Aydheea 46:10 - Wëël Jwøk

¹⁰ Gïno tägi ya aŋuudi wø kwøŋa ka caan, ni caana gïïa näk poot kär tïïö, ki kany mo bäär cøøn, ni kööa, ni ‹Luubö mara cuŋŋö kare na adïëri, ni wëëga gïïa met yia ki ge thur karge.›

Aydheea 46:10 Iomraidhean Croise

Wïlöölö 3:15

Yïthakiyu ki dhaagø omooa ki män, ni mooa yïthakic nyïïï ki nyïïe ki män thuwø. eni wïïï onyadhe, ni ö ïïni ni dwøŋï opuny tiere.»

Wïlöölö 49:10

Athøc kwär ba aay cer Juuda, ni kwär ba aay dhi øde, këël mano ö ŋat ma athøc kwär dööŋ jïre; ni tïm jiyi bëët ni leŋa ciik moe.

Jööp 23:13

«'Ba Jwøk bee eni keere, ?aŋa ni løny jïre ki man mak gø ki teek ki man wiil acaara mare? 'Ba eni tïïya man wø manynye keere.

Pwöc Leec Wïc 19:21

Da acaare mo thööth cwïny dhaanhø, 'ba pwöc mar Wuuö Jwøk bëëdö kare.

Pwöc Leec Wïc 21:30

Leec wïc ki ŋäc tiet luup ki pwöc, bäŋgø mo kaala Wuuö Jwøk.

Aydheea 10:12

'Ba kanyo nø ö Wuuö Jwøki noo nø thöör tïïe moe bëët bäät Kïn Dhayan dëër pääny Jerucalem, eni köö, «Aani, nyeny Aciria jääla jäälö kiper ŋwøc mare na raac na en cwïnye, ka atöör mare na näk nëënö waŋe.»

Aydheea 14:24

Wuuö Jwøk, eni na wïth jammi bëët, anø kööŋ ni kööe, ni «Ka adïëri møn, kaawat mana nø cïba acaara mara piny, puta tägö; kaawat mana nø caara gø, puta bëëtö kare.

Aydheea 25:1

Wui Wuuö Jwøk, ïïna Jwøk mara, nyeŋŋï tïŋa maal, ni pwøa nyeŋŋï; kiper ïïna tïïö ki gïï mo rëëma ec, ni beege japa caarï ya acääŋŋe na wëëgï tïïc na karge.

Aydheea 40:8

Luum tal ni päth wïïe piny, 'ba dwør Jwøk marø bëëdö na bäre bäre.

Aydheea 41:21

Wuuö Jwøk, eni na nyeny nyïïkwaac Jeekap, aköö, ni «Caannu luubö maru, ni kälu gïïa näk cwïnynyu päŋ ki ge nyïm.

Aydheea 41:4

?Aŋa na tïïc gïnögø na wëëk gø thur kare, na cwøl beenhnhe ki mana täge dïkwøŋ? Bee aani na Wuuö Jwøk na nut wïlöölö noo nut ya aŋuudi, ni bee aani na eni.

Aydheea 43:13

Ki mana täge cøøn bee aani na eni, ni bäŋ ŋat mør mo piema dhaanhø cera. Aani, mara wø tïïa tïïö, ?'ba aŋa ni wø wiil gø?»

Aydheea 44:7

?Aŋa ni caal aani? Beerra man ö ŋateca ni køp mare ni caan gø; beerra man peeth gø nyïma na kare, ni caan gïïa tägö bëët ki mana täge ki kanya këëlla tier wï jur piny ki kany mo bäär cøøn. Ni put gïno tägi yi nyïm caan jïge thuwø.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Aydheea 46:11

'Ba aani, da ŋat mo cwøla cwølø ki jï løø kur tuul-cäŋ, mo käla paac mør mo bäär, ni ööe kaamar wenyø man wø cämö ni cwëëdhö, nee gïno manynya nee tïïe. Ka adïëri møn, luubö manøgø anø caana, ni ka adïëri møn, puta ka wëëk thur kare. Luubö manøgø ya nø cooŋ; ka adïëri møn, tïïa tïïö.

Aydheea 48:14

«Uuni bëët, cooŋŋu rou ni cegu ïthu. ?A kït gïn wø lam mane na caan tiet luup moi ii? Eni na jier Wuuö Jwøki, mana many Wuuö Jwøki tïïe tïïö dëër Babiløn, ni ö teek bade ni bëëde ni ena dëëtge, ge na jø Kaldia, ni jääla ge.

Aydheea 48:3

Aani, ki kany mo bäär cøøn, jammi moa tägö bëët ni poot ena nyïm, akøba. Gena cur wøk ki dhaa, ni tïïa geni nee ŋäc jiyi. Køøre gïïögø atïïa ni putge tägö ni cwöba røk.

Aydheea 53:10

'Ba beeye mana many Wuuö Jwøki ki man wëëk gø caarø ni jwør gïï mo leth, ni cïp jwïëc gø no olämi man wëën bääyö mar jiy ki gø. 'Ba cwiiye otïmö ni thööth, ni neen beenhnhø mano en yi nyïm. Gïïa met yi Jwøki ki ge otïïe ni wëëk ge thur karge.

Aydheea 55:11

aani thuwø, a na Wuuö Jwøk, luubö man wø ö wøk ki dhaa ba duu baŋa jaak ni gïna manynya nee tïïe käre thöörö, ni gïna jääŋŋa gø kipere käre wëëk thur kare.

Jeremaya 44:28

'Ba mo nøk keerge moo bøth dho opëëllö, geno aa wøk ki yi ŋööm Ijep ni døøge yi ŋööm Juuda. Køøre jø Juuda bëët moo dööŋ moa ö Ijep baŋ bëëtö, kar kaace oŋäcge ki man näk mo thura luumma kare wala marge.

Edhikiel 39:8

'Ba ka adïëri møn, cäŋece öö, ni gïnece tägö møn ni ba kääŋi, ni bee dïcäŋ man cääna kipere en. Luummögø caana aani, a na Kwäärö Wuuö Jwøk.

Daniel 4:35

ni jø wø bëëdö wï ŋöömö geno kwaanø kaamar gïï mo bäŋgø. 'Ba eni man wø tïïe yïthakic lwaae mo maal ki yïthakic jø wø bëëdö wï ŋöömö wø tïïe ka køør man wø manynye, ni bäŋ ŋat mo løny jïre ki man gëëŋ cer gø, wala ki man kööe jï gø, na «?Agïnaŋø na tïïyï?»

Odheea 5:9

'Ba kanyo tïme na dïcäŋ ajäla, Ipariem ränynyö. Aani, a caana gïn ma adïëri yïthakic wïth tuŋi mo Icriel.

Moa Tïïc Nyïïatwieli 15:18

Luupögø caana Wuuö Jwøki, ŋata døøc jammi bëët mo ŋäc cøøn.›

Moa Tïïc Nyïïatwieli 3:23

'Ba dïcäŋöca jiy bëët moo ba wïny luum nyikuŋŋögø, ge di raanynyø bëët dï jiy.›

Moa Tïïc Nyïïatwieli 5:39

'Ba ni näk marge käla baŋ Jwøk, ge ba maaru böötö. Kanymør tïmö nou gëëmö ka Jwøk.»

Ibaru 6:17

Kiper manøgønø, kanya ö Jwøki na many man nyooth mare døøc mano tïïe jï lwiidhi ni wø ci buuki jïge, nee jootge ni luumme ba maar daaø, eni ree aput kïth yie ki kööŋ.