Aydheea 47:6 - Wëël Jwøk

⁶ Aana bëëdö naa wëëyö ki jiya; wï jur mana näk ya jierø atïïa ni ba waany, ni cïba gø cerï; 'ba bäŋ bäth ec mo iï nyoodhø jïge. 'Ba gïna tïïyï beeye caarø mo teek mo caala tëër mo peek na kïthï bäät jäle.

Aydheea 47:6 Iomraidhean Croise

2 Camiel 24:14

Kanyøgønø, Deebit aköö jï Gaat, ni «Gïïögø bëët duua bëëtö mo teek kipera. Beerra man tïmwa ni wa pätha cer Wuuö Jwøk, kiper mëër mare dwøŋ; 'ba kär wa tïmö ni wa pätha cer dhaanhø.»

2 Luup Nyeye 10:11

'Ba kaawat mana ö wära na tïïc bëëtö maru ni teek ni caala tëër mo peek, aani bëëtö maru cäŋa ka tïïyö ni teek døc ni kaala mana tïïc wära. Wära u pwönynye ka alaŋŋe, 'ba aani, u pwönynya pwönynyö ka alaŋŋe mo lethe caala leth dha agarap.› »

2 Luup Nyeye 28:9

'Ba nyikuŋ Wuuö Jwøk mana en kaagø na näk nyeŋŋe Ödet, ena ci wøk nee røømme ki jø leny mo oduu yi Cameria. 'Ba kanya røømme ki ge, ena köö jïge, ni «Neennu, Wuuö Jwøk Jwø kwäyø agootø ki jø Juuda, ni cïp geni ceŋŋu, ni 'nägu geni ki näk mo raac, këël mana jooti ya Jwøki.

2 Luup Nyeye 36:17

Kiper manøgønø, Wuuö Jwøk nyeya mar jø Kaldia ma Nabukedenecör atïŋ maal bäät jø Juuda, ni ŋøør obwöre moge moa näk wøpe ko opëëlle këël mana këët baŋ moa en yi Øt Jwøk marge na en kur keere; ni cwïnye ba pädhi kiper dhaanhø, nee ena nyilaar dïcwøø wala ena nyakøø, nee ena dhaanhø mo onø jalø wala tuu; 'ba gena cïp Wuuö Jwøki bëët cer nyeny Kaldia.

2 Luup Nyeye 36:20

'Ba jiy bëët moa bøth ki thøø dho opëëllö amak nyenynyøgø ki tøŋ ni kïth ge Babiløn, ni putge bëëte ni gena laaŋe mo nyenynyøgø ki wääte këël kanya täk buc nyeci mar jø Parca.

Edhera 5:12

'Ba kiper mana ö kwäcwa na tïïcge Jwø maal nee goote, eni gena cïp cer Nabukedenecör nyeny Babiløn nyï Kaldia. Køøre Nabukedenecör Øt Jwøk man araanynye ni kïth jiy Babiløn.

Aydheea 10:6

Aciria jääŋŋa jääŋŋö baŋ wï jur mana kwier Jwøk, ni köömma gø nee ci baŋ jiy moa tïïc aani naa wëëra ki ge, nee japge twier ni käli, ni thiel ge piny ni nyør geni kaamar odhöönh mar øtjöö.

Aydheea 13:16

Obwöre moge moa therø di gøyø ki ri kïte ni petge ni nëënö jïge; ni ö gïïa en yïth uudi moge ni twieri, ni buudö ki määrge ki teek.

Aydheea 14:17

na tïïc bäät piny ni caala dï paap, na raany päänye mo gø, na wara bëëdö ni ba jïëy ki man wec jiy moa näk ee maa ki tøŋ ki man døøge poge?›

Aydheea 14:6

na wara dïïmge wïth juurre ki gø kanya wara wëërge ni ge dïmö ka adïma mo ba cuŋ; ni beeye athønynya wara dwøkge wïth juurre piny ki gø kanya wara wëërge ni ge caara jiy ki caarø mo ba cuŋ.

Aydheea 43:28

Kiper manøgønø, dïlämme moa kwörge døøŋŋø mo wø tïïö kanya en kur keere, otïïa nee bëëtge ni ba waany. Nyïïkwaac Jeekap ocïba nee ge 'näk, ni tïïa geni na jø Icriel nee ge jøøŋŋi.»

