Aydheea 48:1 - Wëël Jwøk

¹ «Wui, jø dhi øt Jeekap, wïnynyu gïn, u na no ocaaø ri Icriel, na käl ri tuuŋ Juuda, ni wø kööŋ ki nyeŋ Wuuö Jwøk, ni wø cwøl nyeŋ Jwø Icriel, 'ba wø cwøllu ka jöö mo patha adïëri mo ba tiir.

Aydheea 48:1 Iomraidhean Croise

Wïlöölö 32:28

Ni kö ŋatøgø, ni «Nyeŋŋï ba cwøl ni Jeekap këët, 'ba ocwøl ni Icriel, kiper ïïna ŋäbö ki Jwøk ni ŋäbï ki jiy thuwø, ni tïme ni käädhö ïïni.»

Wïlöölö 35:10

ni kööe jïgø, ni «Nyeŋŋï beeye Jeekap; 'ba nyeŋŋï ba cwøl ni Jeekap këët, 'ba nyeŋŋï ocwøl ni Icriel.» Køøre nyeŋ gø aput Jwøki cwøl ni Icriel.

2 Nyeye 17:34

'Ba këël dïcäŋi en, jø mo bëëdö Cameria ge poot bëëdö ni ge caatha køør kööŋŋe moa dïkwøŋ, ni Wuuö Jwøk ba wøørge na adïëri, ni ge ba cäädhi køør ciik moe, ki luup ŋøl moe, ki pwöc moe, ki gïïa ceme, eni na Wuuö Jwøk, na kööm nyïïkwaac Jeekap ki ge, ŋata caae ni Icriel,

2 Nyeye 5:20

Gaadhi ŋat tïïc mar nyikuŋ Jwøk ma Ilaaca acätö ni kööe, ni «Ka adïëri møn, kwäärö mara, Neeman nyï Aram awiie jaak ni aae, ni bäŋ gïn mo ee kälö baŋ gø røk gïïa ööe ki ge. Ŋëët Wuuö Jwøk Jwøa kwøw, aani a reŋŋa køøre naa käda baŋe ki gïrpiny.»

Bwøth Wøk 23:13

«'Ba gïïa caana jïïu bëët yøø, beerra man magu rou ki man gwøgu geni. Kär dee nyeŋ juu møøk mo cøøru wala gïrge wïnyö dhøgu.

Pwöc Leec Wïc 5:16

?Aperŋø noo nyöödï wøk jaak, nee obwöre moï bëëtge ni bäŋ gïn kønyge, kaamar pï jøøro mo øøya wøk jaak uutjïëthe?

Aydheea 26:13

Wui Wuuö Jwøk, Jwøk marwa, waana bëëdö ni wa käära kwääri møøk mo patha ïïni, 'ba beeye ïïni keerï ni wø nyeŋŋï wøørwa.

Aydheea 44:5

'Ba ki dï jøøgø, ŋat mør köö, ni ‹Aana mar Wuuö Jwøk;› ni ö maya ni cwøl nyeŋŋe ri Jeekap; ni ö mørri ni gööt cere, ni ‹Manna mar Wuuö Jwøk,› ni cak nyeŋ Icriel na nyeŋ mo owøørø.»

Aydheea 45:23

Aana kööŋ ŋëëta keera; luubö manøgø anø duny wøk ki dhaa na adïëri, ni ba løny ki man døøe këët. Cøŋŋi bëët këëlla piny nyïma, ni ö lëëpi bëët ni kööŋge nyïma.

Aydheea 46:12

«Cegu ïthu ki mara, u ni wïthu teek en, ni karu bäär ka adïëri.

Aydheea 51:1

U ni wø caath køør bëënynyö, ni wø many Wuuö Jwøk, wïnynyu mara. Neennu kïdi mana kälu ree, ni neennu kïdi mana kuuny uuni wøk ki dëëre.

