Aydheea 47:1 - Wëël Jwøk

¹ «Wui, ï na Babiløn, päänya caal nyakøø mo dëër dïcwøø poot kuue, dää piny ni pïï piny yi tør. Wui, ï na Babiløn, pï piny yïth ŋøøm jaak ni patha bäät wälu. Kiper ï ba cwøl këët niï mïërö niï jwøny.

Aydheea 47:1 Iomraidhean Croise

Jööp 2:13

Køøre gena put pï piny yïth ŋøøm ki eni ciel ki nïne abïriiø ki wärre abïriiø. 'Ba bäŋ dhaanhø aciel dëëtge mo dhee ee tuuö ki eni, kiper bëëtö mana jootge na leth na en yie.

Jööp 2:8

Køøre Jööp alwötö ka abat nee dëëre gøønynye ki gø, ni eno pï piny yi bur.

Aydheea 13:1

'Ba luubö mana nyooth Wuuö Jwøki na joot Aydheea wär Amöth kiper Babiløn bee en:

Aydheea 13:13

Kiper manøgønø, maal bäre tïïa tïïö ni jäŋŋi, ni ö pinynyi ni tïme ni kwanynyi, kanyo ö wëërri mara, a na Wuuö Jwøk na näk wïth jammi bëët, ni beeye dïcäŋo ö wëërri mara noo liele kaamar maac.

Aydheea 14:1

'Ba Wuuö Jwøk cwïnye pädhö ki gïr dhi øt Jeekap, ni cäŋ jø Icriel jierrø, ni tïïc ge nee pïge piny yi ŋöömö marge, ni ö jøøa pathi ni dwätge ki geni ni kuurge dëëtge dhi øt Jeekap.

Aydheea 21:1

'Ba luumma nyooth Wuuö Jwøki kiper paaba näk tëën na en buut naama dwøŋ bee en: Kaawat man wø ö atuunna wø jwiec paana en jï løø tier-piny, da gïn mo räänyö mo öö ki dï paaba näk tëën, ni beeye yi ŋöömma näk di lwäärö.

Aydheea 23:12

Ni kööe, ni «Wui, jø Caydan, uuna thiel piny; yïthu ba mïnni këët. Ööu maal ni bwøgu løøga Caypara; 'ba këël noo pïïyu yie thuwø, u ba jïti ki jwöm.»

Aydheea 26:5

Kiper eni jø wø bëëdö ni rege ege tïŋ maal dwøge piny, ni raany pääny marge na näk ogeerø ni teek. Pääny marge raanynye raanynyø møn, ni put tïmö na tør,

Aydheea 3:26

Dhøk kiir mo Dhayan ge göö ko oduuru ni kïmge, ni ö Dhayan ni pï piny yïth ŋøøm jaak ni eno dööŋ keere.

Aydheea 37:22

dwøl mana caan Wuuö Jwøki kiper nyeny Aciria beeye en, ena köö, «ni ‹Dhayan, ni beeye Jerucalem, na caal nyakøø mo dëër dïcwøø poot kuue, ïïna taae ni päät ïïni, ï na nyeny Aciria, ni keny wïïe ni buua ïïni kanya reŋï.

Aydheea 52:2

Wui ï na Jerucalem, ï na näk omaa ki tøŋ, teeŋ tør wøk dëërï nø, ni ööï maal! Wui ï na Dhayan na caal nyakøø, ï na näk omaa ki tøŋ, pät oguudi wøk nø moa no otwöö cwaagï.

Jeremaya 13:18

'Ba Wuuö Jwøk aköö jïra, ni «Kööï jï nyeya ki menni ma gwanynyø, ni ‹Weyu wälu ni tïmu ni uuna jiy mo ena piny, kiper adun ajiem maru akäl wøk wïthu.›

Jeremaya 46:11

«Wui, u na jø Ijep ni wø caal nyakøø mo dëër dïcwøø poot kuue, cou yi ŋööm Gelät ni lwötu ki jaath man wø rwøth ŋwellø ki gø. Jenni mo thööth apääru ki jaak, 'ba bäŋ køny mo jootu.

Jeremaya 48:18

«Wui, u ni wø bëëdö Dibön, u ööa wøk ki kwör ajiem mou, ni bëëdu yi ŋöömö mo lïëth mo yie da riew. Kiper jøw raany pou ma Möap ööa kuna tukge uuni, ni raanyge kwör gwøk røk mou moa näk ogeerø ni teek.