Jeremaya 50:42

'Ba ceŋge da athëëre ki tøøŋi. Gena jiy mo 'näk marge raac døc, ni cwïnyge ba pädhi ki 'näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge ïïni, ï na Babiløn.

Wëël Kïmmö 1:14

«Raay 'moa na peek kaamar jaath puur man wø jøøny ŋut rwaath ee kut piny, ni ee twöö na aciel. Ge bëëdö ni geno pïï ŋuta, ni ö eni ni raany teek dëël mara. Kwäärö Wuuö Jwøk aana cïp ceŋ jiy maa a ba løny ki cuŋŋö nyïmge.

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Wëël Kïmmö 2:2

Kwäärö Wuuö Jwøk kwör bëëte bëët mo jic Jeekap araanynye, ni cwïnye käre warø. Kwör gwøk røk moa no ogeerø ni teek yïth päänye mo jø Juuda anyaa piny ki køør wëër mare. Eni buc nyec marge ki kwääri moge aleeŋ yïth ŋøøm ni pääta geni.

Wëël Kïmmö 4:16

Wuuö Jwøk ki dëëre beeye na keeth geni, ni bäŋ gïn manynye këët kiperge. Dïlämme atïmö ni ba wøør, ni bäŋ ŋat lwäär ki jø døøŋŋø.

Wëël Kïmmö 5:12

Kwääri gena lïër ki ceŋge, ni jø døøŋŋø bëëdö ni ba wøør.

Edhikiel 24:21

ni ‹Caanï jï jø Icriel ni man beeye luumma caan Kwäärö Wuuö Jwøki, ena köö, Ni aani øt lam mara na en kur keere wëëga päät; ni beeye kanya teek ni wø ŋwöu kipere, nou töödö ni yïthu met ki man raŋŋu gø, ni cwïnynyu ee tïïö ni met. Ni ö wäätu ki nyïïu moa wiiu ŋäthu Jerucalem ni 'näk geni ko opëëllö.

Edhikiel 28:16

Ki køør mana tïm jap gath moï ni thööth, cwïnyï atïmö ni päŋ ka ageem, ni tïmï niï bääö. Kiper manøgønø, ïïna wëëga päät, ni käla ïïni wøk ki bäät Kïn Jwøk. Wui, ï na nyïïatwiel ma kirubël ni wø kurö, ïïna wëëga ränynyö yïthakic kïte moa näk caala maac.

Obadiya 1:10

Kiper gïna leth na tïïyu dëët nyïïmëëgu ma nyïïkwaac Jeekap, otïmö ni käla lään wïc bäätu, ni raany uuni na bäre bäre.

Obadiya 1:16

Kaawat mana bëëdu nou mädhö jaak bäät kïnna na en kur keere, wïth juurre bëët thuwø geno bëëdö ni ge mädhö jaak. Geno mädhö ni bøømge, ni tïmge kaamar gïn mo bäŋgø na bäre bäre.

Dhekaraya 1:12

Køøre nyïïatwiel maal mar Wuuö Jwøk aköö, «Wui Wuuö Jwøk, ï na wïth jammi bëët, ?A kany mo nyïëdi noo bëëdï ni bäth ec marï ba nyoothï jï Jerucalem ki päänye mo Juuda na gootï ki geni ki cwiiyi na pïërabïriiø ii?»

Dhekaraya 1:15

'Ba aana gootø døc ki wïth juurre moa näk bëëtö marge jööt, kiper kanya bëëda ni aano gootø ki mo thiinh, ge poot bëëdö ni ge meeta tïï gïï mo reyø.›

Mathiew 7:2

Kiper ŋøl mano ŋøllu, beeye noo ŋøl u wøk ki gø. Ni rumi man wø cïpu, beeye rumi mano duu baŋu.

Tiet Ciik 28:50

na wï jur mo täärnyïmge di lwäärö, mo jø døøŋŋø ba wøørge, ni bäŋ mëër mo nyoothge jï obwöre.

Jeemeth 2:13

Kiper ŋat wø ba køny can dhaanhø mør, wø ŋøla wøk ni bäŋ køny kipere. 'Ba ŋat wø kunyö, bäŋ kany mo ŋøli wøk ki gø.