Aydheea 51:2

Raŋŋu kwaru ma Eeberam, ki waŋu ma Ceera na lwaar ki uuni ki rääm mo leth. Kanya cwøla Eeberam bee eni keere; 'ba ena gwïëdha ni tïïa nyïïkwaaye ni thööth.

Aydheea 58:2

Kiper a manyge manynyø ki yi cäŋ cooth, keda gena jiy mo yïthge met ki man ŋäcge uutjïëthe 'moa. Dëëtge ege tïïö kaamar jiy mo caatha køør bëënynyö, ni ge bëëdö ni caala jiy mo ciik Jwøk marge kärge wiiø. A pëënyge pëënynyö ki man ŋunna geni, keda gena jiy mo ge mëër ki man ena buutge.

Aydheea 62:8

'Ba Wuuö Jwøk akööŋ bäät cer cwïïe, ni beeye bäät bade na teek, ni kööe, ni «Beel mou ba cïba na cam jï nyïïmän mou këët; ni bäŋ juurre mo path mo mädhö ki kwøk nyïïomøki mo nyään këët moa jootu ki køør tïïa leth na tïïyu.

Aydheea 64:6

Kiper waani bëët, waana tïmö kaamar dhaanhø mo ba waany, ni ö japa beyø bëët na tïïcwa ni tïmge kaamar nywan abïï mo ree da gïn mo raac; waani bëët, waana tïmö kaamar bøøŋ jaath mo otal, ni ö raayi mowa ni køølge wa kaawat man wø tïïc jamø.

Aydheea 65:16

'Ba ŋat wø gwëëdhö yi ŋöömö, wø gwëëdhö ka nyeŋŋa, a na Jwø adïëri, ni ö ŋat wø kööŋ yi ŋöömö, ni kööŋ raa, a na Jwø adïëri. Kiper gïïa leth na no opöödhö, wïc wïl ki geni, ni putge rwäänyö nyïma.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Jeremaya 44:26

«'Ba u na jø Juuda bëët, u ni bëëdö Ijep en, wïnynyu dwør Wuuö Jwøk. Wuuö Jwøk aköö, ni ‹Ennø, aana kööŋ ŋëët nyeŋŋa na dwøŋ nee bäŋe dhaanhø mo nyeŋŋa cura dhee këët røk jø Juuda bëët moi ni en Ijep ii, ni mare kööŋ ri nyeŋŋa, ni «Ŋëët Wuuö Jwøk, Jwøa kwøw.»

Jeremaya 5:2

'Ba këël jø Jerucalem doo kööŋ ni köge, ‹Ŋëët Wuuö Jwøk, Jwøa kwøw,› ka adïëri møn, kööŋ marge poot na tööt jaak.»

Ciik Kiper Dïlämme 19:12

« ‹Kärï kööŋ ŋëët nyeŋŋa ki gïn ma tööt, kiper tïmö niï pääta nyeŋŋa, a na Jwøk marï; beeye aani na Wuuö Jwøk.

Mikiya 2:7

?Wui u na nyïïkwaac Jeekap, aŋø, manøgø beeye gïn mo doo caanø, na «?Aŋø, Wuuö Jwøk atïmö ni cwïnye ba cïp piny? ?Teeŋ gïnögø dee tïïö?» 'Ba mar Wuuö Jwøk beeye en, ena köö, ni «Luup 'moa wø beyø kaper jøøa marge thïïŋ.

