Aydheea 46:13 - Wëël Jwøk

¹³ Adïëri mara nyïïa kany mo cään, ni kare ba bäär këët. Pïëm man piema jiy ki gø ba ruu. Pïëm man piema jiy ki gø kïtha yi Dhayan, ni nyoodha ajiem mara jï jø Icriel.

Aydheea 46:13 Iomraidhean Croise

Dut Pwøc 46:1

Aydheea 12:2

Ka adïëri møn, Wuuö Jwøk beeye na pïëmi mara, naa bëëdö naa ŋäätha gø naa ba lwäyi. Kiper Wuuö Jwøk beeye teek mara, ni bee eni ni wø nyeŋŋe pwøa ki duut, ni tïme na pïëmi mara.»

Aydheea 28:16

Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.

Aydheea 43:7

ni beege jiy bëët moa näk cwøla ri nyeŋŋa, na cwääa kiper ajiem mara, ni beege moa tïïa ki cera kiree.› »

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 45:8

«Wui maalø, beerra man wëëgï bëënynyö ööny piny kaamar køth, ni ö pøølli ni jääŋ bëënynyö manøgø piny, beerra man ö ŋøømmi ni jap ree, ni ö pïëmmi man wø piem jiy ki gø ni tuul wøk ki bëënynyö na aciel, ni døøŋge ni jïtge ki nyïëdi. 'Ba aani, a na Wuuö Jwøk, bee a na cïp gïïögø piny.

Aydheea 51:5

Bëënynyö mara kare cään, ni køny mara cäädhö jöö, ni ö teek bada ni ŋøl luup wïth juurre; ni beege wïth juurre mo wø bëëdö yïth mïëri moa en bäät naama dwøŋ, ni wø neet jïra, ni ge koora teek bada ni cwïnyge da ŋäädhe.

Aydheea 54:17

Bäŋ gïr leny mo di thäädhö kiper ränynyö marï mo thura kare. Jiy bëët moo kïth luup bäätï kar løøk böötï böötö. Manøgø beeye muuy mana cïp jï jic Wuuö Jwøk, ni beeye na tïmö ni bëënynyö marge mana cïba jïge. Luummögø caana aani, a na Wuuö Jwøk.»

Aydheea 56:1

Man beeye luumma caan Wuuö Jwøki, ena köö, ni «Tïïyu ŋøl ma kare, ni tïïyu gïn ma adïëri, kiper pïëm mara man piema jiy ki gø aløny ni öö, ni bëënynyö mara oløny ni kare cään ki man nyoodhi.

Aydheea 60:21

Køøre jiy moï bëët otïmö ni beyø, ni ö geni ni ci ŋöömö jïge na bäre bäre, ni beege gïïa tïïa ki ceŋŋa, na caal jenni mo otøø ni løthge, nee nyeŋŋa jiem rege.

Aydheea 60:9

Ka adïëri møn, wïth juurre mo wø bëëdö yïth mïëri moa en bäät naama dwøŋ, jïra oneetge, ni ö baabuure mo Tarcëc ni kwøŋge pïï, ni ge käla wäätï ki kanya bäär, ni wäätï gwet-bïrö moge ki warkie moge käärge käärö, ni ge ööa kuna wøørge Wuuö Jwøk, Jwøk marï, ni beeye Jwø Icriel na en kur keere; kiper eni ajiem mo dwøŋ acïbe jïrï.

Aydheea 61:11

Kaa teeŋ man wø ö pinynyi wø wëëk jammi tuuö, ni ö ajïniina ni wëëk köödhi moa piith yie tuuö, Wuuö Jwøk bëënynyö ki pwøc wëëge tuuö nyïm wïth juurre.

Aydheea 61:3

nee jøøa näk cwïnyge opädhö na en yi Dhayan, nee ge ŋada ka aduda mar ajiem na kar mana bëëtge yi bur, ki met ec na kar kïmmö, ki pwøc na kar pänh cwïny. 'Ba ki køør bëënynyö marge geno cwøl ni jenni mo teek moa tøøk Wuuö Jwøki, nee nyeŋŋe jiem ki rege.

Aydheea 62:1

'Ba kiper nyeŋ Dhayan a ba nikïïl; kiper nyeŋŋe, eni na Jerucalem, a ba bëëdö naa lïŋö, këël kanyo ö bëënynyö mare noo kwääre kaamar tiet cäŋ mo tuulö, noo ö pïëmmi man piem eni ki gø noo liele kaamar ameeth.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Jeremaya 33:9

Køøre nyeŋŋa tïmö ni wïnyö, ni jïta ki met ec ki pwøc, ka ajiem ki køør pääny man nyïm wïth juurre bëët mo bäät piny, moo wïny gïïa beyø bëët moo tïïa kiper jø pääny man, ni thäŋ yïthge ni rïïŋ dëëtge kiper bëët bëënynyö ki bëët mëër mano tïïa kiper pääny man.

Jool 2:32

'Ba gïno tägi, ŋato cøør nyeŋŋa, a na Wuuö Jwøk, di piemø, kiper ki køør mana caana, a na Wuuö Jwøk, da jiy mo bøth ni kwøw bäät Kïn Dhayan, ni beeye Jerucalem, ni moo bøth ni kwøw beege moo cwøla, a na Wuuö Jwøk.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Mikiya 7:9

Waana bääyö dëër Wuuö Jwøk møn; wëër mare bëëdö ni ena bäätwa këël kanyo pïëme kiper luubö marwa, noo këël tier adïëri marwa piny. Eni wa käle wøk ni bëëtwa yi tar, ni jootwa adïëri mare.

Abakuk 2:3

Kiper gïno nyooth poot koora kanya wäŋŋi kipere. 'Ba eni laara cwöp øde ni ba kääŋi. Këël doo nëënö no oruu, koor eni, kiper ka adïëri møn, eni öö, ni eni ba ruu.

Agëë 1:8

Ethu maal bäät kïte, ni ŋudu ki jenni ni kälu ge piny, ni geerru øtø mara; køøre nø, yia omïnni ki gø, ni jiem a ki køøre.

Jøøn 17:10

ni 'moa bëët beege moï, ni moï bëët beege 'moa, ni aano jiemø rege.

Wëëlö Mana Göör Pøølli Baŋ Jø Röm 1:17

Kiper bëënynyö man wø cïp Jwøki onyoodhø ree, ni wø joot ki køør ŋäädhe keere na bäre bäre, kaawat mana gööri, ni «Eni noo bëënynyi ki køør ŋäädhe okwøw.»

Epeca 1:6

nee met yie na bäŋ teeŋe na cïbe jïïø ki bäth ec dëër Omëëye, nee pwøø.

2 Thecalönika 1:10

dïcäŋo ööe noo jiemi dï jiye, noo tïm yïth jøøa ŋäädhö bëët no orëëm ki mare, kiper mana jïëyu marwa na køpwa jïïu kiper cäŋöce.

2 Thecalönika 1:12

kiper nee nyeŋ Kwääyø ma Jecu nee tïme ni jiem ka køøru, ni ö uuni ni jiemi ki køøre, ki køør met ec mar Jwøk marø ki Kwääyø ma Jecu Krictø.

Ibaru 10:37

«Kiper dööŋŋa kany mo thiinh, nee eni na doo öö, ööe, ni eni ba ruu.

1 Piter 2:6

Kiper ogöörö yi wëël Jwøk, ni «Neennu, aani, a kïtha yi Dhayan ki kïdi, na näk mo ojierø na pere leth na näk kïn gøøt, 'ba ŋat wø jïëy ki eni ni ŋääth gø, wïïe ba doo lääö.»