Aydheea 47:8 - Wëël Jwøk

⁸ «'Ba ennø, wïny mara, ï ni wø mëër ki jammi mo dëël, ï ni wø bëëdö ni ba lwäär ki gïn mo raac. Ï wø cäänö ki cwïnyï ni kööï, ni ‹Bee aani keera, ni bäŋ ŋat mør këët mo kaala aani. Aani, a ba tïmö ni aana cï thøø, ni bäŋ gïn mo tägi dëët obwöre 'moa.›

Aydheea 47:8 Iomraidhean Croise

Aydheea 14:14

Aani, a etha maal ŋäth pøøl kuya, ni tïïa raa na a caala Jwøa Dwøŋ ni en Maal.›

Aydheea 32:11

U na määr wø bëëdö ki bëëtö mo jööt jaak, dëëtu tïme ni kwanynyi. U na mään moa therø, u ni wø cädö ni karu beer, dëëtu tïme ni rïïŋö. Göönyu abïïe wøk dëëtu, ni dööŋŋu ki dëëtu, ni dwølu keece dëëtu.

Aydheea 32:9

Wui, u na määr wø bëëdö ki bëëtö mo jööt jaak, ööu maal ni wïnynyu dwøra; u na mään moa therø, u ni wø cädö ni karu beer, cegu ïthu ki luubö mara.

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 45:5

Bee aani na Wuuö Jwøk, ni bäŋ Jwøk mør këët. Bäŋ Jwøk mør këët ni näk mo paa aani keera. Aani, ï mooa mooø ki teek, këël na bëëdï naa kuyï;

Aydheea 45:6

nee tïme ni løny ki man ö jiyi ni ŋäcge gø, ki mano täge ki jï løø kur tuul-cäŋ këël jï løø kur pänh-cäŋ, ni bäŋ Jwøk mør këët ni näk mo paa aani keera. Bee aani na Wuuö Jwøk ni bäŋ Jwøk mør këët.

Aydheea 47:10

Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Jeremaya 49:31

«'Ba ï na Nabukedenecör en, ï ööa maal, ni ciï baŋ jø wø bëëdö noo nikwak karge, jø wø bëëdö ni bäŋ gïn tägi rege. Geni, bäŋ kiir jïge mo dhøkge da dïdëëdi, ni ge bëëdö kur keerge.

Jeremaya 50:11

«Wui, u na jø Babiløn na twier jap jiya, u bëëdö ni yïthu met nou kanynyø; nou pärö kaamar nyirøøa mo bïëdö yi pwöla, nou kwöŋŋö kaamar thwønh okweeny mo teek.

Jeremaya 51:53

Kiir Babiløn, këël na bëëde no ogeerø no opïï maal kuya, ni tïïc kwör leny moe ni teek døc, jø wø räänyö ge poot jääŋŋa jääŋŋö ni cige baŋe.» Luummögø caana Wuuö Jwøki.

Edhikiel 16:49

« ‹'Ba raay mo coku ma Cødam bee en: Eni ki nyïïe ge töödö kiper jïge da cam mo päl ni ge ena yi bëët jwöm; 'ba jiy moa can na näk bäŋ gïrpiny ceŋge ba kønyge.

Edhikiel 28:2

«Wär dhaanhø, caanï jï nyeny Tayar ni kööï ni luumma caan Kwäärö Wuuö Jwøki bee en, ena köö, «ni ‹Kiper mana näk miï töödö ki cwïnyï, ïïna cäänö kiper dëërï, ni kööï, ni «Aana Jwøk, aana nø pï piny bäät wälu mar Jwøk dï naama dwøŋ.» 'Ba ïïni, ïïna dhaanhø, ï patha Jwøk, këël na cädï ki cwïnyï ni wïïï leer kaamar Jwøk.