Jeremaya 50:1

'Ba man beeye dwøl mana caan Wuuö Jwøki ki dhi nyikuŋ Jwøk ma Jeremaya kiper Babiløn, ni beeye ŋööm jø Kaldia, ena köö,

Jeremaya 50:42

'Ba ceŋge da athëëre ki tøøŋi. Gena jiy mo 'näk marge raac døc, ni cwïnyge ba pädhi ki 'näk dhaanhø, ni döötge lwör ni caala pï naama dwøŋ. Ge cäädhi ka bäät okwëënyi, ni dëëtge ege täärö kiper leny, ni ge ööa kuna tukge ïïni, ï na Babiløn.

Jeremaya 51:1

'Ba man beeye luumma caan Wuuö Jwøki, ena köö, ni «Ka adïëri møn, aani, jø wø räänyö yïthge otheŋa, ni öge kaamar atuunna ni raanyge Babiløn, po jø Kaldia.

Jeremaya 51:33

Kiper luumma caan Wuuö Jwøki, Jwø Icriel, eni na wïth jammi bëët, beeye en: Babiløn otïmö kaamar laara moo puuö; ki kany mo thiinh, eno kaa piny kaamar beel.»

Jeremaya 51:51

«U wø köö, ni ‹Wïthwa alääö kiper ajøøŋ man wø wïnywa, ni tïm nyeŋwa ni law, kiper jiy mo path adøny kwöra en kur keerge yi Øt Wuuö Jwøk.›

Wëël Kïmmö 2:10

Jäle mo Dhayan gena pï piny yïth ŋøøm jaak ni geno nikïïl. Geni bur ajørge wïthge, ni røøge keece dëëtge na abïïe. Nyïïakuue mo Jerucalem ge bëëdö ni cøŋge ege këël piny ni wïthge ege këël yïth ŋøøm.

Wëël Kïmmö 2:21

Obwöre ki jäle, ge bëëdö ni geno päänhnhö yïth ŋøøm nyeŋ jïëthe ni geno thøw, ni ö nyïïakuue ki wøpe ni nääi ko opëëllö. Ïïni, gena 'nägï yi cäŋ mar wëër marï, ni 'nägï geni ni cwïnyï kärï warø.

Wëël Kïmmö 4:5

Jiy moa wara cam caammi moa beyø, gena näk käci nyeŋ jïëthe, ni ö jøøa piith yi käär abïïe mo beyø ni tïmge ni ge bëëdö wïthur.

Edhikiel 26:16

Køøre kwääri moa en bäät naama dwøŋ geno ö piny ki bäät wäle moge, ni kälge abïïk kwär moge wøk, ni ö abïïe moge moa no okwøø ni mïërö ni göönyge ge wøk. Ni ö lwärri ni boony geni kaamar abïï, ni pïge piny yïth ŋøøm, ni bëëtge ni dëëtge kwanynyi ni yïthge othäŋŋö ki gïna tägö dëërï.

Edhikiel 28:17

Ïïna tïmö niï töödö ki cwïnyï ki køør mïërö marï, ni wëëgï leec wïc marï ränynyö ki køør beer marï. Kiper manøgønø, ïïna leeŋa piny yïth ŋøøm; ni wëëga ïïni cïp nyïm nyeye niï raŋge.

Joona 3:6

'Ba kanya ö dwølli na pïïe baŋ nyeny Nineba, ena put ö maal ki bäät wälu mare ni gööny abïïne wøk ni røø keeca dëëre na abïï ni pï yi bur.

Agëë 2:22

Ni ö wäle mo buc nyeye mo wïth juurre ni jaalla ge, ni raanynya teek marge. Ni raanynya jïëth okwëënyi mo leny, ki jø wø kiiw geni. Ni ö okwëëc leny ki jø wø kiiw ge ni päänhge. Ni ö ŋati man nø ni nägi yo opëëllö mar wati.›

Dhekaraya 2:7

Wui, jø Dhayan! U ni wø bëëdö yi Babiløn, pänynyu wøk!»

Mana Nyooth 18:7

Ni caannï eni ni wëëgï gø kïmmö, ni röömi ka ajieme na jiem dëëre keere ni eno røm piny. Kiper eni wø köö ki cwïnye, na ‹A bëëdö ni aana gwanynyø, naa patha cï thøø, ni kïmmö ba jooda bäre bäre.›