Aydheea 47:5 - Wëël Jwøk

⁵ «Wui, ï na Babiløn na caal nyakøø, pï piny ni niïkïïl, ni ciï yi muudhö, kiper ï ba cwøl këët ni ïïna cuumi mar buc nyeye.

Aydheea 47:5 Iomraidhean Croise

Aydheea 13:10

'Ba ceer mo maal ki moa näk dëëtge ege cøŋŋø otïmö ni ba cïpi ki tar. Cäŋ otïmö ni cøl kanyo tuule, ni ö dwääyi ni ba cïp tar mare.

Aydheea 14:23

«Aani thuwø, paanøgø tïïa tïïö na kar bëëtö mar thëëwe, ni pïï omägö yie, ni puta gø jwiec ki jwïëc mar aranya.» Manøgø beeye dwør Wuuö Jwøk, eni na wïth jammi bëët.

Aydheea 14:4

uuni, duut mar aŋaada man wärru wärö kiper nyeny Babiløn, ni kööu, «Neennu, ŋata caar jiy apädhö, ni ö dïwïti mare ni ŋøle.

Aydheea 21:9

'Ba ennø, raŋï, jiy mo cäädhi na ariiø ariiø ki bäät okwëënyi mo lääy gena öö; 'ba da dwøl ma akøp, ni ‹Babiløn apädhö! Wui, ena pädhö møn, ni ö kït gïï wø lam na juu moe ni tøyi ni petge yïth ŋøøm!› »

Aydheea 23:2

'Ba u na jø Tayar ki jø Caydan, u na jø gath, ni wø bëëdö bäät naama dwøŋ, kïmmu! Uuna jäägö ki jiy ni ŋølge naama dwøŋ,

Aydheea 47:1

«Wui, ï na Babiløn, päänya caal nyakøø mo dëër dïcwøø poot kuue, dää piny ni pïï piny yi tør. Wui, ï na Babiløn, pï piny yïth ŋøøm jaak ni patha bäät wälu. Kiper ï ba cwøl këët niï mïërö niï jwøny.

Aydheea 47:7

'Ba ï poot köö, ni ‹Aani, a bëëdö ni aana cuumi na bäre bäre.› Gïïögø kärï maar caar, ni gïno duue dëërï kärï lääŋŋö.

Jeremaya 25:10

Aani, dïlweel mar met ec, ki dwør met ec, ki kanynyø mar nywöm, ki dwør leek, ki maac mo liel raanynya raanynyø.

Jeremaya 8:14

'Ba jø paac aköö, na «?Aperŋø ni poodø nøø bëëdö jaak en? Cooŋø røø kanya ciel, nee ø cøø yïth päänye moa no ogeerø ni teek, nøø thumø ki thøø kaace. Kiper Wuuö Jwøk, Jwøk marø, marø anø ŋøl yi thøø, ni eni cïpa pïï mo rege da cïm jïïø nee maadhø, kiper mana bääyø dëëre.

Wëël Kïmmö 1:1

Wui, pääny Jerucalem adööŋ keere nø, eni na bëëdö ni yie päŋ ki jiy! Ena dööŋ keere kaamar cï thøø, eni na bëëdö na pääny mo dwøŋŋa eni dï wïth juurre! Eni na bëëdö ni kare dwøŋ dï mïëri, ena tïmö na laŋ tïïc!

Wëël Kïmmö 2:10

Jäle mo Dhayan gena pï piny yïth ŋøøm jaak ni geno nikïïl. Geni bur ajørge wïthge, ni røøge keece dëëtge na abïïe. Nyïïakuue mo Jerucalem ge bëëdö ni cøŋge ege këël piny ni wïthge ege këël yïth ŋøøm.

Abakuk 2:20

'Ba Wuuö Jwøk bëëdö yi øt lam mare na en kur keere; beerra man ö pinynyi bäre ni neebäc nyïme.»

Dhekaraya 2:13

Wui u na jiy bëët, noukïïl nyïm Wuuö Jwøk, kiper ena nø ö maal ki kar bëëtö mare na en kur keere.»

Juut 1:13

Ni ge caala athak naama dwøŋ mo reyø døc, ni lään wïc marge oö maal kaamar bööyö mo athage moøgø. Ni ge caala ceer mo wïïrö, jøøa näk kany mo cøl døc ojiiŋŋø kiperge këël na bäre bäre.

Mana Nyooth 17:18

'Ba dhaaŋŋøgø na jootï enø beeye paana dwøŋ na näk ocuumö wïth nyec piny.»

Mana Nyooth 18:7

Ni caannï eni ni wëëgï gø kïmmö, ni röömi ka ajieme na jiem dëëre keere ni eno røm piny. Kiper eni wø köö ki cwïnye, na ‹A bëëdö ni aana gwanynyø, naa patha cï thøø, ni kïmmö ba jooda bäre bäre.›

1 Camiel 2:9

Eni jøøa näk bëëtge beyø, na näk moe, di gwøø, 'ba jø raay bëëdö ni geno nikïïl jaak yi muudhö; kiper teek mar dhaanhø keere bäŋ gïn kønye.