Aydheea 46:9 - Wëël Jwøk

⁹ Parru wïthu ki gïïa no opöödhö na kwøŋ tägö cøøn, kiper bee aani na Jwøk, ni bäŋ Jwøk mør këët. Aana Jwøk, ni bäŋ Jwøk mør këët mo caala aani.

Aydheea 46:9 Iomraidhean Croise

Jööp 10:13

« ‹'Ba gïïögø beege gïïa näk iï kan cwïnyï, ni ŋääa ni beege gïïa caarï kipera.

Bwøth Wøk 15:11

«Wui Wuuö Jwøk, ?aŋa ni pääri ki ïïni dï juu bëët? ?Aŋa ni pääri ki ïïni na dwøŋ, ni bëëtö mare ena kur keere? ?Aŋø, paa ï na Jwøk keerï na doo lwäärö kiper ajiem marï ki gïï wø rëëm ec ni wø tïïyï?

Bwøth Wøk 8:10

Ni kö Peerø, ni «Kwac Wuuö Jwøk jïra diøø.» Ni kö Modhe, ni «Beerra man tïme kaawat mana caanï enøgø, kiper nee putï ŋäc møn ni bäŋ jwøk mo caala Wuuö Jwøk na näk Jwøwa.

Bwøth Wøk 9:14

Kiper yie man ennø, gïï mo leth mo käla baŋa jääŋŋa jääŋŋö bäätï, ki jø kööre moï, ki jiyï bëët, kiper nee ŋäyï ni bäŋ jwøk mo caala aani bäät piny bäre.

Aydheea 41:26

?Aŋa na cäänö kiper gïn ki mana täge dïkwøŋ, kiper nee ŋäcwa, wala caana gø ki mana täge ya acääŋŋe, nee wa köwa, ni ‹Mare beeye adïëri›? Ka adïëri møn, bäŋ ŋat mo ocaan gø, ni bäŋ ŋat mo okøp gø wala ŋat mo owïny luup mou.

Aydheea 41:27

Bee a na kwøŋ Dhayan na näk Jerucalem cäännö dïkwøŋ, ni kööa, ni ‹Neenï, gïïo tägi beege ii,› ni jääga baŋe ki dhaanhø mo køp luubö mo nyään mo met.

Aydheea 42:9

Ka adïëri møn, jammi moa caana dïkwøŋ anø tägö; 'ba ennø, u cäänna cäännö ki jammi møøk mo nyärö. 'Ba kanyo pootge ni kär tägö, caana caanø jïïu.»

Aydheea 43:10

'Ba Wuuö Jwøk aköö, ni «Uuni, uuna jiya moa ŋäc tier gïnögø ni wø caan gø. Ni bee u na jiya moa näk yaa nø jier, ki man ŋäyu aani ni ŋääthu aani, ki man kwanynyu tiere ni bee aani na eni. Bäŋ Jwøk mør mo onut dïkwøŋ, ni bäŋ gø këët mo öö køøra.

Aydheea 45:14

Man beeye dwør Wuuö Jwøk, ena köö, ni «Jap kwärö mo jø Ijep, ki gïïa perge leth mo jø Kuuc, otïmö na moï, ni ö jø Caaba moøgø ni bäyö yøø ni öge baŋï. Geno cäädhi køørï ni geno twöö ki tiimme, ni këëlge cøŋge piny nyïmï; ni cäänge ni köge, ni ‹Ka adïëri møn, Jwøk bëëdö ka ïïni, ni bäŋ Jwøk mør këët ni näk mo paa eni.› »

Aydheea 45:18

'Ba man beeye dwør Wuuö Jwøk, na cwääc maal, ni bee eni na Jwøk na cwääc piny na tïïc gø. Eni, piny akëël piny, ni käre cwääö nee bëëde ni ŋaam jaak, 'ba acwääe kiper nee beet. Ena köö, ni «Bee aani na Wuuö Jwøk, ni bäŋ jwøk mør këët.

Aydheea 46:5

«?Aŋa nø ni pääru a ki gø, naa tïïyu naa röömi ki eni? ?Aŋa ni tïïyu aani naa röömi ki gø nou päära aani ki eni?

Aydheea 48:3

Aani, ki kany mo bäär cøøn, jammi moa tägö bëët ni poot ena nyïm, akøba. Gena cur wøk ki dhaa, ni tïïa geni nee ŋäc jiyi. Køøre gïïögø atïïa ni putge tägö ni cwöba røk.

Aydheea 65:17

«Adïëri møn, aani, a cwääö ki maal mo nyään ki piny mo nyään, 'ba gïïa no opöödhö dïkwøŋ, wïc ba par ki geni këët, ni ge ba duu ya acaara këët.

Jeremaya 49:19

Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 50:44

«Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 6:16

Luumma caan Wuuö Jwøki jï jiye beeye en, ena köö, ni «Cuŋŋu ya agääk jïëthe, ni raŋŋu gø døøc, ni pëënynyu uutjïëtha cääŋŋe, man näk mo jööra beer a mane, ni putu wääth ki yie; køøre uuno jïti ki jwömö ki yïth cwïnynyu. 'Ba uuna köö, ni ‹Jïwa bäyö, wa ba cäädhi ki yie.› »

Jool 2:27

Kanyøgø putu ka ŋäc naa ena dïïu, u jø Icriel, ni aana Wuuö Jwøk, Jwøk maru, ni bäŋ mør këët, ni u na jiya, wïthu ba lääy këët.

1 Körin 8:6

ki jïïø, beeye Jwøk aciel keere, na näk Wuuö, eni na ö jammi bëët ki baŋe, ni beeye eni ni bëënnø en, ki kwäärö aciel ma Jecu Krictø, ŋata ö jammi bëët ki køøre, ni poot na eni ni tïmø ni ø nut en ki køøre.

Tiet Ciik 32:7

«Parru wïthu ki nïne mo acääŋŋe, ni caarru wïthu ki cwiiri moa beet beenhnhe mou bëët. Pëënynyu wëëgu, nee caange jïïu; ni pëënynyu jäle mou thuwø, nee caange jïïu.

Tiet Ciik 33:26

Ni kö Modhe, ni «Bäŋ Jwøk mo caala Jwø Jecurun, ni wø mëëre ki geni. eni öö ki maal ni öö kuna køny geni, ni cäädhi ki yïth pøøl ka ajiem mare.