïny jiyi ni köge, ni «Bee kare.»

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 44:7

?Aŋa ni caal aani? Beerra man ö ŋateca ni køp mare ni caan gø; beerra man peeth gø nyïma na kare, ni caan gïïa tägö bëët ki mana täge ki kanya këëlla tier wï jur piny ki kany mo bäär cøøn. Ni put gïno tägi yi nyïm caan jïge thuwø.

Aydheea 45:13

Aani Kiröc anø tïŋa maal ki køør adïëri mara, 'ba nyeŋ jïëthe moe bëët otïïa ni tiir, ni ö eni ni geer pääny mara, ni tïïc jiya moa no omaaø ki tøŋ nee wec, ni bäŋ gwel mo di coolø wala muuy mo dï cïbö.» Manøgø bee dwør Wuuö Jwøk, eni na wïth jammi bëët.

Jeremaya 50:44

«Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Maak 10:21

'Ba jïre aneen Jecu ni mëër ki gø, ni kööe jïgø, ni «Da gïrpiny aciel mo poot kärï tïïö. Ciï ni dwøgï gïïa en jïrï bëët pwödhö, ni mëëgï gwetge jøøa can, ni ööï ni cäädhï køøra, 'ba ïïno jïti ki jap kwär maal.»