Aydheea 46:3 - Wëël Jwøk

³ «Wui, jø dhi øt Jeekap, cegu ïthu ki mara, u na jø dhi øt Icriel moa no odööŋ, u na käära ki mana täge nou ena ec, naa poot bëëdö naa käära uuni ennø ki mana täge ki kanya nywøl uuni;

Aydheea 46:3 Iomraidhean Croise

Bwøth Wøk 19:4

ni ‹Uuni ki dëëtu kiree gïna tïïa dëët jø Ijep ajootu ki nyeŋŋu, na käla uuni wøk ki Ijep, ni gwøa uuni kaa man wø ö odhuuthi wø käär nyaare ki bwöpe, ni käla uuni baŋa.

Aydheea 1:9

'Ba onää Wuuö Jwøk, eni na wïth jammi bëët, bäŋ jiy mo ee wiiø ni kwøw dëëtø, doo na øøno tïmö kaamar Cødam ki Gømöra en.

Aydheea 10:20

'Ba noo tïme na dïcäŋeca, jø Icriel moo dööŋ ni kwøw, na bøth ri dhi øt Jeekap, otïmö ni ge ba göök ri jiy moa thöör geni këët, 'ba ge puta göök ri Wuuö Jwøk, Jwø Icriel na en kur keere na adïëri møn.

Aydheea 10:21

Jiy moo dööŋ ni kwøw oduui møn, ni beege moo dööŋ ri dhi øt Jeekap, ni ge duua baŋ Jwøa teek.

Aydheea 10:22

Wui Icriel, këël na bëët jiyï ni kwäänge caala akwöny naama dwøŋ, mo nøk keerge moo dööŋ ni kwøw dëëtge beege noo duui. 'Ba ränynyö onø cïp piny, no onø ŋøl kiree na kare.

Aydheea 11:11

Dïcäŋeca Wuuö Jwøk cere cäŋe ka tïŋ maal ri rietge ki man duu jiye baŋe moa no odööŋ ni kwøw ya Aciria, ki Ijep, ki thääŋ ŋööm Ijep mana cwøl ni Patröc, ki moa no odööŋ Kuuc, ki Ilam, ki Babiløn, ka Amath, ki deŋ naama dwøŋ.

Aydheea 37:4

'Ba kiper manøgønø, beerra man lämï jï Wuuö Jwøk, Jwøk marï, kiper jiy moa no odööŋ ni kwøw. Kanymør ni Wuuö Jwøk, Jwøk marï, luup bëët moa caan kwääy lwaa leny wïnynye wïnynyö, ni beeye ŋata jääŋ nyeny Aciria nee eni na Jwøa kwøw pääde, ni ö eni na Wuuö Jwøk ni jook luupa wïnynye na car ŋatøgø.› »

Aydheea 4:3

'Ba jiy moo dööŋ yi Dhayan noo bëëdö Jerucalem, ge di cwølø na jiy mo ena kur keerge na mo Jwøk mo nyeŋge ogöör piny kiper kwøw yi Jerucalem.

Aydheea 44:21

«Wui, ï na Jeekap, ni bee yi na Icriel, par wïïï ki gïïögø, kiper ïïna dhaanhnha; ïïna nø cwääa ni ïïna dhaanhnha. Wui, ï na Icriel, wïïa ba wïl ki ïïni.

Aydheea 46:12

«Cegu ïthu ki mara, u ni wïthu teek en, ni karu bäär ka adïëri.

Aydheea 48:1

«Wui, jø dhi øt Jeekap, wïnynyu gïn, u na no ocaaø ri Icriel, na käl ri tuuŋ Juuda, ni wø kööŋ ki nyeŋ Wuuö Jwøk, ni wø cwøl nyeŋ Jwø Icriel, 'ba wø cwøllu ka jöö mo patha adïëri mo ba tiir.

Aydheea 51:1

U ni wø caath køør bëënynyö, ni wø many Wuuö Jwøk, wïnynyu mara. Neennu kïdi mana kälu ree, ni neennu kïdi mana kuuny uuni wøk ki dëëre.

Aydheea 51:7

Wïnynyu mara, u ni wø caath køør bëënynyö, ni bee u jiy mo wø bëët ciiki 'moa cwïnynyu; kär nou lwäyö ki jø wø jøøŋ uuni, ni ba päth cwïnynyu kany wø janyge uuni.

Aydheea 63:9

Ki yïth japa leth bëët na jwørge, Wuuö Jwøk ajwötö thuwø; ni ö nyïïatwiel maal mana en nyïme ni piem geni, ni wïïl geni wøk ki køør mëër mare ki bäth ec mare, ni tïŋ geni maal ni käär ge ki yïth nïne bëët moa pöödhö.

Tiet Ciik 1:31

'Ba kanya enu dï paap kaace, gïna tïïc Wuuö Jwøki na näk Jwøu ajootu, ki mana käär uuni ki kwöra caathu bëët, keda man wø ö dhaanhe wø käär wääde, ni käär uuni këël mana pïïyu kany.›