Jepaniya 1:5

Ni beege jø wø këël cøŋge piny bäät uudi, ni wø løø wïthge maal kuna lamge cäŋ ki dwääy ki ceer, ni wø këël cøŋge piny ni kööŋge ri Wuuö Jwøk, ni ge cäŋa kööŋ ri jwø wø cwøl ni Milköm;

Dhekaraya 5:3

Køøre ena köö jïra, ni «Manøgø beeye acïëni mano ö bäät piny bäre. Ka adïëri møn, jiy bëët mo wø kwädö geno raanynyi ki køør luup moa no ogöörö løø pïënögø aciel, ni raany jiy mo wø kööŋ jaak ki tööt ki køør luup moa no ogöörö løø pïënögø aciel maya.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Kwään Jiy 24:7

Paac maru otïmö ni yie da pïï mo thööth døc, ni jït nyïïkwaayu ki bëët durö, ni tïm nyeya marge ni dwøŋŋa eni ki nyenynya näk Agaak, ni tïm buye no owøørø.

Mathiew 23:13

«'Ba u dïpööye mo ciik Jwøk ki jø Paricith, u na jø atade, otïmö ni raac jïïu, kiper buya käl maal you mänö ki jiy. Kiper u ki dëëtu u ba ci yie, ni jøøa doo ci yie ba wëënnu thuwø.

Jøøn 1:47

'Ba na ö Jecu na joot Nathaniel ni ööa baŋe, ena köö jïgø, «Neennu, man beeye nyï Icriel møn, mana näk bäŋ cwøk cwïnye.»

Jøøn 4:24

Jwøk a Jwïëy, ni jø wø lam gø doo lämö ki cwïnyge na adïëri.»

Wëëlö Mana Göör Pøølli Baŋ Jø Röm 2:17

?'Ba ni näk riï iï cwølø ni ïïna ŋat Juuth, ni ïïno göök ri ciik Jwøk, niï töödö kiper Jwøk,

Wëëlö Mana Göör Pøølli Baŋ Jø Röm 9:6

Ni manøgø ba caan gø ni luum Jwøk kär thur kare. Kiper nyïïkwaac Icriel paa jø Icriel bëët,

Wëëlö Mana Göör Pøølli Baŋ Jø Röm 9:8

'Ba manøgø nyootha gø ni patha nyïëdi mo wø nywöli ki ec jaak noo tïmö na nyïï Jwøk, 'ba beege nyïëdi mo wø nywöli ki køør buuk ni wø jïëc ni gena nyïïkwaaye.

Tiet Ciik 10:20

Lwäärru Wuuö Jwøk na näk Jwøu, ni tïnynyu eni, ni göögu dëëre, ni kööŋŋu ri nyeŋŋe keere.

Tiet Ciik 33:28

'Ba jø Icriel bëëdö ni bäŋ gïn mo tägi dëëtge; ni ö geni na nyïïkwaac Jeekap yøø ni bëëtge keerge yi ŋöömö mo yie da beel ki pï nyïïomøki, na ŋöömö mo maal cïpö ki køth ki thööy jïre cooth.

Tiet Ciik 5:28

«Køøre Wuuö Jwøk luup moa caannu awïnynye kanya cäänu ki aani. Ni kö Wuuö Jwøki jïra, ni ‹Luup moa caan jøøgø jïrï awïnynya. Gïïa caange bëët beege luup mo beyø.

Tiet Ciik 6:13

«Bëëdu nou lwäära Wuuö Jwøk na näk Jwøu, ni tïnynyu eni, ni kööŋŋu ri nyeŋŋe keere.

1 Timöthi 4:2

kanyo ö tööte moa bäŋ cwïnyge noo cøøkge geni ki tööt marge,

Mana Nyooth 2:9

«Aani, gïïö ni leth ni jwørï yøø ŋääa, ki cannï, 'ba ïïno kwär. Ni ŋääa gïïö ni reyø ni wø cari dëërï, ni beege jø wø köö ni gena jø Juuth, ni ge path. 'Ba gena øt acooŋa mar Ceethan.

Mana Nyooth 3:9

'Ba jøø na jø øt acooŋ Ceethan yøø, ni beege jø wø köö ki tööt ni gena jø Juuth, ni ge path, geno tïïa nee öge ni këëlge cøŋge piny nyïmï, nee ŋäcge naa mëër ki ïïni.