Aydheea 47:11 - Wëël Jwøk

¹¹ 'Ba gïï mo reyø otägi dëërï, ni tïme ni ba løny jïrï ki man kälï riï wøk ki køør jap ajuuk; ni ö gïï mo leth ni päthge bäätï, ni tïme ni ba løny ki man paanyï ge, ni ö ränynyö mo kanya käl yie kuyï ni ö bäätï ni cwöba riï.

Aydheea 47:11 Iomraidhean Croise

Neemiya 4:11

'Ba nyïïmän mowa, gïna näk mo ege caanø beeye en, gena köö, ni «Geni, kanyø poode ni poot kucge, ni ø ba nëëni jïge, ø cøø këël kanyø dønynyø dïge ni nääø geni, nee tïïc marge cuŋŋe.»

Pwöc Leec Wïc 13:21

Gïï mo reyø wø løpa køør jø raay, 'ba jøøa marge beer wø di cunnö ki gïï mo beyø.

Aydheea 13:6

«Gööu ko oduuru, kiper cäŋ mar Wuuö Jwøk kare acäännö. Cäŋögø öö na cäŋ aranya ni käla baŋ Jwøa en teeki jïre.

Aydheea 29:5

Nyïïmän moï na thööth ge twäät kaamar tør, ni ö jøøa no ogäy ni tïmge kaamar lethø mo okøøl jamø. 'Ba gïnögø otägi dëëtge ni cwöba røkge.

Aydheea 30:13

raay moøgø duua bäätu, kaawat man wø muk kiirri mo bäär, ni päth piny na thäŋi yie aciel.

Aydheea 37:36

Køøre nyïïatwiel maal mar Wuuö Jwøk aci twïër mar jø Aciria, ni 'näk jiy ma kume ma dïpa aciel ki pïërabära kurbïïc. 'Ba na päc jiyi ka amöölla cøøn, ka adïëri møn, jiy bëët aputge joot no othøw.

Aydheea 45:7

Bee a na tïïc tar na tïïc muudhö, ni bee a ni wø känni ki bëëtö mo beer, ni wø wëëk bëëtö mo raac tägö, bee aani na Wuuö Jwøk ni wø tïïc gïïögø bëët.

Aydheea 47:9

'Ba gïïögø na ariiø yøø puta tägö dëërï ni cwöba rïï ki dïcäŋ aciel keere. Obwöre moï thøw, ni dööŋï ni ïïna cï thøø. Gïïögø bëët tägö dëërï na kare kiree, këël na bëëdï ni jïrï da jap ajuuk mo thööth, ki teek mo dwøŋ man wø tïïyï ki køør thïëth marï.

Aydheea 48:8

'Ba gïïögø käru wïnynyö, ni tietge kuyu. Ki kany mo bäär cøøn, ïthu poot kär jäpö, kiper ŋääa møn nou doo tïïö ki riek waŋ mo raac døc. Uuni, u ŋäc ki man näk mo uuna jø ageem ki mana nywöl uuni.

Aydheea 57:1

Dhaanhø mo beer thøw ni bäŋ ŋat mo kwany tier thøø mare. Jiy mo bëëtge beyø di kälö ni bäŋ ŋat mo kwany tier gø ki man näk mo ge käl kaper nee ge pääge ki raay.

Jeremaya 51:29

Piny otïmö ni kwanynyi ni jäŋŋi, kiper Wuuö Jwøk, gïna näk ee caarø ni tïïe tïïö dëër Babiløn bëëdö kare, ni beeye ki man raany ŋööm Babiløn, nee bäŋe jiy mo bëëdö yie.

Jeremaya 51:43

Päänye moe otïmö ni cwïny jiy böö ki gïno tägi dëëtge, ni tïm ŋöömö mare na paap ma tëën, na ŋöömö mo bäŋ ŋat mo bëëdö yie, na kany mo bäŋ dhaanhø mo cør yie.

Jeremaya 51:8

Ki nyi kany mo thiinh, Babiløn opädhi ni ränynye; uuni, uuno jwöŋu kipere! Ni kännu ki jaath kiper ŋwiili moe; kanymør ŋwiili moe caŋŋø.

Wëël Kïmmö 1:21

«Jiy awïnyge naa cooyø, 'ba bäŋ ŋat moo cøm cwïnya. Nyïïmän 'moa bëët gïr gïïa leth na jwøra awïnyge, ni kanyge kiper mana tïïyï gø. Wui, beerra man kälï cäŋ gïïa leth na näk iï caanø, nee ge tïmge kaamar mara.

Edhikiel 7:26

Jammi mo leth otägi ni rege döötge döötö, ki waae mo ööi ni rege lwöbö, ni ö geni ni manyge luup mo wø nyooth ki baŋ nyikuk Jwøk; 'ba otïmö ni bäŋ ciik ki baŋ dïlämme, ni bäŋe pwöc ki baŋ jø døøŋŋø.

Mathiew 18:34

Ni ö nyeya ni cïp gø ceŋ jø wø töö, nee twöc, këël mano cool jammi bëët moa en bääte.

Luk 12:59

Aani, a cäänna ïïni, niï bäŋ doo ööa wøk na bäre bäre këël mano coolï mïlïïn mana näk odööŋ.»

Luk 17:27

Kiper jøøka na bëëtge, ge cämö, ni ge mädhö, ni ge nyöömö, ni wëëkge nyïïge nywøm, këël dïcäŋa ö Nöa na døny yi jääy, ni ö jwïëe ni dïïr wïthge bëët.

1 Thecalönika 5:3

Kanyo kö jiyi ni «Kawaane nuta bëët-mëër ni bäŋ thøø këët,» kanyøgø beeye kanyo ö thøøe noo neelïm bäätge kaamar dhaagø mo yie da dhaanhø mo ogøøc mäc lwaarri, ni bäŋ ŋat mo bøth.

Mana Nyooth 3:3

Caar wïïï nø, ki gïna wëëk ïïni na wïnynyï. Gwøgï, ni løgï cwïnyï. 'Ba ni näk ï ba päy, a öö kaawat man wø ö kuuwi, ni kuyï caanno ööa baŋï yie.