Aydheea 47:10 - Wëël Jwøk

¹⁰ Ïïna bëëdö ni ïïno göök ri gïïa reyø ni wø tïïyï, ni kööï, ni ‹Bäŋ ŋat maa di joodø.› Leec wïc marï ki kwänynyö marï, ïïna tïïcge niï gaaï wøk. Kiper ïïna nø köö ki yi cwïnyï, ni ‹Bee aani keera, ni bäŋ ŋat mør këët mo kaala aani.›

Aydheea 47:10 Iomraidhean Croise

Luup Dïpööy 8:8

Bäŋ dhaanhø mo jïre da teek bäät jamø ki man jook gø, ni bäŋ dhaanhø mo løny jïre ki man män ree ki thøø dïcäŋ thøø mare. Ni bäŋ ŋat leny mo wec kwääy lenynyi nee aae jaak kany wø näk ri leny, ni gïn mo leth ba kääŋi ki man täge dëët jø wø tïïc gïï mo reyø.

Aydheea 28:15

Kiper uuna köö, ni «Waana nø tudö ki luubö ki thøø, nee wa ba gude, ni nø tutwa ki luubö ki kar bëët jwïëc jøøa no othøw, nee wa ba ciwa yie; këël jwïïö man wø räänyö ocur bäätwa, wa ba gude. Kiper tööt ewa nø tïïc ni beeye gïn gwøk waani, ni nø tïïcwa gø ni beeye kany kanwa dëëtwa yie.»

Aydheea 29:15

Otïmö ni leth jï jø wø kaan jïëth tïïe moge ki Wuuö Jwøk, ni beege jø wø tïïc tïïe moge yi muudhö, ni wø köö, na «?Aŋa noo joot øøni?» wala «?Aŋa noo ŋäc øøni?»

Aydheea 44:20

Teeŋ ŋatøgø tïmö ni cama bur, ni bee cwïny man wø cøøk dhaanhø na tïïc eni nee gaa wøk. Ni ba løny jïre ki man piem dëëre, ni dëëre ba pëënynye, na «?Aŋø, man paa tööt ni cer cwïïa en?»

Aydheea 47:8

«'Ba ennø, wïny mara, ï ni wø mëër ki jammi mo dëël, ï ni wø bëëdö ni ba lwäär ki gïn mo raac. Ï wø cäänö ki cwïnyï ni kööï, ni ‹Bee aani keera, ni bäŋ ŋat mør këët mo kaala aani. Aani, a ba tïmö ni aana cï thøø, ni bäŋ gïn mo tägi dëët obwöre 'moa.›

Aydheea 5:21

Otïmö ni leth jï jø wø köö ni leerra wïthge keerge, ni wø car riek waŋ marge keerge.

Aydheea 59:4

Bäŋ ŋat mo caath køør ŋøl luup ma kare, ni bäŋ ŋat mo cäänö ka adïëri kar ŋøl luup. Uuna tïmö nou ŋäätha luup mo bäŋ tietge, nou cara luup tööt. Ni ö gïïa reyø na tïïyu ni tïme ni ena yïthu kaamar dhaanhø mo ena ec, ni puti nywøl na gïn mo raac.

Jeremaya 23:24

?Aŋø, løny jï dhaanhø ki man kan ree kwör mo kuc, nee eni ba jooda, a na Wuuö Jwøk? ?Aŋø, a na Wuuö Jwøk, maal ki piny patha yaa pääŋö bäre?

Jeremaya 9:23

Mana caan Wuuö Jwøki beeye en, ena köö, ni «Ŋat mo wïïe leer kär töödö kiper leec wïc mare, ni ŋat mo oteeø kär töödö kiper teek mare, ni ŋat mo okwär kär töödö kiper kwär mare;

Edhikiel 8:12

Kanyøgø Wuuö Jwøk aköö jïra, ni «?Wär dhaanhø, gïn ni tïïc jø døøk dhi øt Icriel yi muudhö en, ni ŋati man nø ena øt kït gïï wø lame, nëënö jïrï? Kiper gena köö, ni ‹Wuuö Jwøk wa ba nëëni jïre; Wuuö Jwøk ŋöömö marwa awiie.› »

Edhikiel 9:9

Køøre aløøe jïra ni kööe, ni «Raay atïmö ni thööth døc kiree dhi øt Icriel ki dhi øt Juuda, ni ŋøøm päŋ ki rem jiy, ni ö dï päänynyi ni pääŋe ki gïï mo reyø; ni ge köö, ni ‹Wuuö Jwøk ŋøøm awiie, ni eni ba nëënö thuwø!›

Daniel 4:27

Kiper manøgønø, ï na nyeya en, beerra man tïm gïno caana en ni yiï met ki gø. Ïïni wec gïïa bayï, ni bëëdï niï tïïya gïn mo beer, ni weyï raay moï, ni bëëdï niï nyootha køny jï jøøa no ocaarø. Kanymør ni kwärö marï løny ki man ruue.»

Jepaniya 2:15

Manøgø beeye gïno tägi dëër pääny mo ogwøø ni teek, mo töödö ni cäänö ki cwïnye, ni «Bee aani keera, ni bäŋ pääny mo kaal aani këët.» Raŋŋu ränynyö mano ränynye ki gø mø, Tïmö na kar rïïö jï lääy! Jiy bëët moo pöödhi ki deŋŋe, obuuge, ni ŋeethge bäät gø, ni gwaŋge gø.

Wëëlö Mana Göör Pøølli Baŋ Jø Röm 1:22

'Ba na köge ni wïthge leer, gena tïmö na bøøre,

1 Körin 3:19

Kiper leec wïc mar pinyi en beeye gïr bøøl ki jï Jwøk. Kiper ogöörö, ni «Eni jø wø ŋääth leec wïc marge keerge wø wëëge mak ka abïëp riek waŋ marge.»