Edhikiel 30:9

« ‹Dïcäŋöca a jääga wøk ki jiy ki jïëth naam kuna wëëkge jø Kuuc lwär, ni beege jø wø köö ni geno gwøø. Geni, gïï mo leth tägö bäätge kaawat mana tägö bäät jø Ijep; ni manøgø beeye gïn ma adïëri mo ba kääŋi ki man täge.›

Daniel 11:36

«'Ba nyeya tïmö ni tïïya gïno met yie ki gø jaak, ni tïŋ dëëre maal ni dwøŋŋa eni bäät juu bëët, ni cääne ki luup mo thäŋa ec dëër Jwø wïth juu. Eni bëëdö ni bëëtö mare othur kare, këël kanyo ö kar wëër mar Jwøk noo pääŋe, kiper gïna no onøŋøl, tägö møn.

Daniel 4:22

wui nyeya, jaath manøgø beeye ïïni. Kiper ïïna bëëdö ni karï dwøŋ, ni bëëdï niï teek, ni ö dööŋ karri marï ni døøŋŋe ni pïïe maal, ni ö pinynyi bäre ni en cerï.

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Daniel 4:30

ena köö, na «?Aŋø, man paa beeye Babiløn na dwøŋ na geera, ni beeye kar bëët nyec na geera ki teek mara na dwøŋ, na gïr ajiem mar dööŋ kar mara, a na nyeya?»

Daniel 4:4

A na Nabukedenecör en, kanya bëëda naa ena yo owinyø mara ni yia met jaak, ni aano dhøøŋ paan dwøŋ mara,

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 5:30

'Ba kanya tïme na dïwäänögø kiree, Belthacör aput 'näk, eni na nyeny jø Babiløn,

Neeyam 1:10

Geni, ge caala jiy mo omeer mo oŋiel køøŋe, ni ge caala koodhi mo otal mo owaaŋ maaci.

Neeyam 3:4

'Ba gïïa tägö bëët beeye kiper mana bëët Nineba ni caala dhaagø ma kääbi. Eni mïërö, ni tïïö ki jap ajuuk, ni bïth wïth juurre ki wïth jiy ki køør bëëtö mare manøgø.

Abakuk 1:7

Gena jiy mo di lwäärö, mo dëël kwanynyi ki geni. Ciik marge ki teek marge käla baŋge keerge.

Jepaniya 2:15

Manøgø beeye gïno tägi dëër pääny mo ogwøø ni teek, mo töödö ni cäänö ki cwïnye, ni «Bee aani keera, ni bäŋ pääny mo kaal aani këët.» Raŋŋu ränynyö mano ränynye ki gø mø, Tïmö na kar rïïö jï lääy! Jiy bëët moo pöödhi ki deŋŋe, obuuge, ni ŋeethge bäät gø, ni gwaŋge gø.

2 Thecalönika 2:4

noo cuum ree, ni män ki gïï wø cøøri bëët ni juu, wala gïï wø wøør, këël mano ööe no opï bäät køøme yi Øt Jwøk Mana Dwøŋ, ni kööe, ni eni ki dëëre beeye na Jwøk.

Pïëmme 18:27

'Ba kanya nø ö jø tuuŋ Daan na kälge gïïa no otïïc Mikiya, ki dïlämi mare mana en jïre, gena aay ni pïïcge pääny Laaic baŋ jøøa näk bëëdö ka bëët-mëër ni bäŋ gïn caarge kiper leny. Ni ö jø tuuŋ Daan ni 'näkge jøøgø ko opëëlle; ni putge pääny mar jøøgø nyep.

Pïëmme 18:7

Køøre jagøgø na abïïc yøø atïŋŋö ki kaace, ni aacge ni pïïcge pääny Laaic, ni jootge jøøa bëëdö yie ni ge bëëdö ni bäŋ gïn caarge kiper leny, ni ge bëëdö ka teeŋ bëët jø Caydan ni wø bëëdö ki bëët-mëër ni bäŋ gïn caarge kiper leny; ni kwäärö marge bëëdö ni bäŋ gïn mo raac mo ee tïïö dëëtge. 'Ba ge bëëdö ni karge bäyö ki jø Caydan, ni bäŋ gïn mo gääba geni ki jø møøk.