Aydheea 46:11 - Wëël Jwøk

¹¹ 'Ba aani, da ŋat mo cwøla cwølø ki jï løø kur tuul-cäŋ, mo käla paac mør mo bäär, ni ööe kaamar wenyø man wø cämö ni cwëëdhö, nee gïno manynya nee tïïe. Ka adïëri møn, luubö manøgø anø caana, ni ka adïëri møn, puta ka wëëk thur kare. Luubö manøgø ya nø cooŋ; ka adïëri møn, tïïa tïïö.

Aydheea 46:11 Iomraidhean Croise

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Jööp 23:13

«'Ba Jwøk bee eni keere, ?aŋa ni løny jïre ki man mak gø ki teek ki man wiil acaara mare? 'Ba eni tïïya man wø manynye keere.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 18:6

Ni putge dööŋŋe jï weny mo wø cämö ni ge cwëëdhö ni wø bëëdö bäät kïte, ki jï lääc paap, ni tïmge na cam jï weny moøgø ki öörö bäre, ni tïmge thuwø na cam jï lääc paap ki cwiir bäre.

Aydheea 22:25

'Ba Wuuö Jwøk, eni na wïth jammi bëët, mare acaane, ni kööe, «Dïcäŋeca, jaath mana no orääö ni teek kanya no oŋäädhö tïmö ni lwäägö, ni toore ni pädhe, ni ö gïïa no olïër dëëre bëët ni ränyge.» Kiper eni na Wuuö Jwøk mare ee nø caan.

Aydheea 25:1

Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 37:26

« ‹?Aŋø, kärï wïnynyö cøøn? Gïnögø yaa nø caar ki kany mo bäär, a na Wuuö Jwøk, ni caara ka ya acääŋŋe cøøn. 'Ba ennø, a wëëga gø thur kare, nee päänye moa no ogeerø ni teek nee wëëgï niruuth.

Aydheea 38:15

«?'Ba agïne noo caana nø? Kiper Wuuö Jwøk anø cäänö ki aani, ni ö eni ki dëëre kiree ni nø tïïc mare. Aano bëëdö ni dëëra yaa dwøk piny ki yïth cwiiri 'moa bëët, kiper gïna leth na jwøra ki cwïnya.

Aydheea 41:2

?Aŋa noo tïŋ maal ki ŋat mo käla kur tuul-cäŋ, ni cwøla gø ki køør adïëri mare kiper tïïc mare, nee wïth juurre cïp cere, ni tïïc nyeye ni ena tiere, nee ge tïïe kaamar tør ko opëëllö mare, ni tïïc geni ka atheerø mare kaamar lethø mo okøøl apwøyaweerø?

Aydheea 41:25

«'Ba aani, a na Wuuö Jwøk, a tïŋŋa maal ki dhaanhø ki jï løø wï-piny, 'ba eno ööi ki jï løø kur tuul-cäŋ ni cøøra nyeŋŋa, ni ööe ni nyør kwääri, kaaman wø ö dïcwäc dääe wø nyør odhöönh.

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 45:13

Aani Kiröc anø tïŋa maal ki køør adïëri mara, 'ba nyeŋ jïëthe moe bëët otïïa ni tiir, ni ö eni ni geer pääny mara, ni tïïc jiya moa no omaaø ki tøŋ nee wec, ni bäŋ gwel mo di coolø wala muuy mo dï cïbö.» Manøgø bee dwør Wuuö Jwøk, eni na wïth jammi bëët.

Aydheea 56:9

U bëët, u na lääc paap ni wø bëëdö yi lul, ööu ni cammu jiya!

Jeremaya 44:28

'Ba mo nøk keerge moo bøth dho opëëllö, geno aa wøk ki yi ŋööm Ijep ni døøge yi ŋööm Juuda. Køøre jø Juuda bëët moo dööŋ moa ö Ijep baŋ bëëtö, kar kaace oŋäcge ki man näk mo thura luumma kare wala marge.

Jeremaya 50:29

Wuuö Jwøk aköö, ni «Jø wø këëdi ka athëëre bëët wär cwøllu, nee öge ni ge thööth kuna tukge Babiløn. Twëëre mou wär tïïyu deŋ kiir mare bäre; kär dee ŋat mo päär wøk. Teeŋ gïna tïïe, coollu dëëre, ni tïïyu ka køør gïïa tïïe bëët; kiper dëëre atïïe ni dwøŋ bäät Wuuö Jwøk, Jwø Icriel na en kur keere.

Jeremaya 50:44

«Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Babiløn. Ki nyi kany mo thiinh, jø Babiløn 'riema wøk ki køør gïno tïïc jøøgø, ni jëëta ki ŋato manynya jaak, ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Jeremaya 50:45

Kiper manøgønø, wïnynyu gïno tïïc Wuuö Jwøki, ni beeye acaara mare kiper gïno tïïe dëët jø Babiløn, yi ŋööm Kaldia bäre. Ka adïëri møn, obwöre moa therø na en dïge otuut wøk, ni tïm cwïny jiy ni böö ki gïno tägi dëëtge.

Edhikiel 39:4

Ïïni ki jø leny moï bëët, ki wïth juurre moa cäädhö ki ïïni, uuno päänhnhi bäät kïte mo Icriel. Uuni, u cïba cïbö na cam jï lääc paap ki teeŋ weny bëët mo wø cwëëdhö.

Kwään Jiy 23:19

Jwøk ba caal dhaanhø ni wø cäänö ki tööt; ni eni ba caal o dhaanhø ni wø laar acaaye wiil. ?Gïna näk ee caanø, a ba dee gø tïïö nidïï? ?Ni gïn mo ee buuö, a ba dee gø tïïö nee thur kare nidïï?

Moa Tïïc Nyïïatwieli 4:28

Ni ge tïïya gïna näk iï cooŋø ki cwïnyï ki teek marï cøøn ni doo tïmö.

Moa Tïïc Nyïïatwieli 5:39

'Ba ni näk marge käla baŋ Jwøk, ge ba maaru böötö. Kanymør tïmö nou gëëmö ka Jwøk.»

Epeca 1:11

Ni beeye ki køøre na ö waani na kwøŋ Krictø ŋääth na miek na jier nee wa bëëtwa ni wa pwøya ajieme, keda mana many ŋat wø tïïc jammi bëët keda man wø näk ee cooŋø ki cwïnye.

Epeca 3:11

Ni beeye gïna näk ee kwøŋ cooŋ ki cwïnye cøøn kanya poot pinynyi, ni beeye na wëëk thur kare ennø ki ri Krictø Jecu na näk Kwääyø,

Mana Nyooth 16:12

Ni ö bïcier nyïïatwiet maalli ni køny kuura mare bäät Naam Upareeti na dwøŋ, ni ö pïïe ni talge, ni jiiŋŋa jöör nyeye moo ööi ki jï løø kur tuul-cäŋ.