Aydheea 46:7 - Wëël Jwøk

⁷ Geni, gïnögø wø jiege göökge, ni käärge gø; ni cïpge gø kare ni put bëëtö ni cuŋŋö kare kanya en yie. Eni dëëre ba tuue kare kaace. Këël dhaanhø doo jwöga baŋe, bäŋ gïn løøe, ni ba løny ki man piem ŋatøgø cer gïna leth na näk ee jwørø.

Aydheea 46:7 Iomraidhean Croise

1 Nyeye 18:26

Køøre, geni rwaath mana no ocïbö jïge alwørge ni jiiŋge gø; ni kwaacge Baal ki mana täge ka amöölla këël mana këët dhöör, ni ge köö, «Wui Baal, løk kwac marwa.» 'Ba bäŋ dwøl mo owïnyö ni bäŋ gïn mo oløø jïge. 'Ba ge bëëdö ni ge miel deŋ gïn wø cïp olämme bääte mana tïïcge.

1 Nyeye 18:29

'Ba kanya tïme ni kur dhöör opöödhö, gena göö ko oduuru këël mana këët abøøya yi caan wø cïp olämi yie mar abøøya; 'ba bäŋ dwøl mo owïnyö, ni bäŋ gïn mo oløø jïge, ni bäŋe ŋat mo ïthe ee ciiø ki gïrge.

1 Nyeye 18:40

Kanyøgø Ilaaja aköö jïge, ni «Magu nyïïkuk Baal. Kär dee gø mo weyu nee päär wøk.» Køøre gena makge. Ni ö Ilaaja ni käl geni bäät waŋ Naam Kicön, ni 'näk geni kaace.

Aydheea 37:38

'Ba dïcäŋ aciel ni eni lämö øt Nicrøk, jwøk mare, ena put wääde ma Adramëlëk ki wääde ma Carëdher 'näk ko opëëllö; ni ö geni ni reŋge yi ŋööm Ararat. Ni ö wääde ma Ëcaradön ni läw kar gø na nyeya.

Aydheea 40:20

'Ba dhaanhø mo can mo ba løny ki man cïpe ki teeŋ muuy manøgø, jëëtö ki jaath mo teek mo ba laar tøbø, ni määnye ki rëëmmö man tieŋ gø na kït gïn wø lam ni cwöth gø piny ni teek nee ba pädhe.

Aydheea 41:28

Aana rääŋö, 'ba bäŋ aciel mo jaal dhee. Bäŋ aciel dï juu moøgø mo cïpi ka acaara, ni bäŋ aciel mo oløk pïëc jïra kany wø pëënynya geni.

Aydheea 41:29

Ka adïëri møn, ge patha adïëri, ge bëët, ni tïïe moge bäŋ tietge, ni kïtge moa no otïïö bäŋ tietge, 'ba ge caala jamø jaak.»

Aydheea 41:7

'Ba rëëmmö cwïny ŋat wø leeny warkey ocøme, ni ö ŋat wø den nywïëny ki guduum nee tïmge ni pøøth ni cøm cwïny ŋat thääth, ni ge köö jï ŋat wø kup nywïëny, ni ‹Tïïc marï beer;› ni ö ŋat gur ni put kït gïn wø lam cwöth piny ni teek, ni gur gø ki mucumääre nee ba pädhe.

Aydheea 44:12

Rëëmmö man wø thädhö ki nywïëny, nywïënyö wø di thäädhö ni tïïe ka maac, ni thääth gø ki nyööl na kït gïn wø lam, ni tïïe ka cere na teek. 'Ba eni thuwø wø näk käci nääö ni tïm dëëre ni jääk; ni nägi ya riewi kiper mana käre mäthö ki pïï.

Aydheea 45:20

«Dwallu rou na aciel ni ööu! Nyänhnhu kany mo cään na aciel, u na wïth juurre moa no obøth. Jiy mo wø käär jenni na juu mo wø lam, ni wø lam juu moøgø ni ba kunyö yøø, bäŋ gïn mo ŋäcge.

Aydheea 46:1

Jwøa cwøl ni Bël cøŋŋe akëël piny, ni ö jwøa cwøl ni Nebø ni dwøk kööre piny. Kïtge moa no otieŋø akïth bäät dhäk ki lääc paac møøk, ni tïmge na tëër mo peek døc, ni duunne ki öölö mo dwøŋ bäätge.

Aydheea 47:15

'Ba teeŋ gïnögø bee gïno tïïcge kiperï, ge na tïïï ki geni na öölï, ni marï gath ki geni ki mana tägï ki thïnhö. ŋati man nø dëëtge aay ni thääyö ki jööre keere. Ni tïme ni bäŋ aciel dëëtge mo piema ïïni.

Jeremaya 10:5

Juu moge beege jenni mo otieŋø ni goori, ni ge ba løny ki luubö. Ge di käärö, kiper ge ba løny ki wääth. Käru lwäyö ki geni, kiper ba løny jïge ki man tïïcge gïn mo raac dëëtu, ni ba løny jïge ki man tïïcge gïn mo beer.»

Jeremaya 11:12

Køøre geni ni wø bëëdö Jerucalem ki yïth päänye mo Juuda bëët, geno cii ni jwöŋge dëët juuga path ni wø wääŋge jïge ki gïn wø jïye ŋwääi ni met; 'ba ka adïëri møn, ge ba piem juugögø kanyo enge yïth gïï mo leth.

Jeremaya 2:28

?'Ba u na jø Juuda, age juu mou moa tïïyu kiper dëëtu? Beerra man öge maal, ni näk mo løny jïge ki man piemge uuni kany wø enu yïth gïï mo leth; kiper juu mou thööth ni röömi ki kwään päänye mou.

Daniel 3:1

Nyeya ma Nabukedenecör atïïö ki gïn ma kït gïrpiny mar warkey mo bäye beeye gööye ma pïërabïciel, ni bär mar deŋŋe beeye gööye abïciel; ni cwöth gø piny yi pwöl Dura yi ŋööm jø Babiløn.

Joona 1:5

Køøre jø tïïc mo baabuur alwäyö døc, ni ö ŋati man nø ni jwöŋe dëër jwøe. Ni leeŋge jammi yi naam moa en yi baabuur, kiper nee baabuur tïme ni jööt kiperge. 'Ba Joona onø ci yi baabuur piny ni nyaaŋ dëëre piny ni put nyeŋŋe gämmö døc.

1 Körin 12:2

Kiper ŋäyu ni kanya bëëdu ni luum Jwøk kuyu, wïthu amaaŋŋi ki uutjïëthe møøk ma teeŋi, ni wøørru gïï wø lam ni wø ba cäänö.

1 Camiel 5:3

'Ba kanya tïme na amöölla cøøn na päny jø Acdöti maal, ka adïëri møn, jwøge ma Dagön aputge joot no opädhö ki bäp yie nyïm acanduk mar Wuuö Jwøk. Kanyøgønø, jwøge ma Dagön atïŋge maal ni dwøkge gø kare na bëëde yie.